Дар вилоятҳои Суғд ва Бадахшон неругоҳҳои барқи офтобӣ ва дастгоҳҳои захиракунандаи энергия бунёд мегарданд
ДУШАНБЕ, 10.12.2024 /АМИТ «Ховар»/. Дар вилояти Суғд ва Вилояти Мухтори Кӯҳистони Бадахшон неругоҳҳои барқи офтобӣ ва дастгоҳҳои захиракунандаи энергия бунёд мегарданд.
Тавре АМИТ «Ховар» бо истинод ба Вазорати энергетика ва захираҳои оби Ҷумҳурии Тоҷикистон хабар медиҳад, 9 декабр байни Вазорати энергетика ва захираҳои об ва Институти Корея оид ба рушди технология Протоколи музокирот вобаста ба «Сохтмони неругоҳҳои барқи офтобӣ ва дастгоҳҳои захиракунандаи энергия дар вилояти Суғд ва Вилояти Мухтори Кӯҳистони Бадахшон» ба имзо расонида шуд.
Ҳадаф аз имзои ин ҳуҷҷат беҳтар намудани таъминоти сокинони вилояти Суғд ва Бадахшон бо қувваи барқ арзёбӣ мегардад.
Тибқи протокол, бунёди неругоҳҳои офтобӣ бо иқтидори 6 МВт ва 1 МВт-соат дастгоҳҳои захиракунандаи энергия ба нақша гирифта шудааст. Зимнан, бунёди неругоҳи офтобӣ бо иқтидори 3 МВт бо дастгоҳҳои захиракунандаи энергия бо иқтидори 0,5 МВт-соат дар ҳудуди вилояти Суғд ва бунёди неругоҳи офтобӣ бо иқтидори 3 МВт бо дастгоҳҳои захиракунандаи энергия бо иқтидори 0,5 МВт-соат дар ҳудуди Вилояти Мухтори Кӯҳистони Бадахшон дар назар аст.
АКС: Вазорати энергетика ва захираҳои оби Ҷумҳурии Тоҷикистон
Дар Тоҷикистон шумораи субъектҳои хоҷагидори амалкунанда беш аз 100 ҳазор зиёд гардидааст
Дар Тоҷикистон дар 25 соли охир ҳаҷми истеҳсоли маҳсулоти кишоварзӣ 122 баробар афзоиш ёфтааст
Кормандони Бонки миллии Тоҷикистон ҷашни Истиқлоли давлатиро бошукуҳ таҷлил намуданд
Эмомалӣ Раҳмон: «Даромади буҷети давлатӣ дар солҳои соҳибистиқлолӣ беш аз 250 баробар зиёд гардид»
Пешвои миллат Эмомалӣ Раҳмон: «То соли 2037 Тоҷикистонро пурра ба кишвари «сабз» табдил медиҳем»
РОҲИ 35-СОЛАИ НИЗОМИ БОНКИИ ТОҶИКИСТОН: аз бунёди низоми мустақили бонкӣ то бонкдории рақамӣ
РУШДИ САНОАТ. Дар давраи Истиқлолияти давлатӣ Душанбе ба маркази воқеии саноат, савдо ва хизматрасонӣ табдил ёфт
Эмомалӣ Раҳмон: «Бо саҳми соҳибкорони ватандӯст ва шахсони саховатпеша зиёда аз 10 ҳазор километр роҳҳои маҳаллӣ навсозӣ гардида, 273 пул бунёд гардид»
Ҷамшед Ҷумахонзода: «Соҳаи сайёҳӣ ба яке аз самтҳои афзалиятноки рушди иқтисоди Тоҷикистон табдил ёфтааст»
Абдураҳмон Абдураҳмонзода: «Тоҷикистон дар солҳои соҳибистиқлолӣ чун давлати дорои суръати баланди рушди иқтисодӣ шинохта шуд»
Истифодаи технологияҳои муосир ва зеҳни сунъӣ самти афзалиятноки сиёсати давлатии Тоҷикистон мебошад
Истиқлол ва рушди саноат: аз сарвати табиӣ то неруи созанда
