Ба кормандони Дастгоҳи иҷроияи Президенти Ҷумҳурии Тоҷикистон мукофотҳои давлатӣ тақдим гардиданд
ДУШАНБЕ, 03.09.2024 /АМИТ «Ховар»/. 3 сентябр дар толори Ҳукумати Ҷумҳурии Тоҷикистон ба ифтихори ҷашни 33-солагии Истиқлоли давлатии Ҷумҳурии Тоҷикистон маросими супоридани мукофотҳои давлатӣ ба кормандони Дастгоҳи иҷроияи Президенти Ҷумҳурии Тоҷикистон баргузор гардид.
Нахуст, муовини якуми Роҳбари Дастгоҳ Фирдавс Ҳаётзода Паёми табрикии Роҳбари Дастгоҳи иҷроияи Президенти Ҷумҳурии Тоҷикистон муҳтарам Раҳмон Озода Эмомалиро ба самъи иштирокдорони маросим расонд.
Роҳбари Дастгоҳи иҷроияи Президенти Ҷумҳурии Тоҷикистон дар Паёми шодбошии худ ҳамаи иштирокдорони чорабинӣ ва шахсонеро, ки бо мукофотҳои давлатию соҳавӣ сазовор дониста шуданд, ба муносибати 33-солагии Истиқлоли давлатӣ табрику таҳният гуфтанд.
Дар маросими мукофотсупорӣ ба кормандони Дастгоҳи иҷроияи Президенти Ҷумҳурии Тоҷикистон, ки дар фаъолияти меҳнатиашон натиҷаҳои шоистаи таҳсин доранд, мукофотҳои олии давлатӣ ва унвонҳои фахрӣ супорида шуд.
Таъкид гардид, ки Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон чун анъанаи наку дар арафаи ҷашнҳои давлатӣ намояндагони касбу кори гуногунро, ки дар рушду пешрафти ҷомеа саҳми арзанда мегузоранд, бо мукофотҳои давлатӣ қадрдонӣ менамоянд.
Дар маросими мукофотсупории имрӯза дар вазъияти тантанавӣ як зумра кормандони Дастгоҳи иҷроияи Президенти Ҷумҳурии Тоҷикистон бо мукофотҳои давлатии Медали хизмати “Шоиста”, Ифтихорномаи Ҷумҳурии Тоҷикистон, унвони Донори фахрии Ҷумҳурии Тоҷикистон, Ифтихорнома ва Сипосномаи Роҳбари Дастгоҳи иҷроияи Президенти Ҷумҳурии Тоҷикистон сарфароз гардиданд.
АКС: Дастгоҳи иҷроияи Президенти Ҷумҳурии Тоҷикистон
Дар ноҳияи Шамсиддини Шоҳин ба муносибати таъсиси Қувваҳои Мусаллаҳи Тоҷикистон ҳамоиш доир шуд
Дар партави ҳидоятҳои Президенти Тоҷикистон ба оилаҳои ниёзманд дар шаҳри Душанбе кумак расонида шуд
Дар мақомоти Ваколатдор оид ба ҳуқуқи инсон бахшида ба Рӯзи Қувваҳои Мусаллаҳи Тоҷикистон конфронс доир шуд
35-СОЛАГИИ ИСТИҚЛОЛИ ДАВЛАТӢ. Дар ноҳияи Вахш корхонаи истеҳсоли маҳсулоти полиэтиленӣ ба фаъолият оғоз намуд
Дар Агентии суғуртаи иҷтимоӣ ва нафақа Рӯзи Қувваҳои Мусаллаҳи Тоҷикистонро таҷлил намуданд
35-СОЛАГИИ ИСТИҚЛОЛИ ДАВЛАТӢ. Дар Бадахшон корҳои созандагию бунёдкорӣ вусъат меёбанд
Бахшида ба таъсиси Қувваҳои Мусаллаҳи Тоҷикистон дар Кумита оид ба таҳсилоти ибтидоӣ ва миёнаи касбӣ ҳамоиши тантанавӣ баргузор шуд
СОЛИ ОБОДОНИВУ СОЗАНДАГӢ. Дар ҳудуди ёдгориҳои таърихии ноҳияи Данғара ҳашари тозагӣ ва сабзкорӣ гузаронида шуд
Риояи қонуни танзими ҷашну маросим омили сарфакорӣ ва таҳкими маърифати ҳуқуқии шаҳрвандон мебошад
Дар ноҳияи Ёвон намоиши ҷойи нави кор баргузор гардид
Масъалаи рушди низоми таҳсилоти ибтидоӣ ва миёнаи касбӣ дар Тоҷикистон бо Роҳбари Намояндагии Иттиҳоди Аврупо баррасӣ гардид
Ҷаласаи Кумитаи роҳбарикунандаи байниидоравӣ оид ба татбиқи лоиҳаи «Миллати солими Тоҷикистон» баргузор шуд
