Музокираи ҳайатҳои васеи Маҷлиси миллии Маҷлиси Олии Ҷумҳурии Тоҷикистон бо Маҷлиси Шурои исломии Ҷумҳурии Исломии Эрон доир шуд
ДУШАНБЕ, 10.10.2024 /АМИТ «Ховар»/. Имрӯз дар шаҳри Душанбе мулоқоти Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе муҳтарам Рустами Эмомалӣ ва Раиси Маҷлиси Шӯрои исломии Ҷумҳурии Исломии Эрон Муҳаммадбоқир Қолибоф бо иштироки ҳайатҳои васеъ, доир гардид, хабар медиҳад АМИТ «Ховар» бо истинод ба Маҷлиси миллии Маҷлиси Олии Ҷумҳурии Тоҷикистон.
Талошҳои муштарак ва муколамаи дӯстонаи Роҳбарияти олии ду мамлакат ба таъмиқи муносибатҳои дуҷониба ва таҳкими равобит байни мардумони ба ҳам бародар мусоидати муассир менамоянд.
Дар ҷараёни музокирот ҷонибҳо густариши равобити байнипарламентиро ҳамчун унсури муҳими тақвияти минбаъдаи муколамаи созандаи сиёсии байнидавлатӣ арзёбӣ намуданд. Иброз гардид, ки бекор намудани раводид байни ду мамлакати дӯст ба муҳлати як моҳ омили неки таъмиқи муносибатҳои байнидавлатӣ ва равобити дӯстии мардумони Тоҷикистон ва Эрон дониста шуд.
Дар ҷараёни мулоқот масоили густариши ҳамкорӣ дар соҳаҳои тиҷоратию иқтисодӣ, сармоягузорӣ ва дигар бахшҳои барои ҳарду ҷониб судовар баррасӣ шуд.
Ҳамчунин иброз шуд, ки афзоиши минбаъдаи сармоягузории ҷониби Эрон дар соҳаҳои саноати сабук, хӯрокворӣ, кӯҳӣ, кимиё ва металлургия, гидроэнергетика, нақлиёту коммуникатсия, коркарди сарватҳои табиӣ ва маҳсулоти кишоварзӣ ба манфиати кор ҳисобида шуд. Дар ин самт ба имконияти минтақаҳои озоди иқтисодии Тоҷикистон барои таъсиси корхонаҳои муштараки истеҳсолӣ ва содироти минбаъдаи маҳсулот ба бозорҳои минтақа таваҷҷуҳ зоҳир карда шуд.
Ҳамчунин зимни вохӯрӣ ҷонибҳо оид ба рушди муносибатҳо дар соҳаҳои илму маориф, фарҳангу тандурустӣ, сайёҳӣ ва рушди инфрасохтори он табодули андеша намуданд.
Дар ҷараёни музокирот доир ба масъалаҳои байналмилалӣ, оид ба раванди ташвишовари бесубот гардидани вазъи ҷаҳон, вазъияти ноором дар Ховари Миёна ва Афғонистон, тақвияти ҳамкорӣ дар самти таъмини амният ва мубориза бо таҳдиду хатарҳои фаромиллӣ мубодилаи афкор намуда, аз ҳамкории пайвастаи Тоҷикистон ва Эрон дар доираи созмонҳои байналмилалӣ ва минтақавӣ изҳори қаноатмандӣ карда шуд.
АКС: Маҷлиси миллии Маҷлиси Олии Ҷумҳурии Тоҷикистон
Созишнома байни Ҳукумати Ҷумҳурии Тоҷикистон ва Ҳукумати Федератсияи Русия ба тасвиб расид
Файзалӣ Идизода бо Сафири Ҷопон дар Тоҷикистон вохӯрӣ намуд
Раиси Маҷлиси намояндагон бо Раиси Кумитаи ҳуқуқи инсони Подшоҳии Арабистони Саудӣ мулоқот намуд
Дар Душанбе дурнамо ва рушди қонунгузории шаҳрак ва деҳот дар шароити ҷаҳонишавӣ баррасӣ карда шуд
Қонуни Ҷумҳурии Тоҷикистон «Дар бораи мақоми омӯзгор» қабул карда шуд
Ҳайати вакилони Тоҷикистон дар Муколамаи дуюми минтақавии парламентӣ оид ба рушди технологияҳои «сабз» иштирок намуд
Дар Маҷлиси намояндагон лоиҳаи Қонуни Ҷумҳурии Тоҷикистон «Дар бораи мақоми омӯзгор» мавриди баррасӣ қарор гирифт
Дар Русия ҷаласаҳои навбатии Ассамблеяи байнипарламентии давлатҳои ИДМ баргузор гардиданд
Файзалӣ Идизода бо ваколатдор оид ба ҳуқуқи инсон дар Федератсияи Русия вохӯрӣ намуд
Раиси Маҷлиси миллии Маҷлиси Олии Ҷумҳурии Тоҷикистон Рустами Эмомалӣ бо муовини Раиси Ҳукумати Федератсияи Русия Марат Ҳуснуллин мулоқот намуданд
Файзалӣ Идизода дар ҷаласаи маҷозии роҳбарони парламентҳои кишварҳо иштирок намуд
Иҷлосияи дуюми Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
