Шоҳмотбозони тоҷик дар Олимпиадаи 45-уми ҷаҳонӣ дар Будапешт сабқат доранд

Сентябрь 13, 2024 10:39

ДУШАНБЕ, 13.09.2024. /АМИТ «Ховар»/. Дар Олимпиадаи 45-уми ҷаҳонӣ оид ба шоҳмот, ки аз 10 то 23 сентябр дар шаҳри Будапешт баргузор мегардад, 10 шоҳмотбози тоҷик иштирок дорад. Дар ин хусус  АМИТ «Ховар» бо истинод ба Федератсияи шоҳмоти Тоҷикистон хабар медиҳад.

Дар олимпиада шумораи рекордии дастаҳо — 197 нафар дар чемпионати кушод (мардон) ва 184 даста дар байни занон номнавис шудаанд.

Федератсияи шоҳмоти Тоҷикистон 10 нафар- Надежда Антонова, Рухшона Саидова, Дилола Толибова, Шукрона Масҳабова, Саодат Одинаева, Мустафохӯҷа Ҳусейнхоҷаев, Алишер Каримов, Ҷалолиддин Илҳомӣ, Аминҷон Қобилов ва Сулаймон Оймаҳмадовро бо роҳнамоии Ҷамшед Исоев ва Хуршед Ватанов ба ин мусобиқаи ҷаҳонӣ равон намудааст.

Дар даври 2-юми Олимпиадаи ҷаҳонӣ оид ба шоҳмот  байни мардон шоҳмотбозони тоҷик ҳисобро бо дастаи Латвия мусовӣ- 2:2 карда, дар сабқат байни занон аз дастаи Хорватия бо ҳисоби 1:3 мағлуб шуданд.

Имрӯз, 13 сентябр дар даври 3-юм дастаи мардонаи Тоҷикистон бо дастаи Сингапур ва дастаи занона бо дастаи Чехия вомехӯрад.

Ёдовар мешавем, ки Олимпиадаи 44-уми шоҳмот моҳи августи соли 2022 дар шаҳри Ченнаи Ҳиндустон баргузор гардида буд.

АКС: Федератсияи шоҳмоти Тоҷикистон

Сентябрь 13, 2024 10:39

Хабарҳои дигари ин бахш

Ғолибони шоҳҷоизаҳои Мусобиқаи гӯштини миллӣ дар ноҳияи Темурмалик муайян шуданд
Душанбе мизбони Форуми Шурои олимпии Осиё ва ҳамбастагии олимпӣ мегардад
Дар Душанбе Ҷоми ҷаҳон оид ба велосипедронии кӯҳӣ баргузор мегардад
Абдулло Давлатов бозиҳои қисми ниҳоии Ҷоми Осиё-2025-ро доварӣ менамояд
Дастаи мунтахаби наврасони Тоҷикистон (U-17) панҷ бозии санҷишӣ анҷом дод
ЧЕМПИОНАТИ ТОҶИКИСТОН. Бозиҳои даври сеюми дастаҳои Лигаи олӣ оид ба футбол оғоз мегарданд
Рақибони дастаи мунтахаби занонаи Тоҷикистон оид ба футбол дар марҳилаи интихобии Ҷоми Осиё-2026 муайян шуданд
Ғолибони Мусобиқаи байналмилалии гӯштингирӣ дар шаҳри Истаравшан муайян шуданд
Дар Қалъаи Муғтеппаи шаҳри Истаравшан Мусобиқаи байналмилалии гӯштингирӣ оғоз ёфт
Чор паҳлавони тоҷик соҳиби шоҳҷоизаҳо дар мусобиқаи гӯштини миллӣ дар ноҳияи Данғара шуданд
Моҳи май дар Душанбе Мусобиқаи байналмилалии Гран — Слам оид ба гӯштини ҷудо баргузор мегардад
Шакармамад Мирмамадов барандаи Шоҳҷоизаи Мусобиқаи байналмилалии гӯштини миллӣ дар шаҳри Хоруғ гардид