Ҳамкории мақомоти мубориза бо коррупсияи Тоҷикистон ва Қатар таҳким меёбад
ДУШАНБЕ, 26.11.2024 /АМИТ «Ховар»/. Дар ҳошияи Нишасти дуюми вазирони мақомоти ҳифзи ҳуқуқи мамлакатҳои аъзои Созмони ҳамкории исломӣ имрӯз дар шаҳри Давҳаи Давлати Қатар директори Агентии назорати давлатии молиявӣ ва мубориза бо коррупсияи Ҷумҳурии Тоҷикистон Сулаймон Султонзода бо Президенти Идораи назорати маъмурӣ ва шаффофияти Давлати Қатар Ҳамад бин Носир Ал Миснад мулоқот намуд.
Тавре АМИТ «Ховар» бо истинод ба Агентии назорати давлатии молиявӣ ва мубориза бо коррупсия хабар медиҳад, дар мулоқот ҷонибҳо вобаста ба масъалаи равобити дуҷониба дар самти муқовимат ба коррупсия ва тадбирҳои андешида дар ин самт мубодилаи афкор намуданд.
Ҷонибҳо ба мувофиқа расиданд, ки ояндаи наздик бо мақсади густариши ҳамкории байниидоравӣ санади дахлдор таҳия ва ба имзо мерасонанд.
Дар интиҳо барои рушди робитаҳои дуҷониба дар самти муқовимат ба коррупсия изҳори боварӣ карда шуд ва таъкид гардид, ки тавофуқоти ҳосилшуда ба таҳкими минбаъдаи муносибатҳои дӯстона ва ҳамкории ду мақомоти бо коррупсия муборизабаранда заминаи мусоид фароҳам меорад.
АКС: Агентии назорати давлатии молиявӣ ва мубориза бо коррупсияи Ҷумҳурии Тоҷикистон
Намоишгоҳи муштараки саноатии Ҷумҳурии Тоҷикистон дар Ҷумҳурии Узбекистон оғоз гардид
Дар Тоҷикистон ба масофаи беш аз 31 ҳазор метр соҳилҳо мустаҳкам карда мешаванд
Тоҷикистон ва Ҳиндустон ҳамкориро дар самти рушди манбаъҳои барқароршавандаи энергия тавсеа мебахшанд
РУШДИ САЙЁҲӢ. Беш аз 38 ҳазор сайёҳони хориҷӣ минтақаи Кӯлобро тамошо намуданд
Дар Тоҷикистон барои беҳтар намудани вазъи мелиоративии заминҳо панҷ барнома амалӣ карда мешавад
Агентии «Тоҷикстандарт» зиёда аз 120 ҳазор воситаи ченаки корхона ва муассисаҳоро корношоям ҳисобид
Шералӣ Кабир бо Вазири сармоягузорӣ, саноат ва савдои Узбекистон Лазиз Қудратов мулоқот намуд
Дар вилояти Ҷиззах Форуми байниминтақавии соҳибкории Узбекистону Тоҷикистон баргузор шуд
Дар Тоҷикистон кишти пахта аз даҳаи охири моҳи март оғоз мегардад
Дар ноҳияи Шуғнон шумораи гармхонаҳои муосир афзоиш меёбад
ҶУФТБАРОРОН. Ин маросим оғози кишту кори баҳориро ифода мекунад
Дар ноҳияи Ҷайҳун неругоҳи офтобӣ сохта мешавад
