НИШАСТИ МАТБУОТӢ. Дар Вазорати адлия платформаи нави Сабти асноди ҳолати шаҳрвандӣ амалӣ мешавад
ДУШАНБЕ, 09.08.2024. /АМИТ «Ховар»/. Ҳоло бо дастгирии шарикони рушд платформаи нави Сабти асноди ҳолати шаҳрвандӣ омода мешавад, ки ба шаҳрвандон имконият медиҳад аз хизматрасонии давлатӣ ба таври фосилавӣ — онлайнӣ истифода кунанд. Яъне, аризаву дархостҳоро барои гирифтани хизматрасонии давлатӣ ба тариқи онлайн ирсол намоянд. Дар ин хусус 8 июл зимни нишасти матбуотӣ Вазири адлияи мамлакат Музаффар Ашуриён иттилоъ дод.
Ба таъкиди вазир, дар ҳамкорӣ бо Агентии инноватсия ва технологияи рақамӣ масъалаи пайваст ва ҳамгироии минбаъдаи платформаи нави Сабти асноди ҳолати шаҳрвандӣ ба низоми пардохтҳои миллии пулии ҳушманд коркард шуда истодааст. Платформаи нав имконият медиҳад, ки бо вазорату идораҳо дар реҷаи онлайнӣ додугирифти маълумот анҷом дода шавад.
Шуруъ аз 10 июли соли 2024 дар ягон нуқтае, ки хизматрасонии давлатӣ аз ҷониби Вазорати адлия амалӣ мешавад, дигар ҳисоббаробаркунии нақдӣ вуҷуд надорад. Ҳама хизматрасониҳо ба тариқи ғайринақдӣ тавассути низоми пардохти ҳушманд «smart pay» амалӣ карда мешаванд.
Иттилоъ дода шуд, ки дар тамоми сохторҳои Вазорати адлия барои амалисозии низоми ҳушманд аллакай таҷҳизоти зарурӣ пайваст гардидаанд. Соли 2023 агар 19 пос-терминал хизмат мерасонид, ҳоло ин шумора ба 161 адад расидааст.
Музаффар Ашуриён изҳор намуд, ки аз соли 2020 инҷониб коргузорӣ дар мақомоти Сабти асноди шаҳрвандӣ тавассути низоми электронӣ ба роҳ монда шуда, ҳама сабтҳо тариқи рақамӣ тартиб дода мешаванд. «Мо ин корро пайгирӣ менамоем ва ин яке аз масъалаҳои рӯзмарраи имрӯзаи самти фаъолияти вазорат аст. Мо кӯшиш мекунем, ки то муҳлати муайяншуда чорабиниҳоро амалӣ намоем»,-афзуд Музаффар Ашуриён.
Ҳамзамон таъкид гардид, ки бо дастгирии шарикони рушд то охири соли 2025 бояд ҳадди ақалл 1 миллиону 350 ҳазор сабти бойгонӣ ба шакли рақамӣ гузаронида шавад, ки ҳоло ин рақам ба 200 ҳазор расидааст.
Ба иттилои вазир, аз соли 1935 дар бойгонӣ маълумот вуҷуд дорад, ки бояд ҳамаи он ба шакли рақамӣ гузаронида шавад.
Шаҳлои САДРИДДИН,
АМИТ «Ховар»
АКС: АМИТ «Ховар»
Татбиқи лоиҳаи «Барқарорсозии зерсистемаи системаи ВМК-и канали Қумсангир» ба 95 фоиз расид
ЗИМИСТОНГУЗАРОНӢ. Дар Сангвор ситоди ноҳиявӣ оид ба омодагии пурра ба фаслҳои тирамоҳу зимистон таъсис ёфтааст
Дар Москва конгресси 5-уми миллӣ дар соҳаи тиб доир гардид
Дар Ҳисор бахшида ба 32-солагии қабули Конститутсияи Ҷумҳурии Тоҷикистон конференсия доир шуд
Оид ба Конститутсия ва ҷойгоҳи он дар танзими муносибатҳои идоракунии давлатӣ ҳамоиши ҷумҳуриявӣ доир шуд
«КОНСТИТУТСИЯ-КАФИЛИ АДОЛАТИ СУДӢ». Дар Суди Олии иқтисодии Тоҷикистон ҳамоиш доир гардид
Муассисаи «Шабакаи гармидиҳии шаҳри Душанбе»: «Муштариён метавонанд барои ҳалли мушкилот ба рақами кӯтоҳи 14-44 занг зананд»
Доир ба саҳми академик Муҳаммадҷони Шакурӣ дар рушди илму адаб конференсияи илмӣ баргузор шуд
«КОНСТИТУТСИЯ–ПОЙДОРИИ ДАВЛАТИ ҲУҚУҚБУНЁД». Таҳти чунин унвон конференсияи ҷумҳуриявӣ доир гардид
Роҳҳои баланд бардоштани ҳосилнокии зироатро дар шаҳри Кӯлоб баррасӣ намуданд
Дар мавзуи «Конститутсия ва таъмини ҳуқуқ ба озодии эътиқод» конференсияи ҷумҳуриявӣ доир шуд
Дар ҷаласаи Шурои ҷамъиятии Ҷумҳурии Тоҷикистон механизмҳои нави ҳимояи ҳуқуқи муҳоҷирони меҳнатӣ баррасӣ гардид
