Байни Донишгоҳи давлатии омӯзгории Тоҷикистон ва Донишкадаи иқтисод ва савдои Созмони ҳамкории Шанхай созишномаи ҳамкорӣ ба имзо расид

 ДУШАНБЕ, 18.11.2024. /АМИТ «Ховар»/. Байни Донишгоҳи давлатии омӯзгории Тоҷикистон ба номи Садриддин Айнӣ ва Донишкадаи иқтисод ва савдои Созмони ҳамкории Шанхай созишномаи ҳамкорӣ ба имзо расид. Дар ин хусус АМИТ «Ховар» бо истинод ба Донишгоҳи давлатии омӯзгории Тоҷикистон хабар медиҳад.

Созишнома имконият медиҳад, ки минбаъд довталабон дар ихтисосҳои мухталиф ба таҳсил фаро гирифта шаванд. Гузашта аз ин, он барои ба такмили ихтисос фиристодани омӯзгорони ду ҷониб шароити муфид фароҳам меорад.

Донишкадаи иқтисод ва савдои Созмони ҳамкории Шанхай ба рушди давлатҳои аъзо мусоидат намуда, дар омода намудани мутахассисон тавассути табодули омӯзгорону донишҷӯён саҳм мегузорад.

Инчунин таъкид гардид, ки ҳамкории донишкада дар доираи иқдоми «Як камарбанд – як роҳ» ба роҳ монда шудааст.

АКС: Донишгоҳи давлатии омӯзгории Тоҷикистон ба номи Садриддин Айнӣ