Дар ноҳияи Балҷувон иншооти нави соҳаи маориф бунёд гардид
ДУШАНБЕ, 25.11.2024. /АМИТ «Ховар»/. 25 ноябр бахшида ба 35-солагии Истиқлоли давлатӣ дар ноҳияи Балҷувони вилояти Хатлон се иншооти соҳаи маориф ба истифода дода шуд, иттилоъ доданд ба АМИТ «Ховар» дар хадамоти матбуоти Раиси вилояти Хатлон.
Дар деҳаи Хироби Ҷамоати деҳоти Балҷувон бинои иловагии Муассисаи таҳсилоти миёнаи умумии №11 мавриди истифода қарор дода шуд.
Масоҳати умумии замини иншоот 7000 метри мураббаъ ва масоҳати зери сохтмон 300 метри мураббаъро ташкил медиҳад. Бино аз 2 ошёна ва 8 синфхона, утоқи директор ва хонаи омӯзгорон иборат буда, барои 480 хонанда дар ду баст бунёд гардидааст.
Раиси вилояти Хатлон Давлаталӣ Саид иброз намуд, ки Президенти Ҷумҳурии Тоҷикистон муҳтарам Эмомалӣ Раҳмон ба рушди маориф ҳамчун соҳаи пешбарандаи ҷомеа аҳамияти аввалиндараҷа зоҳир менамоянд. Бунёду навсозии муассисаҳои таълимии муосир низ аз ҷумлаи иқдоме мебошад, ки ба таъмини пешрафти соҳаи маориф дар вилоят равона карда шудаанд.
Имрӯз ҳамчунин дар деҳаи Солмолидашти Ҷамоати деҳоти Тоҷикистони ноҳияи Балҷувон бинои иловагии Муассисаи таҳсилоти миёнаи умумии №5 мавриди истифода қарор дода шуд.
Бинои дуошёна аз 8 синфхона, утоқи директор ва хонаи омӯзгорон иборат буда, барои 480 хонанда дар ду баст бунёд гардидааст.
Инчунин дар деҳаи Охбулоқи Ҷамоати деҳоти Тоҷикистони ноҳияи Балҷувон бинои иловагии Муассисаи таҳсилоти миёнаи умумии №4 сохта шуд.
Масоҳати умумии замини иншоот 5000 метри мураббаъ ва масоҳати зери сохтмон 300 метри мураббаъро ташкил медиҳад. Бинои иловагӣ барои 480 хонанда дар ду баст бунёд гардида, дар он шароити мусоиди таълимӣ фароҳам оварда шудааст.
АКС: Хадамоти матбуоти Раиси вилояти Хатлон
Байни Донишгоҳи байналмилалии забонҳои хориҷии Тоҷикистон ва Донишгоҳи давлатии шарқшиносии Тошканд шартномаи ҳамкорӣ ба имзо расид
Дар Донишгоҳи давлатии Кӯлоб оид ба ташаккули фарҳанги муошират конференсияи ҷумҳуриявӣ баргузор шуд
Дар деҳаи Варзоб — Қалъаи ноҳияи Варзоб майдончаи варзишӣ ба истифода дода шуд
Сарвари давлат Эмомалӣ Раҳмон Меҳмонхонаи Редиссон Коллекшн Душанберо (Radisson Collection Dushanbe) ифтитоҳ намуданд
Пешвои миллат Эмомалӣ Раҳмон дар шаҳри Душанбе корхонаи дару тирезаҳои алюминӣ ва пластикии ҶДММ «Тамдид»-ро мавриди баҳрабардорӣ қарор доданд
Президенти Ҷумҳурии Тоҷикистон Эмомалӣ Раҳмон бо 6 лоиҳаи нави истеҳсолӣ, логистикӣ ва иҷтимоӣ дар шаҳри Душанбе шинос шуданд
Сарвари давлат Эмомалӣ Раҳмон дар шаҳри Душанбе корхонаи «Разес Фарма»-ро ифтитоҳ намуданд
Пешвои миллат Эмомалӣ Раҳмон бинои нави Маркази аутизми шаҳри Душанберо мавриди истифода қарор доданд
Маҷлиси Ҳукумати Ҷумҳурии Тоҷикистон баргузор гардид
Ғолибони Озмуни ҷумҳуриявии «Илм-фурӯғи маърифат» дар соли 2026 муайян гардиданд
Дар шаҳри Ваҳдат бунгоҳҳои тиббӣ ба истифода дода шуданд
«БАРНОМАИ РУШДИ МИНТАҚАИ САЙЁҲИИ РОҒУН». Дар доираи амали он роҳҳо мумфарш, хатсайрҳои сайёҳӣ зиёд ва инфрасохтори хизматрасонӣ беҳтар карда шуд
