Дар машқгоҳи низомии «Ҳарбмайдон»-и гарнизони Хатлон машқҳои муштараки «Рубеж-2024» баргузор шуданд
ДУШАНБЕ, 22.10.2024. /АМИТ «Ховар»/. Аз 11 то 21 октябри соли равон дар машқгоҳи низомии «Ҳарбмайдон»-и гарнизони Хатлон машқҳои муштараки Қувваҳои дастҷамъии густариши зудамали минтақаи Осиёи Марказии Созмони Аҳдномаи амнияти дастҷамъӣ таҳти унвони «Рубеж-2024» баргузор гардиданд, ки дар он зиёда аз 1500 нафар неруҳои мусаллаҳи давлатҳои аъзои ин созмон иштирок намуданд. Дар ин хусус ба АМИТ «Ховар» дар Вазорати мудофиаи ҷумҳурӣ хабар доданд.
Ҳайати таъйиншудаи неруҳои мусаллаҳи ҷумҳуриҳои Тоҷикистон, Қазоқистон, Қирғизистон ва Федератсияи Русия дар майдони сафороии машқгоҳи низомии «Ҳарбмайдон» саф кашид. Чун анъана бо садои сурудҳои миллӣ, бардоштани парчамҳои давлатӣ ва гузашти низомӣ ба размоиши муштараки васеи низомӣ оғози расмӣ бахшида шуда, амалиёти муштарак шуруъ гардид.
Мувофиқ ба машқҳо дар ин размоиши васеи низомӣ дар баробари ҷалби 1500 нафар ҳайати шахсӣ, инчунин чархболҳои МИ-8, МИ-24, ҳавопаймоҳои ҳуҷумкунанда, муҳорибавию зарбазан, воситаҳои мудофиаи зиддиҳавоӣ ва муҳорибаи радиоэлектронӣ, дастгоҳҳои махсуси парвозкунандаи бесарнишин, беш аз 250 техникаи зиреҳпӯши ҷангӣ, миқдори зиёди техникаҳои автомобилии зиреҳдору нақлиётӣ, воситаҳои гуногуни артиллерӣ, силоҳу муҳиммоти мухталифи ҳозиразамони ҳарбӣ ва дигар лавозимоти махсуси низомӣ истифода шуданд.
Зимни баргузории машқҳои муштараки «Рубеж-2024» маҷмуан якчанд унсурҳои мухталифи зиддитеррористӣ ва дигар роҳу усулҳои мубориза ба зидди гурӯҳҳои ғайриқонунии мусаллаҳ амалан ташкил карда шуданд.
Зимни ҷамъбасту натиҷагирии даври ниҳоии машқҳои васеи низомӣ Вазири мудофиаи мамлакат, сардори Ситоди муттаҳидаи Созмони Аҳдномаи амнияти дастҷамъӣ ва дигарон оид ба таваҷҷуҳи Сарфармондеҳи Олии Қувваҳои Мусаллаҳи Ҷумҳурии Тоҷикистон муҳтарам Эмомалӣ Раҳмон дар самти боз ҳам баланд бардоштани иқтидори мудофиавии давлатҳои аъзои созмон, таҳким бахшидани ҳамкории мутақобили судманд, ҳадафу моҳияти баргузории размоиши муштараки ҳарбӣ, омодагӣ барои пешгирӣ аз таҳдиди хатарҳои зудтағйирёбандаи ҷомеаи башарӣ, вазъи ниҳоят мураккабу номуътадил ва бисёр ҳассосу пешгӯйинашаванда дар баъзе аз кишварҳои минтақа ва ҷаҳони муосир ибрози андеша намуданд.
Ба сатҳи ҳамоҳангии ҷузъу том зимни баргузории амалиёти муштараки ҳарбӣ, табодули иттилооту таҷрибаомӯзӣ дар муборизаи дастҷамъонаи зиддитеррористӣ ва ташаккули маҳорату малакаи касбии иштирокчиён баҳои баланд дода шуд.
Дар анҷоми амалиёт фаъолони размоиши васеи низомӣ бо медалу Ифтихорнома ва туҳфаҳои хотиравӣ сарфароз гардонида шуданд.
АКС: Вазорати мудофиаи Ҷумҳурии Тоҷикистон
Милитсияи пойтахт аз шаҳрвандон талаб намуд, ки аз фурӯшу паҳнсозӣ ва истифодаи маводи тарфгарӣ худдорӣ кунанд
Ба муносибати таъсиси Воҳидҳои таъйиноти махсуси милитсия дар вилоятҳои Суғд, Хатлон ва Бадахшон ҷамъомади тантанавӣ доир шуд
РӮЗИ ТАЪСИСИ ВОҲИДҲОИ ТАЪЙИНОТИ МАХСУСИ МИЛИТСИЯ. Кормандони ин ниҳод вазифаҳои душвору масъулиятнок бар зимма доранд
Дар Минск вохӯрии вазирони корҳои дохилии Тоҷикистон ва Беларус баргузор гардид
Изҳороти Маркази матбуоти Қӯшунҳои сарҳадии Кумитаи давлатии амнияти миллии Ҷумҳурии Тоҷикистон
«МУҚОВИМАТ БО КОРРУПСИЯ ДАР СОҲАИ ТИҶОРАТ». Дар Душанбе таҳти ин унвон форуми байналмилалӣ баргузор мешавад
Дар Душанбе оид ба усулҳои нави ҷамъоварии маълумот дар самти муқовимат ба савдои одамон ҷаласа доир шуд
Нақшаи даъвати тирамоҳии шаҳрвандони Тоҷикистон ба сафи Артиши миллӣ пурра иҷро гардид
Ҳайати Тоҷикистон дар конференсияи 26-уми байналмилалии раисони судҳои олии кишварҳои ҷаҳон иштирок намуд
ҚОИДАҲОИ БЕХАТАРӢ АЗ СӮХТОРРО РИОЯ НАМОЕД! Дар Тоҷикистон беш аз 900 ҳодисаи сӯхтор ба қайд гирифта шудааст
Нақшаи даъвати ҳарбӣ дар Тоҷикистон 98 фоиз иҷро гардид
Милитсияи пойтахт дар муассисаҳои таълимӣ 115 ҳолати истеъмоли чилим ва сигорҳои электрониро ошкор намуд
