Аҳли илму адаби Эрон дар Осорхонаи миллӣ бо таъриху тамаддуни тоҷикон шинос гардид
ДУШАНБЕ, 17.01.2025 /АМИТ «Ховар»/. Дар доираи нахустин сафари давлатии Президенти Ҷумҳурии Исломии Эрон муҳтарам Масъуд Пизишкиён ба Ҷумҳурии Тоҷикистон аҳли илму адаб- шоирон, нависандагон ва пажуҳишгарони ин давлати дӯсту бародар ба Осорхонаи миллӣ ташриф оварданд. Дар ин хусус ба АМИТ «Ховар» аз Осорхонаи миллии Тоҷикистон иттилоъ доданд.
Меҳмононро дар саҳни бинои муассиса директори Осорхонаи миллӣ Зафаршо Иброҳимзода истиқбол намуда, ташрифи онҳоро ба ин ниҳоди илмӣ-фарҳангии Тоҷикистон хайрамақдам гуфт.
Сипас, аз ҷониби корманди муассиса барои меҳмонон сайри осорхонавӣ гузаронида шуд.
Меҳмонон тавассути тамошои толорҳои намоишии Осорхонаи миллӣ бо ёдгориҳои нодири бостоншиносию давраҳои пурифтихори таърихи пурғановати халқи тоҷик ва мероси таърихию фарҳангии бою рангине, ки робитаҳои бисёрҳазорсолаи ду давлатро намоиш медиҳанд, аз наздик шинос шуданд.
Бояд тазаккур дод, ки таваҷҷуҳи бештари тамошобинонро гӯшаи махсуси Ҷумҳурии Исломии Эрон дар толори «Туҳфаҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон» ба худ ҷалб намуд.
Ҳайати меҳмонон аз тамошои толорҳои намоишӣ изҳори хушҳолӣ намуда, аҳамияти таърихи муштараки ду давлат, аз ҷумла анъанаҳои илмӣ-адабӣ ва фалсафиро таъкид намуданд.
Аҳли илму адаби Ҷумҳурии Исломии Эрон таассуроташонро дар китоби «Меҳмонони фахрӣ»-и Осорхонаи миллӣ навиштанд.
АКС: Осорхонаи миллии Тоҷикистон
Дар Ховалинг бошишгоҳи нави палеолитӣ бо таърихи 500 ҳазор сол кашф гардид
Дар Синамоҷашнвораи дуюми байналмилалии Душанбе — «Тоҷи Сомон» беш аз 30 филм намоиш дода мешавад
Операсароёни маъруфи сатҳи ҷаҳонӣ Стефания Мурино ва Фабио Каррери дар Хуҷанд сурудҳоро бо забони тоҷикӣ иҷро намуданд
Туҳфаи Пешвои миллат — «Шоҳнома»-и безаволи Абулқосим Фирдавӣ ба ноҳияи Мир Сайид Алии Ҳамадонӣ расид
Муовини Раиси Ҳукумати Федерстсияи Русия дар Осорхонаи миллӣ бо фарҳанги қадимаи миллати тоҷик аз наздик шинос гардид
Ба фонди Китобхонаи миллии Тоҷикистон беш 59 ҳазор нусха адабиёт ворид гардид
Дар Кӯлоб ба ифтихори Рӯзи фалак чорабинии ҷашнӣ баргузор шуд
ФАЛАК-ИФОДАИ РОЗУ НИЁЗ, ТАЛАБУ ХОСТАҲОИ МАРДУМ. Ин мусиқии суннатӣ дар Тоҷикистон бештар рушд ёфтааст
Дар Тоҷикистон Рӯзҳои синамои Русия, Эрон ва Қирғизистон баргузор мегарданд
Раиси Ҷумҳурии Бошқирдистони Федератсияи Русия дар Осорхонаи миллӣ бо давраҳои таърихи халқи тоҷик шинос шуд
Дар Русия Конгресси дуюми Ташкилоти умумиҷаҳонии нависандагон баргузор гардид
«Моҳӣ дар шаст» дар Кинофестивали байналмилалии Исфаҳон соҳиби нахустин ҷоизаи байналмилалӣ гардид
