Ситораҳои футбол ва шоу-бизнес ба «МегаФон Football Day» омодагӣ мебинанд
ДУШАНБЕ, 27.08.2024 /АМИТ «Ховар»/. Дар арафаи «МегаФон Football Day: бозӣ бо ситораҳо», ки рӯзи якшанбе, 1 сентябр дар майдони марказии Душанбе баргузор мегардад, иштирокчиёни бозӣ мунтазам тамринҳо мегузаронанд. Дар як даста — собиқ бозингарони дастаи мунтахаби миллӣ, дар дастаи дигар — ситораҳои шоу-бизнес ва Instagram. Ҳаяҷону изтироб шиддат меёбад, зеро ба наздикӣ онҳо дар пеши садҳо нафар мухлисон вориди майдон мешаванд!
Дар майдони тамрини дастаи мунтахаби миллӣ омодагиҳо идома доранд. Варзишгароне, ки футболи тоҷикро шуҳратманд гардонидаанд, боғайратона боз ба майдон мебароянд.
«Мо нисбат ба рақибон эҳтиром дорем, аммо дар бозӣ ҳама маҳорати худро пурра нишон медиҳанд. Ин на танҳо бозӣ аст – ин имконияти бори дигар эҳсос кардани руҳияи даставӣ мебошад, ки моро муттаҳид кард»,-мегӯяд собиқ нимҳимоятгари дастаи мунтахаби миллии Тоҷикистон Нуриддин Давронов.
«Мо дар назди мухлисон масъулияти баланд дорем. Онҳо ин бозиро интизоранд ва мо бояд тамоми қобилияту маҳоратро нишон диҳем. На танҳо ғолиб омадан, балки нишон додани бозии ҷолибу зебо низ муҳим аст», — иброз медорад собиқ нимҳимоятгари дастаи мунтахаби миллии Тоҷикистон Дилшод Восиев.
Дар тарафи муқобили майдон ситораҳои шоу-бизнес бо шавқу ҳавас усулҳои футболро аз худ мекунанд. «Футбол – ин дунёи дигар аст, вале мо ба бозӣ омодаем! – мегӯяд блогер Baron. – Мо таҷрибаи кофӣ надошта бошем ҳам, аммо дастгирии мухлисон ба мо неру мебахшад».
Сароянда Фаррух Ҳасанов мегӯяд, ки ҳадафи мо – исботи он аст, ки мо бо футболбозони касбӣ рақобат карда метавонем ва ҳамзамон аз бозӣ ҳаловат мебарем. Ба бозӣ тайёрем ва омодаем, ки ҳамаро бо бозии худ дар ҳайрат гузорем.
«Барои мо ин бозӣ – имконияти нишон додани худ аз тарафи дигар аст. Мо ба саҳна одат кардаем, аммо имрӯз саҳна — майдони футбол аст. Кӯшиш мекунем, то мухлисон бо мо ифтихор кунанд!» – илова мекунад дидҷей Emre Jan.
Тамринҳо идома доранд. Мухлисон танҳо тахмин карда метавонанд, ки дар ин бозии ҷолибу беназир кӣ пирӯз мешавад. То дидор дар «МегаФон Football Day: бозӣ бо ситораҳо»!
Шарики кулли иттилоотии «МегаФон Football Day: бозӣ бо ситораҳо»– АМИТ «Ховар».
Шарики расмии иттилоотӣ – Pressa.tj.
Шарикони иттилоотӣ – ТВ-Тоҷикистон, ТВ-Ҷаҳоннамо ва Love Radio TJ.
АКС: ширкати «МегаФон Тоҷикистон»
13 феврал дар Вазорати корҳои дохилӣ, Вазорати адлия, Кумитаи андоз ва Суди Олӣ нишасти матбуотӣ баргузор мегардад
Имрӯз дар баъзе ноҳияҳои алоҳидаи Тоҷикистон туман мефарояд
НИШАСТИ МАТБУОТӢ. Кишоварзони Ҳисор беш аз 11,3 ҳазор тонна мева ва хушкмева содирот намуданд
Дар ҳавзаи интихоботии якмандатаи Шоҳмансур №3 ташвиқоти пешазинтихоботии номзадҳо доир гардид
Ширкати «Париматч Тоҷикистон» бо «Лигаи футболи Тоҷикистон» шартномаи ҳамкориро идома дод
Дар Маҷмааи сайёҳии «Сафеддара» Форуми блогерон баргузор мегардад
Имрӯз дар баъзе ноҳияҳои Тоҷикистон бориши борон ва барф дар назар аст
Имрӯз дар вазоратҳои корҳои хориҷӣ, рушди иқтисод ва савдо, меҳнат, муҳоҷират ва шуғли аҳолӣ, Кумитаи давлатии сармоягузорӣ ва идораи амволи давлатӣ, ҷамъиятҳои саҳомии кушодаи «Барқи Тоҷик», «Шабакаҳои интиқоли барқ» ва «Шабакаҳои тақсимоти барқ» нишасти матбуотӣ баргузор мегардад
«БЕҲТАРИН ЁРИ ВАФОДОР КИТОБ АСТ, КИТОБ». Имрӯз дар Душанбе беш аз 15 ҳазор нусха китоб ба намоиш-фурӯш пешниҳод гардид
НИШАСТИ МАТБУОТӢ. Соли 2024 бо шарофати дастоварди варзишгарони Тоҷикистон 134 маротиба Суруди миллӣ дар мусобиқаҳои сатҳи байналмилалӣ садо додааст
