Бинои маъмурии Кумитаи иҷроияи Ҳизби Халқии Демократии Тоҷикистон дар ноҳияи Варзоб ифтитоҳ шуд
ДУШАНБЕ, 12.09.2024 /АМИТ «Ховар»/. Бахшида ба 33-солагии Истиқлоли давлатии Ҷумҳурии Тоҷикистон ва 30-солагии таъсиси Ҳизби Халқии Демократии Тоҷикистон 11 сентябр бинои маъмурии Кумитаи иҷроияи ҳизб дар ноҳияи Варзоб ифтитоҳ гардид. Дар ин хусус ба АМИТ «Ховар» дар дастгоҳи Кумитаи Иҷроияи Марказии Ҳизби Халқии Демократии Тоҷикистон хабар доданд.
Иншоот аз се ошёна иборат буда, атрофи он бо дарахтони ҳамешасабз оро дода шудааст.
Бинои маъмурӣ аз панҷ утоқи корӣ, маҷлисгоҳ ва китобхона иборат буда, дар он беҳтарин шароит барои кормандон фароҳам оварда шудааст. Муҷаҳҳаз намудани ҳуҷраҳои корӣ бо лавозимоти зарурӣ имкон медиҳад, ки минбаъд кормандони Кумитаи иҷроияи Ҳизби Халқии Демократии Тоҷикистон дар ноҳияи Варзоб бо истифода аз шароити зарурӣ бо азму иродаи қавӣ ва ҳисси баланди ватандӯстӣ фаъолият намоянд.
Муовини якуми Раиси Ҳизби Халқии Демократии Тоҷикистон Абдуҷаббор Азизӣ иброз дошт, ки дар ин рӯзҳои идонаву фархунда ифтитоҳи бинои наву замонавии Кумитаи иҷроияи ҳизб дар ноҳияи Варзоб барои аъзои ҳизб ва ҳар фарди ватандӯсти ноҳия рӯйдоди муҳим мебошад.
Таъкид гардид, ки барои сохтмони бинои маъмурии Кумитаи иҷроияи ҳизб дар ноҳияи Варзоб аз ҷониби Кумитаи Иҷроияи Марказии Ҳизби Халқии Демократии Тоҷикистон 2 миллиону 6 ҳазор сомонӣ ҷудо гардид.
Раиси ноҳияи Варзоб Хусрав Дамонзода ёдовар шуд, ки Ҳизби Халқии Демократии Тоҷикистон ташкилоти ҷамъиятӣ — сиёсӣ буда, фаъолияташ ба бунёди давлати соҳибихтиёр, демократӣ, ҳуқуқӣ, дунявӣ, ягона ва самти иҷтимоӣ равона шудааст.
АКС: Дастгоҳи Кумитаи Иҷроияи Марказии Ҳизби Халқии Демократии Тоҷикистон
Дар Душанбе вобаста ба ҳимояи ҳуқуқи инсон дар шароити рақамикунонӣ ҳамоиш баргузор шуд
35-СОЛАГИИ ИСТИҚЛОЛИ ДАВЛАТӢ. 25 километр роҳи деҳаи Гулзори шаҳри Кӯлоб мумфарш карда мешавад
Гурӯҳи корӣ бо рафти корҳои сохтмонии манзилҳои аз офати табиӣ зарардидаи ноҳияҳои Рашт ва Тоҷикобод шинос гардид
Дар Тоҷикистон доир ба пардохти кумакҳои унвонии иҷтимоӣ давраи омӯзишӣ ҷараён дорад
Гармии шадиди ҳаво боиси авҷи кадом бемориҳо мегардад?
Басти дуюми истироҳатгоҳи «Файзи истиқлол» дар ноҳияи Варзоб оғоз гардид
Дар Мурғоб коргоҳи маҳсулоти қаннодии «Нозанин» ва 5 гармхона ба фаъолият шуруъ намуданд
Чӣ тавр худро аз гармии тобистон муҳофизат кунем? Донистани роҳҳои дурусти он муҳим аст
Дар назди муассисаҳои таълимии ноҳияи Ванҷ синфхонаҳои иловагӣ ба истифода дода шуд
50 километр роҳи деҳоти Ҳисор ва Ориён то сарҳади Узбекистон таъмир мегардад
Дар дарёи Ёхсу корҳои соҳилмустаҳкамкунӣ ҷараён доранд
Дар Мурғоб калонтарин неругоҳи офтобӣ ба истифода дода шуд
