Ҳайати Тоҷикистон дар Конфронси дуюми байналмилалии бозори меҳнат иштирок намуд
ДУШАНБЕ, 31.01.2025. /АМИТ «Ховар»/. 29-30 январ дар шаҳри Риёзи Подшоҳии Арабистони Саудӣ Конфронси дуюми байналмилалии бозори меҳнат доир гардид. Дар ҳошияи он бо иштироки вазирони давлатҳои хориҷӣ ҳамоиш доир шуд, ки дар он Вазири меҳнат, муҳоҷират ва шуғли аҳолии Ҷумҳурии Тоҷикистон Солеҳа Холмаҳмадзода дар мавзуи «Ҳалли масъалаи инноватсионӣ барои баланд бардоштани шуғли ҷавонон дар бозори меҳнат» суханронӣ намуд.
Тавре хабар дода мешавад, дар Конфронси дуюми байналмилалии бозори меҳнат масъалаҳои бозори меҳнат, раванди муҳоҷират, тавсеаи шуғли пурмаҳсул ва дигар мавзуъҳо мавриди баррасӣ қарор дода шуданд.
Бояд гуфт, ки яке аз самтҳои афзалиятноки сиёсати Ҳукумати Ҷумҳурии Тоҷикистон танзими бозори меҳнат, тавсеаи шуғли пурмаҳсул, таълими касбии аҳолӣ ва андешидани тадбирҳо барои бо ҷойи муносиби кор таъмин намудани аҳолии қобили меҳнат ба ҳисоб меравад.
Президенти Ҷумҳурии Тоҷикистон муҳтарам Эмомалӣ Раҳмон 23 декабри соли 2022 зимни пешниҳоди Паём ба Маҷлиси Олии Ҷумҳурии Тоҷикистон ба ниҳодҳои дахлдор супориш доданд, ки «то соли 2026 бо истифода аз тамоми имконият барои ба касбу ҳунаромӯзӣ ҷалб кардани шаҳрвандони аз 18-сола боло, ки касбу ҳунар надоранд ва инчунин саросар соҳибкасб гардонидани аҳолӣ тадбирҳо андешида шаванд».
АКС: Сафорати Тоҷикистон дар Подшоҳии Арабистони Саудӣ
САРФАКОРӢ — БАРАКАТИ ЗИНДАГӢ. Ба миқдори сари сӯзан сарфа кардани зан баракатро дар хонадон дучанд меафзояд
Пешвои миллат: «Ба ҷойи ҳаҷҷу умраи такрорӣ анҷом додани амалҳои дорои садақаи ҷория савоби бамаротиб бештар дорад»
Президенти Тоҷикистон: «Шахсоне, ки имконияти молиявӣ надоранд, набояд ба хотири савоб аз дигарон қарз гирифта, қурбонӣ кунанд»
Аз ифлосшавии ҳавои атмосферӣ эҳтиёт намоед! Аз 6 то 9 июн дар Тоҷикистон чангу ғубор ба амал меояд
Эмомалӣ Раҳмон: «Оростани дастурхони пурдабдаба ва меҳмондории зоҳирпарастонаву намоишкоронаро дини мубини ислом, шариат ва таълимоти мазҳаби ҳанафӣ маҳкум мекунад»
ТОҶИКИСТОН – ВАТАНИ ОРЗУҲОИ ҶАВОНӢ. Дар Душанбе моҳвораи ҷавонон ҷамъбаст гардид
Вобаста ба омилҳои рушди сармояи инсонӣ дар Душанбе конфронс доир гардид
110 нафар соҳиби шаҳодатномаи маҳфили «Пайравони Пешвои миллат» гардиданд
Агентии обуҳавошиносӣ бо таҷҳизоти зарурии техникӣ таъмин мегардад
Падару модар дар таълиму тарбияи кӯдак чӣ ҳуқуқ ва уҳдадорӣ доранд?
Кӯдаконро аз иттилооти ба саломатӣ ва инкишофи онҳо зараровар ҳифз бояд намуд
