35-СОЛАГИИ ИСТИҚЛОЛИ ДАВЛАТӢ. Дар шаҳри Ҳисор се муассисаи таълимӣ бо 1100 ҷойи нишаст ба истифода дода шуд
ДУШАНБЕ, 09.11.2024 /АМИТ «Ховар»/. Бахшида ба 35-солагии Истиқлоли давлатии Ҷумҳурии Тоҷикистон дар шаҳри Ҳисор се бинои муассисаи таҳсилоти миёнаи умумии нав бо 1100 ҷойи нишаст дар деҳаҳои Тӯтака, Зиракӣ ва Тиргарони Ҷамоати деҳоти Алмосӣ ва Ҷамоати деҳоти Дурбат ба истифода дода шуд.
АМИТ «Ховар» бо истинод ба Мақомоти иҷроияи ҳокимияти давлатии шаҳри Ҳисор иттилоъ медиҳад, ки бинои дуошёнаи мактаби нав дар маҳаллаи навбунёди деҳаи Тӯтака бо маблағгузории сокини саховатпешаи деҳа Асадулло Файзуллозода дар замини шахсиаш бо 420 ҷойи нишаст дар ду баст бунёд ёфта, ба он рақами 143 гузошта шуд.
Бинои мактаби деҳаи Зиракӣ аз ҷониби аҳолӣ бо дастгирии соҳибкорон бунёд шуда, аз ду ошёна иборат аст.
Дар деҳаи Тиргарони деҳоти Дурбат сокинони деҳа бо усули ҳашар бинои мактабро, ки аз 8 синфхона иборат аст, сохта, ба фарзандон туҳфа намуданд.
Барои дастрас гардидани масолеҳи сохтмон, мизу курсӣ ва дигар таҷҳизоти хониш Вазорати маориф ва илми Ҷумҳурии Тоҷикистон ва Мақомоти иҷроияи ҳокимияти давлатии шаҳри Ҳисор мусоидат намуданд. Дар назар аст, ки бо мусоидати мақомоти иҷроияи ҳокимияти давлатии шаҳр ду муассисае, ки ҳоло ба истифода дода шудаанд, аз ибтидоӣ ба муассисаи таҳсилоти умумии асосӣ ва як муассиса аз умумии асосӣ ба таҳсилоти миёнаи умумӣ табдил дода шаванд.
Дар маросими ифтитоҳи мактабҳо шодию хурсандии пиру барнои деҳаҳоро интиҳо набуд, чунки то имрӯз фарзандони онҳо барои таҳсил ба мактабҳои деҳаҳои ҳамсоя мерафтанд, ки масофаашон 4-5 километрро ташкил медод.
«Дурии роҳ зимни бориши барфу борон имкон намедод, ки фарзандон сари вақт ба мактаб раванд ва дониши заруриро азхуд намоянд. Акнун, ки таҳсил дар зинаи сеюм ҳатмӣ шудааст, бунёди чунин мактабҳо дар деҳоти дурдаст имкон медиҳад, ки хонандагон то хатми синфи 11 ба таҳсил фаро гирифта шаванд»,- бо хушҳолӣ иброз доштанд сокинони ин деҳаҳо.
АКС:Мақомоти иҷроияи ҳокимияти давлатии шаҳри Ҳисор
«ТАВОНО БУВАД, ҲАР КӢ ДОНО БУВАД». Таҳти ин унвон олимпиадаи ҷумҳуриявӣ байни донишҷӯёни муассисаҳои таҳсилоти олии касбӣ оғоз шуд
ТАЪТИЛИ ТОБИСТОНА. Барои босамар ва шавқовар гузаштани он хонандагон ба чӣ кор бояд машғул шаванд?
Масоили густариши ҳамкории таълимӣ ва гуманитарии Тоҷикистону Русия баррасӣ шуд
Донишҷӯёни Донишкадаи политехникии шаҳри Хуҷанд дар озмуни «Беҳтарин донандаи Кодекси андоз» соҳиби ҷойҳои намоён шуданд
Дар Донишгоҳи давлатии ҳуқуқ, бизнес ва сиёсати Тоҷикистон намоиши ҷойи холии кор баргузор гардид
ТАШАББУСҲОИ БАЙНАЛМИЛАЛИИ ПРЕЗИДЕНТИ ТОҶИКИСТОН. Тавассути он масъалаи об ба самти калидии рӯзномаи ҷаҳонӣ табдил гардид
35-СОЛАГИИ ИСТИҚЛОЛИ ДАВЛАТӢ. Дар Ҳисор 231 синфхона барои 5544 хонанда дар як баст бунёд карда мешавад
Донишкадаи кӯҳию металлургии Тоҷикистон дар омодасозии мутахассисони соҳаи кӯҳӣ ва рушди саноат саҳми назаррас дорад
Президенти Тоҷикистон барои иҷрои босифати барномаи рушди фанҳои дақиқ дастур доданд
Дар Тоҷикистон фарогирии кӯдакон ба муассисаҳои томактабӣ тавассути рушди шаклҳои алтернативӣ зиёд мегардад
Оид ба механизмҳои муосири арзёбии сифати таҳсил дар муассисаҳои таҳсилоти олӣ ҳамоиш доир гардид
ПАЙВАНДИ ИЛМ БО ИСТЕҲСОЛОТ. Дар Донишгоҳи технологии Тоҷикистон озмуни ихтироъкорӣ ва навоварӣ доир шуд
