Шурои Гурӯҳи Бонки ҷаҳонӣ барои маблағгузории сохтмони НБО «Роғун» дар ҳаҷми 350 миллион доллари ИМА қарори дахлдор қабул намуд
ДУШАНБЕ, 18.12.2024 /АМИТ «Ховар»/. 17 декабр аъзои Шурои Гурӯҳи Бонки ҷаҳонӣ зимни ҷаласа барои дар марҳилаи якуми маблағгузории сохтмони Неругоҳи барқи обии «Роғун» ҷудо намудани гранти Ассотсиатсиаи байналмилалии рушд (АБР) дар ҳаҷми 350 миллион доллари ИМА қарори дахлдор қабул намуданд, хабар медиҳад АМИТ «Ховар».
Аз ҷониби роҳбарияти Бонки ҷаҳонӣ таъкид гардид, ки лоиҳаи сохтмони Неругоҳи барқии обии «Роғун» даҳ шарики рушдро бо роҳбарии Бонки ҷаҳонӣ муттаҳид намуд, ки ин дастоварди муҳим ба ҳисоб рафта метавонад барои лоиҳаҳои монанд дар минтақа ва ҷаҳон намуна бошад.
Намояндаи доимии Ҷумҳурии Тоҷикистон дар назди Бонки ҷаҳонӣ ва Хазинаи байналмилалии асъор Пайрав Амирзода изҳор намуд, ки тақрибан 60 фоизи захираҳои оби минтақа ба Тоҷикистон рост меояд.
«Захираҳои гидроэнергетикии Тоҷикистон дар як сол ҳудуди 527 миллиард кВт/соат-ро ташкил медиҳанд, ки то имрӯз ҳамагӣ 5 фоизи онҳо истифода шудааст. Мамлакати мо дар айни замон аз ҷиҳати истеҳсоли энергияи «сабз» дар ҷаҳон ҷои шашумро ишғол мекунад»,-изҳор намуд Пайрав Амирзода.
Таъкид гардид, ки Неругоҳи барқи обии «Роғун» лоиҳаи энергетикии «сабз» буда, баъди анҷоми сохтмони он мушкилоти норасоии барқ дар мамлакат бартараф мегардад ва фаъолияти он ба кишварҳои минтақа низ метавонад манфиатовар бошад. Ин неругоҳи барқи обӣ дар коҳиши партовҳои карбонӣ дар Тоҷикистон нақши калидӣ бозида, ба кам кардани карбонҳои шабакаҳои барқ дар саросари Осиёи Марказӣ мусоидат менамояд.
Ҳамзамон таъкид гардид, ки сохтмони Неругоҳи барқи обии «Роғун» барои иқтисоди Тоҷикистон, некӯаҳволии мардуми он ва таъминоти кишварҳои минтақа бо барқи арзон ва аз лиҳози экологӣ тоза ниҳоят муҳим аст. Неругоҳи Роғун пас аз анҷомёбӣ барои расидан ба яке аз ҳадафҳои калидии стратегии мамлакат – истиқлолияти комили энергетикӣ мусоидат менамояд, ки ба ин васила сатҳи некуаҳволии мардум боз ҳам баланд гардида, имконияти нави рушд фароҳам оварда мешавад.
Роҳбарияти Бонки ҷаҳонӣ ва аъзои шурои он бо назардошти муҳимияти ин лоиҳа барои Тоҷикистон ва минтақа дастгирии онро мувофиқи мақсад шумориданд.
Таъкид кардан ба маврид аст, ки маблағи умумии лоиҳа 650 млн. доллари ИМА буда, ҷудо намудани он дар ду марҳила пешбинӣ шудааст.
Марҳилаи якуми лоиҳа 350 млн. доллари ИМА ва марҳилаи дуюми он 300 млн. доллари ИМА-ро ташкил медиҳад.
Дар вилояти Суғд шумораи корхонаҳои саноатӣ нисбат ба соли 1991 беш аз ҳазор адад зиёд шудааст
Дар ҳавзаи дарёи Кофарниҳон се стансияи худкори обуҳавосанҷӣ насб карда шуд
Ҷаласаи Комиссияи байниидоравӣ оид ба муқовимат ба қонунигардонии даромадҳои бо роҳи ҷиноят бадастоварда, маблағгузории терроризм ва маблағгузории паҳнкунии силоҳи қатли ом доир гардид
Дар ноҳияи Мастчоҳ тадбирҳои агротехникӣ барои ҷамъоварии ҳосили зироат идома доранд
Президенти Ҷумҳурии Тоҷикистон Эмомалӣ Раҳмон аз ҷараёни корҳои сохтмонӣ дар дигар мавзеъҳои сохтмони Неругоҳи «Роғун» боздид намуданд
Дар Душанбе нахустин Форум ва намоишгоҳи байналмилалии саноати хӯрокворӣ — Тоҷикистон-2026 оғоз ёфт
Сарвари давлат Эмомалӣ Раҳмон бо ҷараёни корҳои сохтмонӣ дар cарбанди Неругоҳи «Роғун» шинос шуданд
Пешвои миллат Эмомалӣ Раҳмон дар Неругоҳи «Роғун» аз хобгоҳи бунёднамудаи ҶСК «Тоҷикгидроэлектромонтаж» боздид намуданд
«ИСТИҚЛОЛ» — ЗУҲУРОТИ НАВИ АМЕТИСТ. Он бахшида ба 35-солагии Истиқлоли давлатии Ҷумҳурии Тоҷикистон номгузорӣ шудааст
Дар ҷаласаи Кумитаи байнидавлатии авиатсионӣ ифтитоҳи хатсайрҳои нави ҳавоӣ байни Тоҷикистон ва кишварҳои ИДМ баррасӣ шуд
Раванди татбиқи барномаи иммунопрофилактика ва Консепсияи иқтисоди рақамӣ баррасӣ шуд
Хати магистралии алоқаи «Душанбе–Хоруғ–Қулма» то охири моҳи сентябр ба истифода дода мешавад
