Шараф Шерализода дар Конгресси 13-уми ҷаҳонӣ оид ба сайёҳию кӯҳнавардӣ, барқарорсозӣ ва варзиши зимистона иштирок намуд

ДУШАНБЕ, 31.03.2026. /АМИТ «Ховар»/. Сафири Фавқулода ва Мухтори Ҷумҳурии Тоҷикистон дар Конфедератсияи Швейтсария, Намояндаи доимии Ҷумҳурии Тоҷикистон дар назди Созмони умумиҷаҳонии сайёҳӣ Шараф Шерализода дар Конгресси 13 — уми ҷаҳонӣ оид ба сайёҳию кӯҳнавардӣ, барқарорсозӣ ва варзиши зимистона иштирок намуд.

Тавре ба АМИТ «Ховар» аз Сафорати Ҷумҳурии Тоҷикистон дар Конфедератсияи Швейтсария хабар доданд, зимни суханронӣ Намояндаи доимии Ҷумҳурии Тоҷикистон рақамикунонии соҳа, лоиҳаҳои хусусияти ҳамкории давлат ва бахши хусусӣ ва афзоиши маъруфияти намудҳои варзишии зимистонаро дар рушди соҳаи сайёҳӣ муҳим арзёбӣ намуд.

Когресси мазкур аз ҷониби Созмони умумиҷаҳонии сайёҳӣ ва Ҳукумати Андорра созмон ёфта, аз 25 то 27 марти соли равон дар Андорра идома ёфт.

АКС: Сафорати Ҷумҳурии Тоҷикистон дар Конфедератсияи Швейтсария