Анҷумани XI Ҳизби Ислоҳоти Иқтисодии Тоҷикистон баргузор гардид

ДУШАНБЕ, 25.12.2024 /АМИТ «Ховар»/. 25 декабр дар шаҳри Душанбе Анҷумани XI Ҳизби Ислоҳоти Иқтисодии Тоҷикистон баргузор гардид, хабар медиҳад АМИТ «Ховар».

Дар кори анҷуман вакилон аз кумитаҳои иҷроияи вилоятӣ, шаҳрӣ ва ноҳиявии ҳизб иштирок намуданд.

Дар анҷумани ҳизб, аз ҷумла масъалаҳо вобаста ба фаъолияти ҳизб аз соли 2019 то соли 2024, вазифаҳои минбаъдаи ташкилоти ҳизбӣ барои солҳои 2025-2030, интихоби ҳайати Кумитаи иҷроияи марказӣ,  Комиссияи марказии тафтишотии ҳизб, пешбарии номзадҳо ба вакилии Маҷлиси намояндагони Маҷлиси Олии Ҷумҳурии Тоҷикистон аз ҳавзаи ягонаи умумиҷумҳуриявӣ ва барномаи пешазинтихоботии Ҳизби Ислоҳоти Иқтисодии Тоҷикистон барои солҳои 2025-2030 баррасӣ гардиданд.

Аз рӯйи масъалаҳои рӯзномаи кори анҷуман раиси Ҳизби Ислоҳоти Иқтисодии Тоҷикистон Fиёсиддин Ашӯрзода сухан гуфт.

Вакилони анҷуман баъди баррасии масъалаи пешбарии номзадҳо ба вакилӣ дар интихоботи Маҷлиси намояндагони Маҷлиси Олии Ҷумҳурии Тоҷикистон номзадии раиси ҳизб, вакили Маҷлиси намояндагони Маҷлиси Олӣ Fиёсиддин Ашӯрзода ва дигар аъзои фаъоли ҳизб, аз ҷумла  сармуҳаррири нашрияи «Навиди Кӯлоб»-и Мақомоти иҷроияи ҳокимияти давлатии шаҳри Кӯлоб Ғоиб Фирӯз, вакили Маҷлиси намояндагони Маҷлиси Олӣ Сарвиноз Маҷидзода, вакили Маҷлиси намояндагони Маҷлиси Олӣ Зафар Ализода, мудири кафедраи менеҷмент-маркетинги Донишгоҳи славянии Русия ва Тоҷикистон Наима Солизода, мутахассиси ноҳиявии Данғара доир ба барномаи мутобиқшавӣ ба тағйирёбии иқлим ва кам кардани таъсири он дар ҳавзаи Баҳри Арал Эмомалӣ Изатуллозода, муовини Раиси омори ноҳияи Шаҳринав Абдусалом Абдураҳмонзода, ходими пешбари илмии шуъбаи тадқиқоти инфрасохтории Институти иқтисодиёт ва демографияи Академияи миллии илмҳои Тоҷикистон Комилҷон Бобозода, омӯзгори Муассисаи таҳсилоти умумии №28 шаҳри Душанбе Шаҳрбону Зубайдова, вакили Маҷлиси намояндагони Маҷлиси Олӣ Рустам Раҳматзода, сардори илмии шуъбаи таҳқиқоти назариявӣ ва муносибатҳои хориҷии иқтисодии Институти иқтисодиёт ва демографияи Академияи миллии илмҳои Тоҷикистон Баҳром Шарифзода, директори Ҷамъияти дорои масъулияти маҳдуди «Сафобахш-иншоот» Фарҳод Мусоев ва вакили Маҷлиси намояндагони Маҷлиси Олӣ Раҳмон Дарингро ба вакилӣ дар интихоботи Маҷлиси намояндагони Маҷлиси Олии Ҷумҳурии Тоҷикистон пешниҳод намуданд.

 АКС: АМИТ «Ховар»