Бахшида ба 30-солагии Конститутсияи Тоҷикистон дар ноҳияи Рӯдакӣ иншооти гуногун ба истифода дода шуданд
РӮДАКӢ, 26.07.2024 /АМИТ «Ховар»/. Бахшида ба ҷашни 30-солагии Конститутсияи Ҷумҳурии Тоҷикистон дар деҳаи Адолати Ҷамоати деҳоти Зайнабободи ноҳияи Рӯдакӣ Бунгоҳи тиббии замонавӣ, дар шаҳраки Сомониёни маркази ноҳия бинои баландошёнаи истиқоматӣ, дар кӯчаи И. Сомонии шаҳраки Сомониён гулгашти зебову назаррабои «30-солагии Конститутсия» бо рамзи Конститутсияи Ҷумҳурии Тоҷикистон ва дар деҳаи Болошаҳри Ҷамоати деҳоти Гулистони ноҳияи Рӯдакӣ 6 синфхонаи иловагӣ дар назди Муассисаи таҳсилоти миёнаи умумии №166 мавриди истифода қарор дода шуданд. Дар ин хусус ба хабарнигори минтақавии АМИТ «Ховар» Субҳониддини Маҳмуд дар Мақомоти иҷроияи ҳокимияти давлатии ноҳияи Рӯдакӣ иттилоъ доданд.
Бунгоҳи тиббӣ бо саҳми сокинони маҳал бунёд гардида, аз ҷониби Мақомоти иҷроияи ҳокимияти давлатии ноҳия бо таҷҳизоти тиббии муосир ва мизу курсӣ муҷаҳҳаз гардонида шуд. Баъди мавриди истифода қарор гирифтани он сокинони 190 хоҷагӣ аз хизматрасонии тиббии ин муассиса бархурдор мешаванд.
Гулгашти «30-солагии Конститутсия» бо рамзи Конститутсияи Ҷумҳурии Тоҷикистон дар паҳлуи роҳи мошингард воқеъ гардида, бо тарҳи замонавӣ сохта шудааст. Он бо кошинкорӣ ва гулу дарахтони ороишӣ симои ба худ хос гирифтааст.
Гулгашт бо саҳми соҳибкорони маҳаллӣ ва харҷи маблағҳои фонди захиравии ноҳия бунёд ёфта, барои сайругашт ва фароғати сокинону меҳмонони ноҳия хеле макони мусоид аст.
Бинои иловагии Муассисаи таҳсилоти миёнаи умумии №166 дорои 6 синфхона буда, барои 300 ҷойи нишаст мебошад. Зимни ифтитоҳи бинои иловагӣ меҳмонон бо омӯзгорон ва аҳли ҷамоати деҳаи Болошаҳр суҳбат ороста, ба онҳо барои татбиқи ҳадафҳои созандаи давлат ва Ҳукумати мамлакат ва амалисозии ташаббусҳои нек бобати рушди ҳамаҷонибаи соҳаи маориф изҳори миннатдорӣ карданд. Ҳамчунин меҳмонон дар муассисаи таълимӣ бо синфхонаҳои иловагӣ, таҷҳизот, раванди таълиму тарбия ва шароити илмомӯзии хонандагон аз наздик шинос шуданд.
Иқдому ташаббусҳои неки соҳибкорони маҳаллӣ ва сокинони ноҳияи Рӯдакӣ дар роҳи бунёдкориву созандагӣ, аз ҷумла бунёди рамзи Конститутсияи Ҷумҳурии Тоҷикистон, бунгоҳҳои тиббӣ, муассисаҳои таълимию томактабӣ ва дигар иншооти муҳими хоҷагии халқ қобили таҳсину офарин мебошад.
АКС: Мақомоти иҷроияи ҳокимияти давлатии ноҳияи Рӯдакӣ
Дар шаҳри Турсунзода 193 синфхонаи иловагӣ ба истифода дода мешавад
Дар шаҳраки Зарафшон-2-и ноҳияи Айнӣ сохтмони майдони Парчами давлатии Тоҷикистон оғоз ёфт
Қоҳир Расулзода дар ноҳияи Носири Хусрав бо корҳои сохтмонӣ шинос шуд
Сарвазири Тоҷикистон дар Шаҳритус бо вазъи зиндагии мардум ва корҳои созандагӣ шинос гардид
Дар маҳаллаи «Сабзазор»-и пойтахт беш аз 1 км роҳи дохили маҳалла мумфарш карда шуд
Дар Хуҷанд Маҷмааи бисёрошёнаи «Темурмалик» бунёд карда мешавад
78 хоҷагии минтақаи манзилии №4-и шаҳри Норак бо оби нӯшокӣ таъмин гардид
Дар Муъминобод бахшида ба 34-солагии Истиқлолияти давлатии Ҷумҳурии Тоҷикистон ҳамоиши илмӣ-фарҳангӣ баргузор шуд
Дар назди Коллеҷи тиббии ҷумҳуриявӣ бинои нави клиника ва дармонгоҳ бунёд мегардад
Беш аз 5 километр роҳҳои дохилии маҳаллаи «40-солагии Дилварзин» мумфарш карда мешаванд
ИСТИҚЛОЛИЯТ — ФАЙЗУ БАРАКАТ ВА НУРУ ЗИЁ БА ХОНАДОНИ ҲАР ФАРДИ ТОҶИКИСТОН. Андешаҳои Пешвои миллат доир ба истиқлоли тоҷикон
Хиради омӯзгор ҷаҳлу хурофотро аз байн мебарад ва сарчашмаи комёбиҳо мегардад, — бардошт аз ҳамоиш дар вилояти Хатлон
