33-СОЛАГИИ ИСТИҚЛОЛИ ДАВЛАТӢ. Дар ноҳияи Рашт 8 бинои муассисаи таълимӣ ва ду кӯдакистон ба истифода дода мешавад
РАШТ, 01.09.2024 /АМИТ «Ховар»/. Сокинону соҳибкорони ноҳияи Рашт ба истиқболи 33-солагии Истиқлоли давлатии Ҷумҳурии Тоҷикистон 73 иншооти гуногунро ба истифода медиҳанд, ки дар натиҷа барои сокинони ноҳия ҷойи кори доимӣ муҳайё мегардад. Дар ин хусус мудири бахши меъморӣ ва шаҳрсозии ноҳияи Рашт Ҳайдаралӣ Ҳоҷиев ба мухбири АМИТ «Ховар» иттилоъ дод.
Дар бунёди иншооти ҷашнӣ соҳибкорони ватандӯст ва сокинони ноҳияи Рашт саҳми арзанда доранд. Онҳо барои бартараф намудани мушкилии норасоии ҷойи нишаст, бо мизу курсӣ таъмин намудани синфхонаҳо ва ташкили синфхонаҳои фаннӣ барои хонандагон кӯшиш доранд.
Ба ифтихори ин ҷашни таърихӣ ҳашт бинои иловагӣ дар назди муассисаҳои таълимӣ ва ду бинои кӯдакистон ба истифода дода мешавад. Барои мисол, бинои нави таълимии деҳаи Шулмак дар назди Муассисаи таҳсилоти миёнаи умумии №7 барои 480 хонанда дар ду баст аз ҳисоби соҳибкор Қосим Қодиров, бинои нави таълимии деҳаи Поҷе дар назди Муассисаи таҳсилоти миёнаи умумии №54 барои 640 хонанда дар як баст аз ҳисоби соҳибкор Раҳимҷон Бобоҷонов, бинои нави таълимии деҳаи Дуоба ва майдончаи варзишӣ дар назди Муассисаи таҳсилоти миёнаи умумии №66 аз ҳисоби соҳибкор Ғаюр Ҷурабеков ва биноҳои иловагӣ дар назди муассисаҳои таълимии №112, №61, №45, №109, №68 бо саҳми соҳибкорону сокинон дар арафаи ҷашни 33-солагии Истиқлоли давлатӣ мавриди истифода қарор дода мешаванд.
Ҳамаи ин муассисаҳои таълимӣ бо дастгирии Вазорати маориф ва илми Ҷумҳурии Тоҷикистон ва соҳибкорони ватандӯсти ноҳия бо мизу курсӣ ва синфхонаҳои фаннию таҷҳизоти зарурӣ муҷаҳҳаз гардидаанд.
Иншооти ҷашнӣ бо дастгирии Мақомоти иҷроияи ҳокимияти давлатии ноҳияи Рашт ва саҳми сокинону соҳибкорон сохта шуда, аз кандани чоҳҳои амудӣ барои таъмини аҳолӣ бо оби нӯшокӣ, мумфарш намудани роҳҳои маҳаллӣ, марказҳои саломатӣ, майдончаҳои варзишӣ, коргоҳҳои истеҳсоли ҳасиб ва коғази ташноб, коргоҳҳои истеҳсоли хишти сементӣ, истгоҳҳои замонавӣ, марказҳои хизматрасонӣ, толори варзишӣ, биноҳои маъмурии ҷамоатҳои деҳот, кашидани хатҳои барқи баландшиддат, биноҳои истиқоматии баландошёна, навсозии майдони марказии шаҳраки Ғарм ва дигар иншооти муҳим иборат мебошанд.
Сокинону соҳибкорони ноҳияи Рашт дастуру супоришҳои Пешвои миллат муҳтарам Эмомалӣ Раҳмонро сармашқи кор қарор дода, дар ободии Ватан, муҳайё намудани шароити зиндагии беҳтарин барои аҳолӣ ва илму ҳунар омӯхтани хонандагон саҳми арзанда мегузоранд.
Субҳониддини МАҲМУД,
АМИТ «Ховар»
АКС: АМИТ «Ховар»
ИСТИҚЛОЛИ ДАВЛАТИИ ТОҶИКИСТОН-ЗАМИНАИ ҲИФЗУ ГУСТАРИШИ АРЗИШҲОИ МИЛЛӢ. Дар ҳошияи фармони Президенти Тоҷикистон «Дар бораи ҷашн гирифтани 40-солагии Истиқлоли давлатии Ҷумҳурии Тоҷикистон»
Дар назди чор муассисаи таълимии шаҳри Ҳисор биноҳои иловагӣ сохта мешаванд
«БАРНОМАИ ДАВЛАТИИ РУШДИ МУАССИСАҲОИ СОҲАИ МАОРИФИ ВИЛОЯТИ ХАТЛОН». Дар доираи он бунёди 165 иншоот ба нақша гирифта шудааст
Хобгоҳи Коллеҷи омӯзгории шаҳри Ҳисор баъд аз навсозӣ ба истифода дода шуд
Дар ноҳияи Деваштич иншооти гуногуни иҷтимоӣ ба истифода дода шуданд
Сарвари давлат Эмомалӣ Раҳмон ба таври фосилавӣ як қатор иншооти таъиноти гуногунро дар вилояти Суғд мавриди истифода қарор доданд
Президенти Ҷумҳурии Тоҷикистон Эмомалӣ Раҳмон дар шаҳри Хуҷанд тарабхонаи «Форел Платинум»-ро мавриди истифода қарор доданд
Пешвои миллат Эмомалӣ Раҳмон дар минтақаи озоди иқтисодии Суғд корхонаи нӯшокиҳои ташнагишикани ҶДММ «Райан»-ро ба истифода доданд
Президенти Ҷумҳурии Тоҷикистон Эмомалӣ Раҳмон дар ноҳияи Деваштич муассисаи таҳсилоти миёнаи умумии №70-ро мавриди баҳрабардорӣ қарор доданд
Сарвари давлат Эмомалӣ Раҳмон дар ноҳияи Деваштич корхонаи коркарди меваю сабзавот ва истеҳсоли афшураи ҶДММ «Витаминҳои Тоҷикистон»-ро мавриди баҳрабардорӣ қарор доданд
Президенти Ҷумҳурии Тоҷикистон Эмомалӣ Раҳмон ба таври фосилавӣ дар шаҳри Истаравшан 12 иншоотро мавриди истифода қарор доданд
