Вакилони Маҷлиси намояндагон дар кори Форуми 19-уми СММ оид ба идоракунии интернет иштирок доранд

ДУШАНБЕ, 16.12.2024 /АМИТ «Ховар»/. Вакилони Маҷлиси намояндагони Маҷлиси Олии Ҷумҳурии Тоҷикистон дар кори Форуми 19-уми Созмони Милали Муттаҳид оид ба идоракунии интернет дар мавзуи «Эҷоди ояндаи рақамии бисёрҷонибаи мо» иштирок менамоянд.

Тавре ба АМИТ «Ховар» дар Маҷлиси намояндагон хабар доданд, Форуми 19-уми Созмони Милали Муттаҳид оид ба идоракунии интернет 15 декабр оғоз гардида то 19 декабри соли равон дар шаҳри Риёзи Шоҳигарии Арабистони Саудӣ идома меёбад.

Форум бо ташабуси Департаменти масъалаҳои иқтисодӣ ва иҷтимоии Созмони Милали Муттаҳид  (UNDESA), Иттифоқи байнипарламентӣ (Inter- Parlamentary Union) ва Шурои Кумита (the Shura Council) баргузор гардида, зимни он масъалаҳои сиёсати рақамии давлатӣ, аз қабили зеҳни сунъӣ, киберамният, идоракунии маълумот ва ҳамкории  рақамӣ муҳокима мегарданд.

АКС: Маҷлиси намояндагони Маҷлиси Олии Ҷумҳурии Тоҷикистон