Бахшида ба Рӯзи Президент ва солгарди Иҷлосияи XVI Шурои Олӣ конференсияи ҷумҳуриявии илмию амалӣ баргузор гардид

Ноябрь 16, 2024 17:49

ДУШАНБЕ, 16.11.2024. /АМИТ «Ховар»/. 15 ноябр бо ибтикори ҳафтаномаи «Омӯзгор», Вазорати маориф ва илми Ҷумҳурии Тоҷикистон, Академияи таҳсилоти Тоҷикистон ва Пажуҳишгоҳи рушди маориф ба номи Абдураҳмони Ҷомӣ ба ифтихори Рӯзи Президенти Ҷумҳурии Тоҷикистон ва солгарди Иҷлосияи XVI Шурои Олии Ҷумҳурии Тоҷикистон дар мавзуи «Нақши Иҷлосияи тақдирсози миллат ва Президенти Ҷумҳурии Тоҷикистон дар таҳкими Истиқлоли давлатӣ» конференсияи ҷумҳуриявии илмию амалӣ баргузор гардид.

Дар кори он роҳбарияти Вазорати маориф ва илм, роҳбарият ва кормандони нашрияи «Омӯзгор», Академияи таҳсилоти Тоҷикистон, Пажуҳишгоҳи рушди маориф ба номи Абдураҳмони Ҷомӣ, олимону муҳаққиқон ва омӯзгорони муассисаҳои маҳсилоти миёнаи умумию таҳсилоти олии касбии мамлакат иштирок намуданд.

Дар конференсия масъалаҳои “Иҷлосияи XVI Шурои Олии Тоҷикистон – таҳкимбахши Истиқлоли давлатӣ”, “вазъи баргузорӣ, ҳадаф ва нишондодҳои Иҷлосияи XVI Шурои Олии Тоҷикистон”, “Иҷлосияи XVI Шурои Олии Тоҷикистон – раҳкушои ҷодаи амният ва рушди кишвар”, “интихоби Роҳбари давлат – бузургтарин комёбии Иҷлосияи XVI Шурои Олии Тоҷикистон”, “Президенти Ҷумҳурии Тоҷикистон – намои ваҳдату ҳамдилии мардуми мамлакат ва эътибори байналмилалии Тоҷикистон”, “Президенти ҷумҳурӣ – шаъну шараф ва эътибори миллат”, “Рушди маориф ва илм дар меҳвари сиёсати маорифпарваронаи Президенти Ҷумҳурии Тоҷикистон” ва дигар масъалаҳо мавриди баррасию андешаронӣ қарор гирифтанд.

Таъкид гардид, ки дар конференсияи мазкур аз ҷониби муҳаққиқону олимон наздики 30 мақолаю маърӯза пешниҳод гардида, маърӯзаҳо дар шакли маҷмуаи мақолаҳо ба табъ хоҳад расид.

Ноябрь 16, 2024 17:49

Хабарҳои дигари ин бахш

Дар Турсунзода 341 ҳолати вайронкунии қоидаҳои ҳаракат дар роҳ ошкор гардид
Дар даври дуюми Озмуни ҷумҳуриявии «Тоҷикистон-Ватани азизи ман» 2676 довталаб иштирок менамояд
Дар Кӯлоб омодагии мудофиаи ҳудудӣ ва захираҳои сафарбарӣ мавриди омӯзиш ва санҷиш қарор гирифт
ТАЪТИЛИ ТОБИСТОНА. Дар Зафаробод 1530 нафар хонанда ба истироҳат фаро гирифта мешавад
Имрӯз дар водиҳои Тоҷикистон ҳаво то 40 дараҷа гарм мешавад
Абдусалом Назаров дар боғаш 12 навъи зардолу парвариш менамояд
Дар доираи татбиқи «Барномаи рушди иқтисодию иҷтимоии ноҳияи Рашт барои солҳои 2021-2025» 256 иншоот сохта мешавад
Имрӯз дар шаҳри Душанбе ҳаво то 37 дараҷа гарм мешавад
Дар Ховалинг бахшида ба фаъолияти эҷодии шоир Ҳабибулло Файзулло маҳфили адабӣ доир мешавад
Дар ноҳияи Данғара ду коргоҳи истеҳсоли оксиген ба истифода дода шуд
Дар Донишгоҳи давлатии Хоруғ бахшида ба Рӯзи Ваҳдати миллӣ конфронси ҷумҳуриявӣ доир гардид
Имрӯз дар баъзе ноҳияҳои кӯҳии Тоҷикистон борони кӯтоҳмуддат меборад