35-СОЛАГИИ ИСТИҚЛОЛИЯТИ ДАВЛАТӢ. Ба пешвози ин ҷашн дар ноҳияи Хуросон 239 иншоот бунёд ва навсозӣ мешавад

ДУШАНБЕ, 18.09.2024. /АМИТ «Ховар»/. Бахшида ба 35-солагии  Истиқлолияти давлатии Ҷумҳурии Тоҷикистон дар ноҳияи Хуросон сохтмони 239 иншооти таъйиноти гуногун ба нақша гирифта шуда, 136 иншоот ба истифода дода шудааст. Дар ин хусус ба АМИТ «Ховар» дар Мақомоти иҷроияи ҳокимияти давлатии ноҳияи Хуросон хабар доданд.

Бахшида ба ҷашни 33-солагии Истиқлолияти давлатии Тоҷикистон дар ноҳия 19 корхонаи саноатӣ ва 117 иншооти таъйиноти гуногун мавриди истифода қарор дода шуд.

Дар ин давра 10 синфхонаи иловагӣ дар назди Муассисаи таҳсилоти миёнаи умумии №1 дар Ҷамоати шаҳраки Обикиик, 10 синфхонаи иловагӣ дар назди Муассисаи таҳсилоти миёнаи умумии №18 дар деҳаи Ғаллаободи Ҷамоати деҳоти Ғаллаобод, 10 синфхонаи иловагӣ дар назди Муассисаи таҳсилоти миёнаи умумии №32 ва 2 бунгоҳи тиббӣ мавриди истифода қарор дода шуд.

АКС: Мақомоти иҷроияи ҳокимияти давлатии ноҳияи Хуросон