3 ширкати Тоҷикистон дар намоишгоҳи байналмилалии «CIIE-2024» дар Чин маҳсулоташонро ба намоиш гузоштаанд
ДУШАНБЕ, 07.11.2024. /АМИТ «Ховар»/. 5 ноябр дар шаҳри Шанхайи Ҷумҳурии Мардумии Чин Намоишгоҳи 7-уми байналмилалии маҳсулоти воридотии Чин «CIIE — 2024» оғоз гардид, ки дар он 3 ширкати ватанӣ аз Ҷумҳурии Тоҷикистон маҳсулоташонро ба намоиш гузоштаанд, хабар медиҳад АМИТ «Ховар» бо истинод ба Палатаи савдо ва саноати Ҷумҳурии Тоҷикистон.
Намоишгоҳи 7-уми байналмилалии маҳсулоти воридотии Чин «CIIE — 2024» аввалин намоишгоҳ оид ба мавзуи воридоти сатҳи миллӣ буда, маротибаи ҳафтум аст, ки дар шаҳри Шанхай баргузор мегардад. Дар асоси консепсияи «Баргузории мукаммали касбии намоишгоҳ» он ба шаш қисм ҷудо гардида, автомобилҳо, маҳсулоти хӯрокворӣ, саноати зеҳнӣ ва технологияҳои иттилоотӣ, молҳои мавриди ниёзи мардум, таҷҳизоти тиббӣ ва маҳсулот барои тандурустӣ ва инчунин хизматрасониро дар бар мегирад.
Майдони намоишгоҳӣ дар масоҳати зиёда аз 360 ҳазор метри мураббаъ ба қисматҳо ва минтақаҳои махсус ҷудо карда шудааст.
Бо дастгирии Палатаи савдо ва саноати Ҷумҳурии Тоҷикистон имсол 3 ширкати ватанӣ- Ҷамъияти дорои масъулияти маҳдуди «Зардолу ва К» дар бахши маҳсулоти хӯрокворӣ, Ҷамъияти дорои масъулияти маҳдуди «Рухом» ва Ҷамъияти дорои масъулияти маҳдуди «Асрори санг» дар бахши пешниҳоди хизматрасониҳо дар ин намоишгоҳ иштирок доранд.
Ҳамзамон дар намоишгоҳ маҳсулоти ширкатҳои истеҳсолии ватанӣ ва нӯшокиҳои спиртии «Сиёма», нӯшокиҳои ташнагишикани «Оби Зулол» ва маҳсулоти қаннодии «Амирӣ» ба маърази тамошо пешкаш гардидаанд.
Мақсад аз иштирок дар чунин чорабинии сатҳи ҷаҳонӣ дарёфти бозорҳои нави содиротӣ барои маҳсулоти ватанӣ мебошад, зеро дар ин намоишгоҳ зиёда аз 300 ҳазор нафар аз 150 кишвари ҷаҳон иштирок доранд.
Намоишгоҳи 7-уми байналмилалии маҳсулоти воридотии Чин «CIIE — 2024» то 10 ноябри соли 2024 идома меёбад.
АКС: Палатаи савдо ва саноати Ҷумҳурии Тоҷикистон
Афзалияти рушди устувори Тоҷикистон дар чорабинии сатҳи баланди ECOSOC муаррифӣ гардид
Дороиҳои «Амонатбонк» 13 миллиард сомониро ташкил дода, сармояи бонк ба 1,2 миллиард сомонӣ расидааст
Дар Женева ҷаласаи 68-уми Ассамблеяи давлатҳои аъзои СУМЗ баргузор гардид
Дар Душанбе Форуми байналмилалии саноати хӯрокворӣ баргузор мегардад
Дар Шанхай Форуми иқтисодию тиҷоратии вилояти Суғди Тоҷикистон доир шуд
НИШАСТИ МАТБУОТӢ. Дар марҳилаҳои якум, кассатсионӣ ва назоратии судҳои иқтисодии Тоҷикистон 2018 парванда баррасӣ гардид
Ҳайати Тоҷикистон дар ҳамоиши Шурои байнидавлатии ИДМ оид ба бехатарии саноатӣ иштирок намуд
Дар Душанбе даври омӯзишии минтақавӣ оид ба танзими бархӯрди манфиатҳо баргузор гардид
Ҳамкории Тоҷикистон бо Иттиҳоди байналмилалии алоқа оид ба рушди технологияҳои иттилоотию коммуникатсионӣ тавсеа меёбад
НИШАСТИ МАТБУОТӢ. «Амонатбонк» ба 27,8 ҳазор муштарӣ 1,2 миллиард сомонӣ қарз пешниҳод намуд
НИШАСТИ МАТБУОТӢ. Дар 37 ташкилоти минтақавии бақайдгирӣ харитаҳои кадастрӣ ҷорӣ карда шудаанд
Моҳи август Озмуни ҷумҳуриявии «Топ-35-шарики боэътимоди сол» баргузор мегардад
