40 лоиҳаи илмию таҳқиқотии соҳаи тиб аз буҷети Тоҷикистон маблағгузорӣ мешавад
ДУШАНБЕ, 23.10.2024 /АМИТ «Ховар»/. Ҷумҳурии Тоҷикистон аз ҳисоби буҷети давлатӣ барои муассисаҳои илмӣ-таълимиии Вазорати тандурустӣ ва ҳифзи иҷтимоии аҳолӣ 40 лоиҳаи илмию таҳқиқотиро маблағгузорӣ намудааст.
Тавре дар Вазорати тандурустӣ ва ҳифзи иҷтимоии аҳолии Ҷумҳурии Тоҷикистон ба АМИТ «Ховар» иттилоъ доданд, лоиҳаҳои илмию таҳқиқотӣ нисбат ба ҳамин давраи соли 2023 7 адад зиёд мебошад.
Роҳбарияти давлату Ҳукумати Тоҷикистон илмро яке аз омилҳои асосии рушди мамлакат ва олимонро захираи бузурги зеҳнии ҷомеа дониста, бо мақсади пешрафти ҳамаҷонибаи он ва беҳтар гардонидани шароити иҷтимоии кормандони соҳаи илм ҳамаи имкониятро муҳайё намудаанд. Барои рушди илми ватанӣ, хосса, илми тиб ва ташаккули заминаҳои нави кашфиёти илмӣ шароити мусоид фароҳам оварда шудааст, то таҳқиқу пажуҳиши илмии олимон ба истеҳсолот ворид гардида, натиҷаҳои самаранок диҳанд.
Дар нуҳмоҳаи соли равон аз ҷониби Вазорати тандурустӣ ва ҳифзи иҷтимоии аҳолӣ барои якчанд муассисаи табобатию пешгирии ҷумҳурӣ ба маблағи умумии 162 миллиону 358 ҳазору 128 сомонӣ таҷҳизот ва асбоби тиббӣ (дастгоҳи рентгении рақамӣ, мебел ва молҳои тиббӣ- катҳои функсионалӣ бо матрас, таҷҳизоти нафасдиҳии сунъӣ, дору, монитори назди кати бемор, таҷҳизоти ташхиси фаросавтӣ ва сайёр, мизи ҷарроҳӣ ва ғайра) дастрас карда шуданд.
АКС: АМИТ «Ховар»
МАСЛИҲАТИ МУТАХАССИС. Истеъмоли хӯроки вазнин боиси авҷи бемории гастрит мегардад
«ПУЛИ ҲУШМАНД». Бо амалӣ гардидани ин барнома қонуншиканӣ ё истифодаи нафақаи шахси фавтида аз байн рафт
Дар шаҳри Бохтар бо иштироки собиқадорони соҳаи тандурустӣ ҳамоиш доир шуд
Дар Тоҷикистон беш аз 200 нафақагири аз садсола боло зиндагӣ мекунад
Дар ноҳияи Шоҳмансур Шурои намояндагии Ташкилоти ҷамъиятии ҷавонон «Созандагони Ватан» таъсис дода шуд
НИШАСТИ МАТБУОТӢ. Соли 2025 хароҷоти суғуртаи иҷтимоӣ ва нафақа беш аз 5 миллиард сомониро ташкил дод
НИШАСТИ МАТБУОТӢ. Шумораи сабти асноди ҳолати шаҳрвандӣ зиёд гардида, бекоршавии ақди никоҳ коҳиш ёфтааст
«Барномаи рушд ва рақамикунонӣ дар мақомоти иҷрои Ҷумҳурии Тоҷикистон барои солҳои 2026-2030» қабул гардид
НИШАСТИ МАТБУОТӢ. Барои риоя накардани танзими ҷашну маросим 1268 нафар беш аз 10 миллион сомонӣ ҷарима супориданд
ИМРӮЗ — РӮЗИ БАЙНАЛМИЛАЛИИ ПЕШГИРИИ ЭКСТРЕМИЗМИ ХУШУТАНОМЕЗ. Пешгирии ин зуҳурот омили муҳими таъмини амнияти ҷомеа аст
Дар Душанбе оид ба моддаҳои психотропӣ ва таъсири онҳо ҷаласаи корӣ баргузор гардид
Намояндагони Тоҷикистон дар Конгресси байналмилалии Москва оид ба рушди хизмати давлатӣ иштирок намуданд
