«Парчами Тоҷикистон дар қитъаи Антарктида». Бахшида ба Рӯзи Парчами давлатӣ китоби олими тоҷик ба нашр мерасад
ДУШАНБЕ, 23.11.2024 /АМИТ «Ховар»/. Бахшида ба ҷашни Парчами давлатӣ китоби олими шинохтаи тоҷик, профессор, пиряхшинос ва қутбшинос Абдулҳамид Қаюмов таҳти унвони «Парчами Тоҷикистон дар қитъаи Антарктида» ба нашр мерасад.
Тавре ба АМИТ «Ховар» Абдулҳамид Қаюмов хабар дод, китоб оид ба татбиқи Қатъномаи Созмони Милали Муттаҳид оид ба эълони соли 2025 – Соли байналмилалии ҳифзи пиряхҳо аз тарафи Шурои олимони Маркази омӯзиши пиряхҳои Академияи миллии илмҳои Тоҷикистон барои чоп тавсия дода шуда, нусхаи якуми он ба нашр расид.
Китоб дар асоси далелҳои илмӣ ва таҳқиқоти муаллиф ҳангоми сафар давоми солҳои 2008-2009 ба қитъаи – Антарктида нигошта шудааст. Профессор Абулҳамид Қаюмов 6 январи соли 2009 Парчами Тоҷикистонро дар қитъаи Антарктида барафрохт, ки ин иқдом далели ҳисси баланди ватандӯстӣ ва кӯшишҳои муаллиф барои муаррифӣ намудани миллат ва давлати соҳибистиқлоли Ҷумҳурии Тоҷикистон дар сатҳи байналмилалӣ дар баробари дигар давлатҳои абарқудрат ба ҳисоб мерафт. Зеро дар айни замон азхудкунии қитъаи Антарктида дар баробари азхудкунии кайҳон масъалаи аввалиндараҷаи таҳқиқотию илмии арсаи ҷаҳонӣ маҳсуб мешавад.
Дар китоби «Парчами Тоҷикистон дар қитъаи Антарктида» лаҳзаҳои ҷолиб ва инчунин саргузашту хотираҳои зиёд рӯйи авроқ оварда шудаанд. Онҳо бофтаи хаёл набуда, балки саргузаштиянд, ки ба таври воқеӣ ба риштаи тасвир кашида шудаанд.
Китоб ба доираи васеи хонандагон пешниҳод шуда, инчунин онро донишҷӯён, магистрҳо ва аспирантҳои бахши география, пиряхшиносон, иқлимшиносон, биологҳо ва гигиенистҳо ҳамчун дастурамали таълимӣ истифода бурда метавонанд.
Таҳти роҳбарии Абулҳамид Қаюмов соли 2021 феҳристи маҷмуавии пиряхҳои Тоҷикистон ба табъ расид. Дар айни замон омодагӣ ба нашри 12-ҷилдаи «Атлас — Каталоги пиряхҳои Ҷумҳурии Тоҷикистон» идома дорад.
АКС: Маркази омӯзиши пиряхҳои Академияи миллии илмҳои Тоҷикистон
Инна Блюшенко аз Швейтсария: «Мақсад дорам забони ширину шевои тоҷикиро омӯзам»
Президенти Академияи миллии илмҳои Тоҷикистон дар Конференсияи байналмилалии «Илм барои бехатарии ҷаҳон» иштирок намуд
35-СОЛАГИИ ИСТИҚЛОЛИЯТИ ДАВЛАТӢ. Дар Чойхонаи миллӣ барои дар як шабонарӯз қабули 5000 мизоҷ шароит фароҳам оварда мешавад
Ба пешвози 700-солагии Ҳофизи Шерозӣ дар Тоҷикистон барномаҳои фарҳангию маърифатӣ доир мешаванд
ШАҲРИСТОНИ ҲУЛБУК. Бозёфтҳои аз ин ёдгорӣ пайдогардида намунаи санъати олии ҳунармандӣ буда, нотакрор мебошанд
«КОРВОНИ КИТОБ». Ба китобхонаҳои шаҳру ноҳияҳои Бадахшон беш аз 6 ҳазор нусха китоб дастрас мегардад
АМИТ «Ховар» ва ҶСП «Ширкати байнидавлатии телевизион ва радиои «Мир»» Ёддошти тафоҳум ба имзо расониданд
Дар Душанбе мубодилаи барномаҳои фарҳангӣ ва намоиши филмҳо байни Тоҷикистон ва Чин баргузор гардид
Дар мавзуи ташаккул ва рушди синошиносӣ дар Тоҷикистон конфронси илмӣ доир гардид
Рӯзҳои фарҳанги Ҷумҳурии Тоҷикистон дар Ҷумҳурии Тотористони Федератсияи Русия доир гардид
Ду озмоишгоҳи Институти химияи Академияи миллии илмҳои Тоҷикистон бо технологияи муосир муҷаҳҳаз карда шуд
Рӯзҳои фарҳанги Ҷумҳурии Тоҷикистон дар Федератсияи Русия идома доранд
