БО ДУОИ НЕКИ МОДАРОН. Наваскарони ноҳияи Ёвон ба ҳифзи Ватан раҳсипор шуданд
ЁВОН, 02.10.2024. /АМИТ «Ховар»/. 1 октябр дар ноҳияи Ёвон бахшида ба Рӯзи даъватшаванда ҳамоиши бошукуҳ баргузор гардид. Дар ин рӯз 340 даъватшаванда бо дуои неки модарон ба сафи Қувваҳои Мусаллаҳи Ҷумҳурии Тоҷикистон ҳамроҳ гардиданд. Дар ин хусус ба хабарнигори АМИТ «Ховар» Субҳониддини Маҳмуд дар Мақомоти иҷроияи ҳокимияти давлатии ноҳияи Ёвон итилоъ доданд.
Дар ин рӯз бо иштироки роҳбарияти ноҳияи Ёвон, роҳбарони мақомоти ҳифзи ҳуқуқ, раисони ҷамоатҳои шаҳраку деҳот, роҳбарони ташкилоту муассисаҳои ноҳиявӣ, наваскарон ва ҷавонону сокинон роҳпаймоӣ баргузор шуд.
Зимни ҳамоиши тантанавӣ иброз гардид, ки имрӯзҳо дар тамоми гӯшаву канори мамлакат ҷавононе, ки ба синни даъват расидаанд, ба таври ихтиёрӣ ва бо азму иродаи қавӣ бо мақсади иҷро намудани қарзи фарзандӣ дар назди халқу Ватан ба сафи Қувваҳои Мусаллаҳи Ҷумҳурии Тоҷикистон мепайванданд. Дар Конститутсияи Ҷумҳурии Тоҷикистон дарҷ гардидааст, ки ҳифзи Ватан, ҳимояи манфиатҳои давлат, таҳкими Истиқлолият ва иқтидори мудофиавии он қарзи муқаддаси ҳар шаҳрванд аст.
Саодат Бобосолиева, модари сарбози ихтиёрӣ Шоҳрух Буриев ба наваскарон дар адои хизмати ҳарбӣ дар сафи Қувваҳои Мусаллаҳи Ҷумҳурии Тоҷикистон далерию шуҷоат, масъулияти баланди ватандӯстӣ ва барору комёбӣ таманно намуд.
Дар анҷоми ҷамъомад ба хотири болидаруҳии наваскарон ва падару модарон барномаи фарҳангӣ доир шуд.
АКС: Мақомоти иҷроияи ҳокимияти давлатии ноҳияи Ёвон
Дар Душанбе нақшаи даъвати тирамоҳии ҷавонон ба сафи Қувваҳои Мусаллаҳи Ҷумҳурии Тоҷикистон пурра иҷро гардид
Байни Суди Олии Тоҷикистон ва Созмони умумиҷаҳонии моликияти зеҳнӣ Ёддошти тафоҳум оид ба ҳамкорӣ ба имзо расид
Дар Тоҷикистон нақшаи даъвати тирамоҳӣ ба сафи Қувваҳои Мусаллаҳ 84 фоиз иҷро шуд
Дар ноҳияи Исмоили Сомонии шаҳри Душанбе нақшаи даъвати ҳарбӣ 100 фоиз иҷро гардид
Намояндагони мақомоти судии Тоҷикистон ва Узбекистон дар Минск густариши муносибатҳои судӣ-ҳуқуқиро баррасӣ намуданд
Ноҳияи Шоҳмансури шаҳри Душанбе нақшаи даъвати ҳарбиро 100 фоиз иҷро намуд
ДАЪВАТИ ТИРАМОҲӢ. Нақшаи даъвати ҳарбӣ дар шаҳри Хуҷанд 100 фоиз иҷро гардид
Машварати понздаҳуми Шурои марказии Ҷамъияти ихтиёрии мусоидат ба артиш, авиатсия ва флоти ИДМ доир шуд
Бонки миллии Тоҷикистон ҳушдор медиҳад, ки ҳангоми истифодаи хизматрасонии бонкии рақамӣ эҳтиёткор бошед
Ҷавонони шаҳри Турсунзода бо гирифтани шаҳодатномаи ронандагӣ ба хизмати ҳарбӣ рафтанд
Хадамоти ҳифзи давлатии объектҳо оид ба муҳофизати шаҳраки Ғарми ноҳияи Рашт бо нақлиёти махсуси оташнишонӣ таъмин гардид
ДАЪВАТИ ТИРАМОҲӢ. Дар Муъминобод ба 20 ҷавон шаҳодатномаи ронандагӣ супорида шуд
