Бахшида ба Рӯзи омӯзгор 172 нафар собиқадорону кормандони маорифи ноҳияи Фирдавсӣ қадрдонӣ шуданд
ДУШАНБЕ, 02.10.2024. /АМИТ «Ховар»/. Бахшида ба Рӯзи омӯзгор 172 нафар собиқадорону кормандони маорифи ноҳияи Фирдавсӣ қадрдонӣ шуданд. Дар ин хусус ба АМИТ «Ховар» дар шуъбаи маорифи ноҳияи Фирдавсӣ хабар доданд.
Дар ҳамоиши идона, ки бо ташаббуси Мақомоти иҷроияи ҳокимияти давлатии ноҳияи Фирдавсӣ баргузор гардид, кормандони соҳаи маориф ва омӯзгорону собиқадорони соҳа бо “Ифтихорнома” ва туҳфаҳои хотиравӣ қадрдонӣ шуданд.
Муовини Раиси ноҳияи Фирдавсӣ Саодат Шукурзода аз дастгириҳои пайвастаи Президенти Ҷумҳурии Тоҷикистон муҳтарам Эмомалӣ Раҳмон ёдовар шуда, оид ба ҳамасола баланд бардоштани мавқеи омӯзгор дар ҷомеа аз тарафи ҳукумати мамлакат ибрози назар намуд.
Ҳамзамон бо мақсади арҷгузорӣ ба заҳматҳои омӯзгорон 4 нафар бо нишони ифтихории «Аълочии маорифи Тоҷикистон», 8 нафар бо “Ифтихорнома”-и Сарраёсати маорифи шаҳри Душанбе, 20 нафар бо “Сипоснома”-и раиси ноҳия ва 140 нафар собиқадорону кормандони маорифи ноҳия бо “Ифтихорнома” ва туҳфаҳои хотиравӣ аз ҷониби шуъбаи маорифи ноҳияи Фирдавсӣ қадрдонӣ карда шуданд.
Дар анҷоми ҳамоиш аз ҷониби ҳунармандон ва тарбиятгирандагони Муассисаи давлатии «Маркази кӯдакон ва наврасони ноҳияи Фирдавсӣ» ба муносибати Рӯзи омӯзгор барномаи фарҳангии ҷолиб пешниҳод карда шуд.
АКС: Шуъбаи маорифи ноҳияи Фирдавсии шаҳри Душанбе
Дар Тоҷикистон Маркази омодагӣ ва имтиҳони HSK таъсис дода мешавад
Дар Донишгоҳи давлатии Кӯлоб оид ба маърифати молиявии аҳолӣ конференсияи байналмилалӣ баргузор шуд
Густариши ҳамкорӣ байни Донишгоҳи технологии Тоҷикистон ва Донишгоҳи Ҳериот-Ватти Шотландия баррасӣ гардид
Вазири маориф ва илм дар конференсияи байналмилалӣ оид ба масъалаҳои мубрами таҳсилоти фарогир иштирок намуд
Дар муассисаҳои таҳсилоти олии Федератсияи Русия зиёда аз 27 ҳазор донишҷӯёни тоҷик таҳсил доранд
Донишгоҳи байналмилалии сайёҳӣ ва соҳибкории Тоҷикистон дар баҳогузории ҷаҳонии «Донишгоҳҳои сабз» иштирок намуд
Вазири маориф ва илм дар ҷаласаи навбатии Шурои директорони Шарикии глобалӣ дар соҳаи маориф иштирок намуд
Корманди Донишгоҳи давлатии ҳуқуқ, бизнес ва сиёсати Тоҷикистон дар озмуни «Фурӯғи субҳи доноӣ китоб аст» ҷойи якумро соҳиб шуд
Дар Озмуни ҷумҳуриявии «Фурӯғи субҳи доноӣ китоб аст» 4 довталаб соҳиби Шоҳҷоиза шуд
«ФУРӮҒИ СУБҲИ ДОНОӢ КИТОБ АСТ». Дар даври ниҳоии озмуни ҷумҳуриявӣ 94 нафар ғолиб гардид
Пагоҳ маросими ҷоизасупории Озмуни ҷумҳуриявии «Фурӯғи субҳи доноӣ китоб аст» баргузор мегардад
INTERNATIONAL JUNIOR SCIENCE OLYMPIAD (IJSO-2025). Хонандаи шаҳри Душанбе дар он соҳиби ҷойи сеюм гардид
