Намояндагони Тоҷикистон дар Ассамблеяи генералии Иттиҳоди донишгоҳҳои Авруосиё дар Истанбул иштирок намуданд

ДУШАНБЕ, 27.10.2024 /АМИТ «Ховар»/. Дар Донишгоҳи Айдини Истанбули Ҷумҳурии Туркия ҷаласаи Ассамблеяи генералии Иттиҳоди донишгоҳҳои Авруосиё баргузор гардид, ки дар он ҳайати Донишгоҳи байналмилалии сайёҳӣ ва соҳибкории Тоҷикистон иштирок намуд. Дар ин хусус ба АМИТ «Ховар» дар ин донишгоҳ иттилоъ доданд.

Дар ҳамоиш ҷаласаҳои шабакавӣ ва вохӯрӣ бо намояндагони муассисаҳои таҳсилоти олии касбии хориҷӣ доир гардида, ҳамкорӣ дар доираи лоиҳаҳои Иттиҳоди Аврупо баррасӣ шуд.

Зимни мулоқот бо намояндагони донишгоҳҳои хориҷӣ таҳкими ҳамкорӣ дар доираи қонунгузории амалкунандаи Тоҷикистон баррасӣ гардид.

Ёдовар мешавем, ки Донишгоҳи байналмилалии сайёҳӣ ва соҳибкории Тоҷикистон узви Иттиҳоди донишгоҳҳои Авруосиё мебошад.

АКС: Донишгоҳи байналмилалии сайёҳӣ ва соҳибкории Тоҷикистон