Намояндаи Тоҷикистон дар чорабинии канории иҷлосияи 68-уми Конфронси умумии Агентии байналмилалии неруи атомӣ маъруза намуд
ДУШАНБЕ, 20.09.2024. /АМИТ «Ховар»/. Иҷлосияи 68-уми Конфронси умумии Агентии байналмилалии неруи атомӣ /АБНА/, ки 16 сентябр дар Вена оғоз гардида буд, имрӯз анҷом меёбад. Дар доираи ин ҳамоиш чорабиниҳои зиёди канорӣ низ баргузор гардиданд, ки «Нақши ҷомеаи байналмилалӣ дар коҳиши хатари марбут ба иншооти меросӣ дар Осиёи Марказӣ» аз ҷумлаи онҳо мебошад.
Тавре ба АМИТ «Ховар» дар Агентии амнияти химиявӣ, биологӣ, радиатсионӣ ва ядроии Академияи миллии илмҳои Тоҷикистон хабар доданд, директори ин агентӣ Илҳом Мирсаидзода дар ин чорабинӣ маъруза намуд. Ӯ дар мавриди аҳамияти корҳои солимгардонӣ, ки дар ҳамкорӣ бо Федератсияи Русия анҷом дода шудаанд, изҳор дошт, ки «ин кӯшишҳо саҳми муҳим дар таъмини амнияти экологӣ ва радиатсионӣ дар иншооти меросӣ, ки барои саломатии аҳолӣ ва муҳити зист дар Осиёи Марказӣ хатари эҳтимолӣ доранд, мебошанд».
Илҳом Мирсаидзода дар бораи ҳамкории идомадор бо шарикони байналмилалӣ дар соҳаи коҳиши хатарҳои радиатсионӣ ва солимгардонии минтақаҳое, ки аз барномаҳои ҳастаии қаблӣ таъсир дидаанд, маълумот дод.
Дар чорабинии канории иҷлосияи 68-уми Конфронси умумии Агентии байналмилалии неруи атомӣ /АБНА/ коршиносони байналмилалӣ ва намояндагони кишварҳои мухталиф тадбирҳои кунунӣ ва ояндаро барои коҳиши хатарҳои марбут ба иншооти меросӣ, инчунин роҳҳои беҳтар намудани ҳамоҳангии кӯшишҳои ҷомеаи байналмилалиро барои ҳалли ин мушкилот мавриди баррасӣ қарор доданд.
АКС: Агентии амнияти химиявӣ, биологӣ, радиатсионӣ ва ядроии Академияи миллии илмҳои Тоҷикистон
«IMPERIУA TECHSTREAM — 2025». Дар Душанбе барои наврасон нахустин озмуни технологияҳои иттилоотӣ баргузор гардид
РӮЗИ БАЙНАЛМИЛАЛИИ МУҲИТИ ЗИСТ. Баҳодур Шерализода: «Ҷомеаи ҷаҳон Тоҷикистонро ҳамчун давлати ташаббускор дар соҳаи обу иқлим ва ҳифзи пиряхҳо эътироф намудааст»
Бонки рушди Созмони ҳамкории Шанхай таъсис дода мешавад
Байни Тоҷикистон ва Қирғизистон Протокол оид ба мубодилаи маълумоти пешакии гумрукӣ дар бораи интиқоли молу воситаҳои нақлиёт ба имзо расид
Ҷаласаи 80-уми Шурои роҳбарони хадамотҳои гумруки давлатҳои иштирокдори Иттиҳоди Давлатҳои Мустақил баргузор гардид
Тоҷикистон ҷонибдори тақвияти ҳамкорӣ дар соҳаи саноат дар Иттиҳоди Давлатҳои Мустақил мебошад
Байни минтақаҳои озоди иқтисодии «Суғд»-и Тоҷикистон ва «Воронеж»-и Русия созишномаи ҳамкорӣ ба имзо расид
Дар Душанбе ҷаласаи мутахассисони мақомоти омори давлатҳои аъзои Иттиҳоди Давлатҳои Мустақил доир гардид
Дар Душанбе татбиқи лоиҳаҳои муштараки иқтисодии Тоҷикистон бо Бонки Олмонии рушд баррасӣ шуд
Ҷаласаи Шурои ҷамъиятӣ-машваратӣ доир ба фаъолияти гумрукӣ баргузор гардид
Хабарнигорони АМИТ «Ховар» бо фаъолияти Минтақаи озоди иқтисодии «Панҷ» шинос шуданд
Раванди татбиқи лоиҳаҳои сармоягузорӣ бо дастгирии молиявии Бонки Олмонии рушд баррасӣ гардид
