«МегаФон Football Day: бозӣ бо ситораҳо»: ҳамаро даъват менамоем!
ДУШАНБЕ, 19.08.2024 /АМИТ «Ховар»/. 1 сентябр сокинони Душанбе иштирокчии ҷашни бошукуҳи варзишӣ – фестивали «МегаФон Football Day: бозӣ бо ситораҳо» мегарданд. МегаФон Тоҷикистон ҳамин тавр рӯзи таъсисёбиашро таҷлил намуда, ба сокинон вохӯрӣ бо бозингарони амалкунанда ва собиқ бозингарони дастаи мунтахаби миллӣ оид ба футбол, ҳунармандон ва ситораҳои Instagram-ро ҳадя мекунад. Даромад ройгон аст. Шарики фестивал — Федератсияи футболи Тоҷикистон.
Чорабинӣ дар Майдони марказии шаҳри Душанбе соати 16:00 оғоз меёбад. Дар макони мухлисон бозингарони мунтахаби миллӣ- нимҳимоятгарон Амирбек Ҷурабоев, Амадонӣ Камолов ва Эҳсони Панҷшанбе соядаст гузошта, бо мухлисон муошират хоҳанд кард. Сокинони пойтахтро машғулияти омӯзишӣ оид ба футбол ва озмунҳо, баромади ҳунармандон ва мусобиқаҳои оилавӣ интизор ҳастанд.
Бозӣ байни собиқадорони дастаи мунтахаби миллӣ ва ситораҳои шоу-бизнеси Тоҷикистон, ки соати 19:00 оғоз меёбад, рӯйдоди муҳими рӯз хоҳад гашт. Мухлисон дар майдон футболбозони машҳуре, чун Нуриддин Давронов, Дилшод Восиев, Фатҳулло Фатҳуллоевро мебинанд. Рақибони онҳо сарояндаи машҳур ва блогери дорои миллион обуначӣ Барон, ғолиби шоу «Ну-ка все вместе!» Фаррух Ҳасанов, роҳбари Ассотсиатсияи блогерон ва вайнерҳои Тоҷикистон Бахтиёр Маҷидов, вайнер Фаридун Сафаров мебошанд.
Инчунин барнома озмунҳо бо туҳфаҳо аз ширкати «МегаФон Тоҷикистон», макони аксгирӣ, ки дар он метавон аксҳои зебо гирифта, дарҳол онҳоро дар шабакаҳои иҷтимоӣ ҷойгир кард, макони истироҳат ва фуд-кортро дар бар мегирад. Мусобиқаҳо аз рӯи варзиши кибернетикӣ баргузор мегарданд.
«Таҷлили рӯзи таъсисёбии ширкат бо тантанаҳои бузург дар Душанбе, даъвати муштариёни худ ва дигар сокинони ҷумҳурӣ аллакай ба ҳукми анъана даромадааст. Имсол мо тасмим гирифтем, ки шакли ташкилро дигар кунем: мавзуи фестивал варзиши дӯстдоштаи миллионҳо мегардад. Зеро футбол дар Тоҷикистон – маҳбубияти хос дорад. Моро лаҳзаҳои шадиду ҷолиби футбол, муошират бо бозингарони дӯстдошта ва эҳсосоти рангин интизор ҳастанд. 1 сентябр дар Майдони марказӣ вомехӯрем!» – мегӯяд директори иҷроияи ширкати «МегаФон Тоҷикистон» Анатолий Изюмников.
Шарики кулли иттилоотии фестивали «МегаФон Football Day: бозӣ бо ситораҳо» – АМИТ «Ховар».
Шарики расмии иттилоотии фестивал – Pressa.tj.
Шарикони иттилоотии фестивал – ТВ-Тоҷикистон, ТВ-Ҷаҳоннамо, Love Radio TJ.
АКС: ширкати «МегаФон Тоҷикистон»
«МАКТАБИ МОДАРОН». Дар Ёвон духтарон таҷриба омӯхта, ба ҳаёти мустақилона омода мешаванд
22 январ дар Тоҷикистон ҳарорати ҳаво паст шуда, бориши барф пешгӯӣ мешавад
ИСТИҚЛОЛИ ДАВЛАТӢ, СУБОТИ СИЁСӢ ВА АМНИЯТИ МИЛЛИИ ТОҶИКИСТОНРО ҲИФЗ БОЯД КАРД. Дар ҳошияи Паёми Президенти Тоҷикистон ба Маҷлиси Олӣ
Имрӯз дар Тоҷикистон ҳавои тағйирёбандаи бебориш пешгӯӣ мешавад
16 бинои муассисаи таҳсилоти ибтидоии касбӣ ва 4 муассисаи таҳсилоти миёнаи касбӣ таъмир гардид
Интернети бештар ва рақами қиматбаҳо: фоидаи тарофаҳои пешпардохтӣ дар чист?
Оид ба таъмини рушди устувори соҳаи кишоварзӣ дар шароити тағйирёбии иқлим машғулияти омӯзишӣ доир шуд
Имрӯз дар баъзе ноҳияҳои Тоҷикистон туман мефарояд
РУШДИ ҲУНАРҲОИ МАРДУМӢ. Дар Бадахшон беш аз 300 нафар ҳунарманд фаъолият мекунад
Дар Искандаркӯл ба бунёди меҳмонхона ва иншооти муосири сайёҳӣ санги асос гузошта шуд
Имрӯз дар ноҳияҳои алоҳидаи кӯҳии Тоҷикистон барф меборад
