Барои намояндагони мақомоти ҳифзи ҳуқуқ ва мақомоти кашшофии молиявии кишварҳои аъзои ИДМ машварат доир гардид
ДУШАНБЕ, 15.12.2024 /АМИТ «Ховар»/. 11-12 декабр дар Бонки миллии Тоҷикистон барои намояндагони мақомоти ҳифзи ҳуқуқ ва мақомоти кашшофии молиявӣ таҳти унвони «Такмили ихтисоси кормандони мақомоти ҳифзи ҳуқуқ дар самти муқовимат ба маблағгузории фаъолияти террористӣ ва экстремистӣ» машварати муштараки Шурои роҳбарони мақомоти кашшофии молиявии кишварҳои аъзои Иттиҳоди Давлатҳои Мустақил, Маркази зиддитеррористии Иттиҳоди Давлатҳои Мустақил, Гурӯҳи Авруосиё оид ба муқовимат ба қонунигардонии даромадҳои бо роҳи ҷиноят бадастоварда ва маблағгузории терроризм ва Маркази байналмилалии омӯзишӣ-методии мониторинги молиявии Федератсияи Русия баргузор шуд.
Тавре ба АМИТ «Ховар» дар Департаменти мониторинги молиявии Бонки миллӣ хабар доданд, дар машғулият зиёда аз 50 намояндаи мақомоти ҳифзи ҳуқуқ ва мақомоти кашшофии молиявӣ аз Тоҷикистон, Русия, Беларус, Қазоқистон, Қирғизистон, Озарбойҷон, Узбекистон ва Туркманистон иштирок намуданд.
Тибқи барнома иштирокдорон ба ду гурӯҳ: гурӯҳи намояндагони мақомоти ҳифзи ҳуқуқ ва гурӯҳи намояндагони мақомоти кашшофии молиявӣ тақсим шуда, бо онҳо доир ба хусусияти амалии ошкорсозӣ ва ҳуҷҷатгузории ҷиноятҳо дар самти муқовимат ба қонунигардонии даромадҳои бо роҳи ҷиноят бадастоварда ва маблағгузории терроризм, ки бо истифода аз криптоасъор содир мешаванд, машғулияти омӯзишӣ гузаронида шуд.
Дар машварат барои иштирокдорон инчунин оид ба усулҳои гузаронидани таҳлили амалиёти криптоасъорӣ, ки ба маблағгузории терроризм бо истифодаи манбаъҳои озоди интернетӣ ва барномаи махсуси таъминотӣ алоқаманд мебошанд, машғулияти амалӣ баргузор шуд.
Дар рӯзи дуюми машғулият масъалаи таҳдидҳои бо фаъолияти гурӯҳҳои террористӣ алоқаманд муҳокима гардида, намояндагони кишварҳои аъзои Иттиҳоди Давлатҳои Мустақил оид ба мавзуъ мубодилаи афкор намуданд.
Дар интиҳо ба иштирокдорони чорабинӣ аз ҷониби Маркази байналмилалии омӯзишӣ-методии мониторинги молиявии Федератсияи Русия сертификат супурда шуд.
Бояд гуфт, ки чорабиниҳои муштарак дар самти муқовимат ба қонунигардонӣ (расмикунонӣ)-и даромадҳои бо роҳи ҷиноят бадастоварда, маблағгузории терроризм ва маблағгузории паҳнкунии силоҳи қатли ом аз ҷониби департаменти мониторинги молиявии назди Бонки миллии Тоҷикистон барои мақомоти ҳифзи ҳуқуқ ва субъектҳои ҳисоботдиҳанда мунтазам гузаронда мешаванд.
АКС: Департаменти мониторинги молиявии Бонки миллии Тоҷикистон
Кормандони Бонки миллии Тоҷикистон ҷашни Истиқлоли давлатиро бошукуҳ таҷлил намуданд
Эмомалӣ Раҳмон: «Даромади буҷети давлатӣ дар солҳои соҳибистиқлолӣ беш аз 250 баробар зиёд гардид»
Пешвои миллат Эмомалӣ Раҳмон: «То соли 2037 Тоҷикистонро пурра ба кишвари «сабз» табдил медиҳем»
РОҲИ 35-СОЛАИ НИЗОМИ БОНКИИ ТОҶИКИСТОН: аз бунёди низоми мустақили бонкӣ то бонкдории рақамӣ
РУШДИ САНОАТ. Дар давраи Истиқлолияти давлатӣ Душанбе ба маркази воқеии саноат, савдо ва хизматрасонӣ табдил ёфт
Эмомалӣ Раҳмон: «Бо саҳми соҳибкорони ватандӯст ва шахсони саховатпеша зиёда аз 10 ҳазор километр роҳҳои маҳаллӣ навсозӣ гардида, 273 пул бунёд гардид»
ҚУРБИ АСЪОР: 1 рубли русӣ аз 0.1020 то 0.1068 сомонӣ муқррар шудааст
Ҷамшед Ҷумахонзода: «Соҳаи сайёҳӣ ба яке аз самтҳои афзалиятноки рушди иқтисоди Тоҷикистон табдил ёфтааст»
Абдураҳмон Абдураҳмонзода: «Тоҷикистон дар солҳои соҳибистиқлолӣ чун давлати дорои суръати баланди рушди иқтисодӣ шинохта шуд»
Дар «Саноатсодиротбонк» 35-солагии Истиқлоли давлатӣ таҷлил гардид
Истифодаи технологияҳои муосир ва зеҳни сунъӣ самти афзалиятноки сиёсати давлатии Тоҷикистон мебошад
Кормандони «Саноатсодиротбонк» бо мукофотҳои давлатӣ сарфароз гардиданд
