Дилрабо Мансурӣ дар Давҳа дар чорабинии Созмони Милали Муттаҳид оид ба ҳифзи маориф аз ҳамла иштирок намуд
![](https://khovar.tj/wp-content/uploads/2024/09/Dilrabo-Mansuri-1.jpg)
ДУШАНБЕ, 10.09.2024 /АМИТ «Ховар»/. 9 сентябр ҳайати Ҷумҳурии Тоҷикистон бо роҳбарии муовини Сарвазири Тоҷикистон Дилрабо Мансурӣ дар чорабинии панҷуми солгарди Рӯзи байналмилалии Созмони Милали Муттаҳид оид ба ҳифзи маориф аз ҳамла дар Давҳа (Қатар) иштирок намуд. Дар ин хусус АМИТ «Ховар» бо истинод ба Сафорати Ҷумхурии Тоҷикистон дар Қатар хабар медиҳад.
Дар нишаст мавзуъҳои талафоти одамон дар ҷанг, таъсири харобиовари ҷанг ба кӯдакон, инчунин аз даст додани имконияти таълим барои кӯдакон, ки эҳтимол ба тамоми наслҳо таъсир мерасонад, мавриди баррасӣ қарор гирифтанд.
АКС: Сафорати Ҷумҳурии Тоҷикистон дар Қатар