Бахшида ба Рӯзи соҳибкорон Форуми «STARTUPSTAN-2024» гузаронида мешавад
ДУШАНБЕ, 09.10.2024 /АМИТ «Ховар»/. 12-13 октябр дар шаҳри Душанбе бахшида ба Рӯзи соҳибкорон (14 октябр) дар доираи Ҳафтаи соҳибкорӣ Форуми «STARTUPSTAN» («Стартапстан») гузаронида мешавад.
Дар ин хусус АМИТ «Ховар» бо истинод ба Кумитаи давлатии сармоягузорӣ ва идораи амволи давлатии Ҷумҳурии Тоҷикистон иттилоъ медиҳад.
Ҳадафи форум тақвияти ҳамкорӣ байни соҳибкорон ва вусъати муколама байни бахши давлатию хусусӣ ва дарёфти имконияти рушди стартапҳо мебошад.
Дар доираи Ҳафтаи соҳибкорӣ дар шаҳри Душанбе бахшида ба Рӯзи соҳибкорон ҷаласаи тантанавӣ доир мешавад. Дар он имконияти сармоягузорӣ дар Тоҷикистон муаррифӣ шуда, соҳибкорони муваффақ бо мукофотҳо сарфароз мегарданд. Инчунин намоишгоҳи молу маҳсулоти соҳибкорони ватанӣ ташкил карда мешавад.
Ҳамзамон дар ҳошияи баргузории Ҳафтаи соҳибкорӣ конфронси ҷумҳуриявӣ дар мавзуи «Соҳибкорӣ-омили муҳими рушди иқтисоди миллӣ», суҳбат дар мавзуи «Баланд бардоштани маърифати ҳуқуқии соҳибкорону сармоягузорон бахшида ба Соли маърифати ҳуқуқӣ» ва Озмуни ҷумҳуриявии «Беҳтарин содироткунандаи Тоҷикистон» гузаронида мешаванд.
Инчунин дар шаҳри Бохтар-маркази маъмурии вилояти Хатлон 17-18 октябр Форуми байналмилалии сармоягузорӣ-содиротии «Хатлон Инвест- 2024» ва намоишгоҳи «Бохтар Фуд-2024» гузаронида мешаванд.
«Стартапстан» лоиҳаи тиҷоратӣ аст, ки ба идея асос ёфта, барои рушд маблағгузорӣ талаб мекунад.
Марзия САИДЗОДА,
АМИТ «Ховар»
АКС аз манбаъҳои боз
Дар мавзуи «Иттиҳоди Давлатҳои Мустақил: самтҳо ва дурнамои рушд» конференсияи байналмилалии илмӣ-амалӣ баргузор шуд
Тоҷикистон ва Узбекистон дар соҳаи идоракунии захираҳои об таҷрибаи якдигарро меомӯзанд
Дар Душанбе ҷаласаи 20-уми Комиссияи байниҳукуматии Тоҷикистону Қазоқистон оид ба ҳамкории иқтисодӣ баргузор шуд
Дар Форуми ҷаҳонии сармоягузорӣ самтҳои афзалиятноки рушди иқтисоди Тоҷикистон муаррифӣ гардиданд
Намояндагони Хадамоти гумруки Тоҷикистон таҷрибаи Нидерландияро дар истифодаи зеҳни сунъӣ омӯхтанд
Байни Хадамоти алоқа ва «Хуавей технологии Тоҷикистон» Ёддошти тафоҳум оид ба рушди технологияҳои 5G-A ва 6G ба имзо расид
Дар ноҳияҳои Тоҷикобод ва Лахш оид ба пешгирии амалҳои коррупсионӣ вохӯриҳо баргузор шуданд
Тоҷикистон ва Қатар ҳамкориро дар самти фаъолияти хайриявӣ ва башардӯстона тақвият медиҳанд
Форум оид ба алоқаи мобилии насли панҷум– 5G баргузор шуд
СТРАТЕГИЯИ РУШДИ ИҚТИСОДИ «САБЗ». Дар доираи амали он беш аз 500 ҳазор ҳисобкунаки электронии барқ насб гардидааст
Ҷаласаи навбатии Шурои ҷамъиятиву машваратӣ доир ба фаъолияти гумрукӣ баргузор шуд
Кишоварзони Ваҳдат имсол ҳаҷми умумии маҳсулотро ба беш аз 1 миллиарду 689 миллион сомонӣ расониданд
