Дар Вазорати тандурустӣ ва ҳифзи иҷтимоии аҳолии Тоҷикистон Рӯйхати миллии доруҳои асосӣ бозбинӣ шуд
ДУШАНБЕ, 14.11.2024. /АМИТ «Ховар»/. Таъмини саривақтии аҳолӣ бо дорувории хушсифат, судманд, бехатар ва аз ҷиҳати иқтисодӣ дастрас яке аз самтҳои афзалиятноки Стратегияи солимии аҳолии Ҷумҳурии Тоҷикистон барои давраи то соли 2030 ба ҳисоб рафта, он ба таҳкими низоми тандурустӣ ва баланд бардоштани сифати хизматрасонии тиббӣ равона шудааст. Ин матлаб 13 ноябр дар ҷаласаи корӣ вобаста ба бозбинии Рӯйхати миллии доруҳои асосӣ дар Вазорати тандурустӣ ва ҳифзи иҷтимоии аҳолии Ҷумҳурии Тоҷикистон баён шуд. Дар ин хусус ба АМИТ «Ховар» дар Вазорати тандурустӣ ва ҳифзи иҷтимоии аҳолии Ҷумҳурии Тоҷикистон иттилоъ доданд.
Раванди бозбинии доруҳои асосӣ барои таъмини нишондиҳандаҳои асосӣ бо инобати арзёбии мунтазами доруҳо дар асоси меъёрҳои муқарраршуда имкон медиҳад, ки доруҳои дорои хатар ё таъсири тарафҳои эҳтимолӣ аз ин рӯйхат сари вақт хориҷ карда шаванд. Ҳамзамон доруҳои наве, ки барои табобати беморон дар комбинатсияи нав тавсия шудаанд, ворид карда шаванд.
Бозбинии Рӯйхати миллии доруҳои асосӣ на танҳо кори маъмурӣ, балки раванди муҳиму масъулиятноке аст, ки ҳаёт ва некуаҳволии бисёр одамон, алалхусус беморон ба он вобастагии зич дорад.
Рӯйхати миллии доруҳои асосӣ ҳамчун ҳуҷҷати тартибдиҳандаи фаъолияти муассисаҳои тандурустӣ ҳангоми банақшагирии харид ва таъминоти доруворӣ барои табобати беморон нақши муҳим дорад.
АКС: Вазорати тандурустӣ ва ҳифзи иҷтимоии аҳолии Ҷумҳурии Тоҷикистон
Дар Душанбе Форуми ёздаҳуми миллӣ оид ба волоияти қонун доир мешавад
Вазири меҳнат, муҳоҷират ва шуғли аҳолии Тоҷикистон дар Давҳа бо роҳбари ширкати қатарии «Jusour» мулоқот намуд
Дар Маркази ҷумҳуриявии илмии ҷарроҳии дилу рагҳо шуъбаи ҷарроҳии бариатрикӣ ва герниологӣ пас аз таъмиру азнавсозӣ ба истифода дода шуд
Ҳамкории Тоҷикистону Қатар дар самти меҳнат ва шуғли аҳолӣ тақвият меёбад
Намояндаи Тоҷикистон дар Конфронси шашуми вазирони меҳнати кишварҳои аъзои СҲИ иштирок намуд
КУМАКҲОИ УНВОНИИ ИҶТИМОӢ. Ба қишри осебпазири Тоҷикистон беш аз 917 миллион сомонӣ кумак расонида шуд
Дар Давҳа масъалаи омодасозии мутахассисон барои бозори меҳнат баррасӣ шуд
Дар Душанбе форуми минтақавӣ-ҷаласаи роҳбарони сохторҳои ҳолатҳои фавқулода аз давлатҳои Осиёи Марказӣ идома дорад
Дар Тоҷикистон ҷарроҳии мураккаби мағзи сар гузаронида шуд
Дурнамои рушди соҳаи таҳсилоти ибтидоӣ ва миёнаи касбӣ дар Тоҷикистон бо намояндагони Ассотсиатсияи кумак ва ёрии Ҷопон баррасӣ гардид
Ҳайати ҳокимияти судии Тоҷикистон дар Женева дар форуми байналмилалӣ иштирок намуд
«СОЛИМИИ ЗАН — СОЛИМИИ МИЛЛАТ». Дар шаҳри Гулистон беш аз 200 нафар занон бо муоинаи ройгон фаро гирифта шуданд
