Дар ноҳияи Абдураҳмони Ҷомӣ барои таҳким бахшидани ҳамкории милитсия бо ҷомеа вохӯрӣ доир гардид
ДУШАНБЕ, 14.08.2024. /АМИТ «Ховар»/. Роҳбарияти Раёсати Вазорати корҳои дохилӣ дар вилояти Хатлон бо сокинони ҷамоати Яккатути ноҳияи Абдураҳмони Ҷомӣ- пирони рӯзгордида, занону духтарон ва масъулини кумитаи маҳаллаҳо аз ҳамаи деҳаҳои ин ҷамоат вохӯрӣ гузарониданд.
Тавре ба АМИТ «Ховар» дар Раёсати Вазорати корҳои дохилӣ дар вилояти Хатлон иттилоъ доданд, ҳадафи асосии вохӯрӣ таҳким бахшидани ҳамкории милитсия бо ҷомеа буд. Зимнан масъалаҳои баланд бардоштани маърифати ҳуқуқӣ, таҳкими худшиносиву худогоҳии ҷавонон, пешгирии кирдорҳои зиддиҳуқуқӣ байни ҷавонон ва дар якҷоягӣ бо аҳли ҷамоат муайян ва бартараф намудани сабабу шароите, ки ба ҳамроҳшавии ҷавонон ба гурӯҳҳои ифротгаро мусоидат мекунанд, баррасӣ шуданд.
Дар вохӯрӣ доир ба тақвият бахшидани чорабиниҳои ҳуқуқӣ дар якҷоягӣ бо фаъолони ҷомеаи шаҳрвандӣ барои коҳиш додани вазъи нигаронкунандаи ҷинояткорӣ байни сокинони ноҳия, пешгирии шиддати дохилшавии ҷавонон ба ташкилоту созмонҳои террористиву экстремистӣ, бо роҳи фаҳмондадиҳӣ ба Ватан баргардонидани ҷинояткорони дар ҷустуҷӯи расмӣ қарордошта, аъзою пайравон ва тарафдорони ташкилоти ифротӣ бо овардани рақаму далелҳои оморӣ сухан гуфта шуд.
Таъкид гардид, ки дар бунёд ва нигаҳдошти солимии ҷомеа ва мубориза бар зидди зуҳуроти номатлуб аз ваколатҳои фаъолони ҷомеа, пирони рӯзгордида ва нафаронони обрӯманди маҳал ҳамчун намояндагони пешсафи ҷомеа бояд истифода бурд.
Дар вохӯрӣ бо сокинони ноҳияи Абдураҳмони Ҷомӣ дар хусуси нақшаи даъват ва ҷалби ҷавонон ба сафи Қувваҳои мусаллаҳи мамлакат, омӯхтани мактаби далериву мардонагӣ, хизмат ба Ватан-Модар ва шароити таъминоти муҳайёгардида дар қисмҳои низомию ҳарбӣ, ташкили фазои ҳамдигарфаҳмии дуҷониба байни милитсия ба ҷомеа, баррасии фаврии арзу дархост ва пешниҳоду муроҷиатҳои шаҳрвандон, тарбияи ҳуқуқии ҷавонону наврасон дар руҳияи эҳтиром ба қонун ва арзишҳои милливу таърихӣ, бартараф намудани камбудиҳо дар маҳал ва нигаҳдошти ҷомеаи солим ибрози назар карда шуд.
АКС: Раёсати Вазорати корҳои дохилӣ дар вилояти Хатлон
Бахшида ба Рӯзи кормандони соҳаи меҳнат ва ҳифзи иҷтимоии аҳолӣ ҳамоиш доир шуд
ТАРМАФАРОӢ. Имрӯз дар баъзе ноҳияҳои Тоҷикистон фаромадани тарма пешгӯӣ мешавад
Дар вилояти Хатлон оид ба таълим ва тарбияи ҳуқуқии шаҳрвандон ҷаласа доир шуд
ҲАДАФ-ҲИФЗИ ПАРАНДАГОН ВА ҲАЙВОНОТ. Дар Тоҷикистон корҳои биотехникӣ гузаронида мешаванд
Муассисаҳои таълимии таҳсилоти ибтидоӣ ва миёнаи касбӣ бо таҷҳизоти муосири омӯзишӣ таъмин карда мешаванд
«МО НАКУНЕМ, КӢ МЕКУНАД?». Дар Душанбе бо иштироки волонтёрон ҳашари барфтозакунӣ ташкил гардид
Аз шаби дирӯз то имрӯз дар масири Душанбе-Чанок 29 тарма фаромадааст
Лоиҳаи нави барномаи грантии Иттиҳоди Аврупо дар соҳаи таҳсилоти касбӣ-техникӣ баррасӣ шуд
ПЕШГИРИИ ОВОРАГАРДИИ НОБОЛИҒОН. Бо ин мақсад дар шаҳри Бохтар санҷиши шабона гузаронида шуд
ОГОҲИИ АГЕНТИИ ОБУҲАВОШИНОСӢ. Пагоҳ дар Тоҷикистон ҳавои номусоид пешгӯӣ мешавад
Агентии «Тоҷикстандарт»: «Ҳангоми харид ва истифодаи маҳсулоти консервашуда бо диққат бошед!»
ТАВСИЯИ СУДМАНД. Дар рӯзҳои зимистон чӣ гуна худро аз сармо эмин нигоҳ дорем?
