ТАҚВИМИ АМИТ «ХОВАР»: имрӯз 10 сентябр, сешанбе, 254-умин рӯзи соли 2024 аст
![](https://khovar.tj/wp-content/uploads/2019/01/Takvim-Tochiki.jpg)
10 сентябри соли 1964 қӯшунҳои Созмони Милали Муттаҳид бо мақсади қатъи муноқишаҳо дар байни ҷамъиятҳои юнониҳою туркҳо ба Кипр фуруд омаданд.
***
10 сентябри соли 1972 дар Мюнхен Бозиҳои ХХ тобистонаи олимпӣ, ки 26 августи ҳамон сол оғоз гардида буданд, ба охир расиданд.
***
10 сентябри соли 2002 Президенти Ҷумҳурии Тоҷикистон муҳтарам Эмомалӣ Раҳмон дар маросими тантанавии ҷашни 2500-солагии шаҳри Истаравшани вилояти Суғд иштирок намуданд.
***
16 сол муқаддам, 9 сентябри соли 2008 дар дафтари Намояндагии доимии Бонки ҷаҳонӣ дар Ҷумҳурии Тоҷикистон барои рӯзноманигорони минтақаи Осиёи Марказӣ оид ба инъикоси масъалаҳои савдо видеоконфронс доир шуд.
***
10 сентябри соли 2008 дар деҳаи Панҷрӯди шаҳри Панҷакент дар доираи тантанаҳои 1150-солагии сардафтари адабиёти тоҷику форс Абӯабдуллоҳ Рӯдакӣ маросими ба истифода додани мақбараи шоир баргузор гардид.
***
Дар ин рӯзи соли 2009 дар Маркази тадқиқоти стратегии назди Президенти Ҷумҳурии Тоҷикистон аввалин китоби 4-ҷилдаи Президенти мамлакат Эмомалӣ Раҳмон «Тоҷикон дар оинаи таърих: аз Ориён то Сомониён» бо забони ҳиндӣ рӯнамоӣ гардид.
***
Соли 2014 дар пойтахти мамлакат- шаҳри Душанбе Бизнес-форуми истеҳсолкунандагони давлатҳои аъзои Созмони ҳамкории Шанхай, кишварҳои нозир ва ҳамкор баргузор гардид.
***
10 сентябри соли 2016 бо ташаббуси Сафорати Ҷумҳурии Тоҷикистон дар Иёлоти Муттаҳидаи Америка ба маносибати 25- солагии Истиқлолияти давлатии Ҷумҳурии Тоҷикистон дар шаҳри Вашингтон намоишгоҳи аксҳои наворбардор ва суратгири машҳури тоҷик, Корманди хизматнишондодаи Тоҷикистон, академики Академияи рассомии Тоҷикистон Заур Дахте баргузор гардид.
***
10 сентябри соли 2022 АМИТ «Ховар» хабар дод, ки бо ташаббуси Сафорати Ҷумҳурии Тоҷикистон дар Ҷумҳурии Туркия бо мақсади арҷ гузоштан ба Истиқлоли давлатӣ ва таҷлили 31-умин солгарди он парчами Тоҷикистон дар баландтарин бинои шаҳри Анқара, Türkiye Odalar ve Borsalar Birliği-ТOBB (Иттифоқи Палатаи Молиявӣ ва Биржаҳо) ва дарозтарин пули шаҳри Истанбул – пули машҳурии Босфор (Boğaz küprüsü) намоиш дода шуд.
***
Дар ин рӯзи соли 2023 дар боғҳои Душанбе намоиш-фурӯши маҳсулоти кишоварзӣ, ҳунарҳои мардумӣ ва барномаҳои фарҳангӣ доир гардид.
10 СЕНТЯБР:
Дар Литва – Рӯзи пойтахт.
***
Дар Чин – Рӯзи муаллимон.