Кумитаи андоз: «Ба буҷети ҷумҳуриявӣ аз ҳисоби ҷаримаҳо зиёда аз 200 миллион сомонӣ ворид гардид»
ДУШАНБЕ, 10.08.2024 /АМИТ «Ховар»/. Новобаста аз фароҳам овардани шароити мусоид барои фаъолияти соҳибкорӣ, беҳтар намудани хизматрасонии давлатӣ дар шакли электронӣ ва содаву мувофиқ намудани иҷрои уҳдадориҳои андозӣ ҳоло ҳам баъзе субъектҳои хоҷагидор ба қонунвайронкуниҳо роҳ медиҳанд. Дар шашмоҳаи якуми соли 2024 дар маҷмуъ 10,5 ҳазор ҳолати ҳуқуқвайронкунӣ ошкор ва шахсони дахлдор ба ҷавобгарии маъмурӣ кашида шуда, нисбат ба онҳо ба маблағи умумии 188 миллион сомонӣ ҷаримаҳои маъмурӣ татбиқ гардид. Дар ин хусус Раиси Кумитаи андози назди Ҳукумати Ҷумҳурии Тоҷикистон Нусратулло Давлатзода зимни нишасти матбуотӣ иттилоъ дод.
Нусратулло Давлатзода гуфт, ки аз ин ҳисоб ва аз ҳисоби ҷаримаҳои солҳои қаблӣ ба буҷети ҷумҳуриявӣ зиёда аз 201 миллиону 600 ҳазор сомонӣ маблағ ворид гардид, ки нисбат ба ҳамин давраи соли 2023 29 миллион сомонӣ зиёд мебошад.
Тадбирҳои солҳои охир тибқи супориши Ҳукумати Ҷумҳурии Тоҷикистон андешида имконият медиҳанд, ки шумораи субъектҳои хоҷагидор давра ба давра афзоиш ёбад.
Тибқи маълумоти Феҳристи ягонаи давлатии шахсони ҳуқуқӣ ва соҳибкорони инфиродӣ, ба ҳолати 1 июли имсол шумораи умумии субъектҳои хоҷагидор 358,6 ҳазор нафарро ташкил дод, ки нисбат ба аввали сол 8,3 ҳазор, аз ҷумла шахсони ҳуқуқӣ – 633 ва соҳибкорони инфиродӣ 7,7 ҳазор нафар зиёд мебошад.
Раъно НУСРАТУЛЛО,
АМИТ «Ховар»
АКС: АМИТ «Ховар»
Дар хоҷагии деҳқонии «Ҳолиёр Қурбонов»-и Қубодиён дар 11 гектар меваю зироат парвариш мешавад
РУШДИ ПАРАНДАПАРВАРӢ. Дар Зафаробод сохтмони фабрикаи мурғпарварӣ идома дорад
МАСЛИҲАТИ МУТАХАССИС. Истеъмоли зардолу фаъолияти зеҳнӣ ва хотираро беҳтар мекунад
ИСТИФОДАИ САМАРАНОКИ ЗАМИН. Сокини ноҳияи Панҷ дар 2 гектар гармхонаҳои доимӣ бунёд намудааст
Дар Душанбе дурнамои тақвияти ҳамкории Тоҷикистон бо БАТР баррасӣ гардид
Дар Душанбе оид ба сохтмони корхонаи «энергия аз партовҳо» вохӯрӣ доир шуд
«САФЕДДАРА» — МАКОНЕ, КИ ҲАР САЙЁҲ ОРЗУИ ДУБОРА ДИДАНИ ОНРО ДОРАД! Иштирокдорони Конфронси чоруми оби Душанбе аз тамошои ин гӯшаи нотакрори Тоҷикистон эҳсоси хушҳолӣ намуданд
Дар мулоқоти вазирони энергетика ва оби Тоҷикистон ва Либия натиҷаҳои Конфронси сатҳи баланди оби Душанбе баррасӣ шуданд
Гурӯҳи кории Хадамоти зиддиинҳисорӣ барои танзими нархи семент дар бозорҳои ҷумҳурӣ санҷиш гузаронид
Ғолибони Озмуни ҷумҳуриявӣ таҳти унвони «Ҷавонон– муқобили коррупсия» қадрдонӣ карда шуданд
Дар Остона ҷаласаи 12-уми Шурои сиёсати саноатии кишварҳои аъзои ИДМ баргузор гардид
РӮЗИ БАЙНАЛМИЛАЛИИ КАРТОШКА. Ин зироат аз ҳисоби ҳаҷми умумии истеҳсол дар ҷаҳон ҷои сеюмро ишғол менамояд
