Дар Душанбе маросими ҷоизасупорӣ ба аъзои беҳтарини Лигаи ҷавонони Тоҷикистон оид ба футбол доир гардид
ДУШАНБЕ, 27.11.2024 /АМИТ «Ховар»/. Дар шаҳри Душанбе маросими ҷоизасупории Лигаи ҷавонони Тоҷикистон «Пешсаф» (то 18-сола) доир шуда, ғолибону ҷоизадорони чемпионат қадрдонӣ гардиданд. Дар ин хусус шореҳи варзиши АМИТ «Ховар» бо истинод ба Федератсияи футболи Тоҷикистон хабар медиҳад.
Ноиби президенти Федератсияи футболи Тоҷикистон Алишер Урунов ғолибону ҷоизадорони Лигаи ҷавонони Тоҷикистон «Пешсаф»-ро табрик гуфта, ба онҳо дар футбол, таҳсил ва зиндагӣ барору комёбӣ таманно кард.
Хотиррасон мекунем, ки имсол ғолиби Лигаи ҷавонони Тоҷикистон «Пешсаф» бо дарёфти 33 хол дастаи Мактаби ҷумҳуриявии маҳорати олии варзишӣ (МҶМОВ) гардид. Дастаро ба ин муваффақият мураббии номдор Носир Ҳамидов расонид.
Медалҳои нуқраи чемпионат насиби дастаи «Душанбе» бо 28 хол гардиданд.
Дастаи ҷавонони КМВА-и шаҳри Душанбе дар ҷадвали мусобиқа бо дарёфти 23 хол ҷойи сеюмро гирифт.
Дар ҷамъбасти мавсим ба бозингарон, мураббиён ва дастаҳо мукофотҳои инфиродӣ супурда шуданд. Дастаи КМВА-и шаҳри Душанбе ҷоизаи «Fair Play»-ро соҳиб шуд. Саидҷон Хоҷаев аз дастаи футболи «Равшан»-и шаҳри Душанбе, Эмомиддин Одинаев аз дастаи КМВА-и шаҳри Душанбе, Абубакр Асоев аз дастаи МҶМОВ ва Улуғбек Сатторов аз дастаи «Душанбе» беҳтарин бозингар дар ҳайати дастаи хеш эътироф шуданд.
Носир Ҳамидов беҳтарин мураббии лига дониста шуд, ки МҶМОВ таҳти роҳбарии ӯ медалҳои тилло ба даст овард.
Ҷоизаи беҳтарин нишонзан ба Фаррух Маҷидов аз дастаи МҶМОВ тақдим гардид, ки дар мавсими анҷомёфта 12 гол задааст.
Беҳтарин бозингари чемпионат Алиҷон Шарбатов аз дастаи «Душанбе» дониста шуд.
Мусобиқаи Лигаи ҷавонони Тоҷикистон «Пешсаф» (то 18-сола) бо дастгирии Ассотсиатсияи футболи Ҷопон (JFA) баргузор мегардад.
АКС: Федератсияи футболи Тоҷикистон
«Ибни Сино ва Абубакри Розӣ — нобиғаҳои тамаддуни башарӣ». Дар Душанбе таҳти ин унвон ҳамоиш доир гардид
Дар Душанбе Ҷаласаи Комиссияи байнидавлатӣ оид ба рушди устувори кишварҳои Осиёи Марказӣ баргузор гардид
Имрӯз дар шаҳри Душанбе ҳаво то 15 дараҷа гарм мешавад
Дар Донишгоҳи давлатии Кӯлоб бахшида ба Рӯзи Конститутсияи Тоҷикистон конференсияи илмӣ-назариявӣ баргузор шуд
Дар Суди конститутсионии Тоҷикистон бахшида ба Рӯзи Конститутсия маҷлиси тантанавӣ доир гардид
Дар Агентии ҳифзи меъроси таърихию фарҳангӣ 31-солагии Конститутсияи Тоҷикистонро таҷлил намуданд
Дар шаҳри Душанбе чорабинии фарҳангӣ ба ифтихори Рӯзи Конститутсияи Ҷумҳурии Тоҷикистон баргузор гардид
КОНСТИТУТСИЯ — ИНЪИКОСКУНАНДАИ СУННАТҲОИ ПУРҒАНОВАТИ ХАЛҚИ ТОҶИК. Андешаҳои ҳуқуқшинос Исмоил Абдуалимзода оид ба ҷанбаҳои таърихии ин санад
Имрӯз дар баъзе ноҳияҳои Тоҷикистон туман мефарояд
Бахшида ба Рӯзи Конститутсия дар ноҳияи Данғара ҳамоиши идона доир шуд
Дар Донишгоҳи байналмилалии сайёҳӣ ва соҳибкорӣ дар ҳошияи иштироки Президенти Тоҷикистон дар Саммити СММ ҳамоиши илмӣ баргузор шуд
Ҳайати Тоҷикистон дар ҷаласаи вазирони Кумитаи доимии ҳамкории иқтисодиву тиҷоратии СҲИ иштирок намуд
