Байни Тоҷикистон ва Ҳиндустон Ёддошти тафоҳуми ҳамкорӣ дар соҳаи саноат ба имзо расид
ДУШАНБЕ, 30.10.2024 /АМИТ «Ховар»/. Тавре қаблан иттилоъ додем, 29 октябр дар шаҳри Душанбе нахустин Форум ва Намоишгоҳи байналмилалии сармоягузории маъдан ва металлургия бо иштироки вазирони саноати давлатҳои Осиёи Марказӣ, коршиносон ва соҳибкорони Тоҷикистон ва давлатҳои Осиёи Марказӣ баргузор гардид.
Тавре ба АМИТ «Ховар» дар Вазорати саноат ва технологияҳои нави Ҷумҳурии Тоҷикистон хабар доданд, дар доираи форум вохӯрии Вазири саноат ва технологияҳои нави Ҷумҳурии Тоҷикистон Шералӣ Кабир ва роҳбари Корпоратсияи миллии корхонаҳои хурди Ҷумҳурии Ҳиндустон Субхрансу Секхар Ачария баргузор гардид.
Дар вохӯрӣ дурнамои рушди ҳамкорӣ дар соҳаи кооператсияи саноатии корхонаҳои нассоҷӣ, аз ҷумла ташкили корхонаҳои муштарак оид ба коркарди пахта то маҳсулоти ниҳоӣ (кластери нассоҷӣ) бо ҷалби сармоя ва мутахассисони баландпоя аз Ҳиндустон баррасӣ шуд.
Ҷонибҳо доир ба имкони таъсиси паркҳои технологӣ ва парки муштараки саноатии «Тоҷикистон-Ҳиндустон» дар қаламрави Тоҷикистон, инчунин марказҳои илмии табодули донишу таҷриба байни ду давлат изҳори назар карданд.
Ҳамчунин байни Вазорати саноат ва технологияҳои нави Ҷумҳурии Тоҷикистон ва Корпоратсияи миллии саноати хурди Ҷумҳурии Ҳиндустон (NSIC) Ёддошти тафоҳуми ҳамкорӣ дар соҳаи саноат ба имзо расид.
Ҳадаф аз имзои ин санад мусоидат ба ҳамкорӣ дар соҳаи соҳибкории хурду миёна байни ду давлат мебошад.
АКС: Вазорати саноат ва техналогияҳои нави Ҷумҳурии Тоҷикистон
Тоҷикистон ҳамкориро дар соҳаи саноат бо шаҳри Чонгчини Чин густариш медиҳад
Дар Шанхай масъалаи таъсиси кластери саноатии металлҳои ранга дар вилояти Суғд баррасӣ шуд
Дар Душанбе Форуми байналмилалии саноати хӯрокворӣ баргузор мегардад
НИШАСТИ МАТБУОТӢ. Соли 2026 дар ноҳияи Исмоили Сомонӣ 4 корхонаи нави саноатӣ ба фаъолият оғоз кард
Дар Душанбе Машварати чоруми вазирони саноати давлатҳои аъзои Созмони ҳамкории иқтисодӣ доир мешавад
Эмомалӣ Раҳмон: «Бунёди «Комбинати металлургии Тоҷик» рамзи иқтидори рӯзафзуни иқтисодии мамлакат аст»
Пешвои миллат Эмомалӣ Раҳмон соҳибкоронро ба сармоягузорӣ дар истеҳсолот ва коркарди ашёи хоми ватанӣ даъват намуданд
Эмомалӣ Раҳмон: ««Барномаи рушди металлургияи сиёҳ барои солҳои 2027–2035» таҳия карда шавад»
Эмомалӣ Раҳмон: «Тоҷикистон бояд аз кишвари истихроҷкунандаи маъдан ба истеҳсолкунандаи маҳсулоти металлӣ табдил ёбад»
Талаботи Тоҷикистон ба филизоти сиёҳ то соли 2035 ба беш аз 2,3 миллион тонна мерасад
Эмомалӣ Раҳмон: «Рушди металлургияи сиёҳ сармоягузорӣ ба ояндаи Тоҷикистон аст»
Эмомалӣ Раҳмон: «Маҷмааи металлургии Тоҷикистон даҳҳо корхона ва ҳазорон ҷойи нави кор таъсис медиҳад»
