Чаро ғизои дар ҳавопаймо дастрас маззаи хӯроки маъмулиро надорад?
ДУШАНБЕ, 05.01.2025 /АМИТ «Ховар»/. Оё шумо боре ҳангоми парвоз тавассути ҳавопаймо мушоҳида намудаед, ки гӯшти мурғ, биринҷ ва ҳатто кулчақанд бо равған таъми аҷибе доранду гӯшт сахт ва бемазза менамояд? Ва ё шарбати себ нӯшидаед, ки турш мебошад?
Мусофирони ба ҳайрат афтода пайваста чунин суоли мантиқӣ медиҳанд: Чаро ғизои ҳавопаймо аз маъмулӣ бемазза аст? Оё воқеан ба ошпазҳои бетаҷриба иҷозати пухтупаз медиҳанд ё ширкати ҳавопаймоӣ барои муштариёнаш ошпазҳои бетаҷриба киро менамояд?
Барои посух ба ин суолҳо якчанд сабабҳои воқеӣ вуҷуд доранд, ки чаро ғизои дар ҳавопаймо дастрас аз ғизои маъмулии замин хеле тафовут дорад.
Тибқи хулосаи таҳқиқоти гузаронидаи мутахассисон, ин ҳолат ба нотавонии ошпаз дар омода намудани таоми болаззат ва сабабҳои иқтисодии ширкати ҳавопаймоӣ комилан иртибот надорад.
Таҳқиқоти олимон нишон медиҳад, ки ҳисси бӯй ва таъм ҳангоми дар баландии беш аз 10 ҳазор метр қарор доштан тағйир меёбад. Дарки сифатҳои асосии таъми ғизо – шӯрӣ ва ширинӣ тақрибан 30 фоиз коҳиш ёфта, мусофирон эҳсос мекунанд, ки ғизои пешниҳодшуда бемазза аст.
Чунин дарки аҷиби таъми ғизо бозгӯи он аст, ки бадан ба намии пасти ҳаво ва фишори пасти атмосферӣ дучор мешавад. Дар дохили ҳавопаймо амалан намӣ нест (баъзан камтар аз 12 фоиз) ва шахс худро дар биёбон эҳсос менамояд. Дар чунин муҳит таъми маза ва ҳисси бӯй каме дигар шуда, бо бештар баланд шудани ҳавопаймо дар фазо тамъи хӯрок ва нӯшокӣ белаззат менамояд.
Ҳамзамон натиҷаҳои таҳқиқот нишон медиҳанд, ки садои ҳавопаймо низ ба таъм таъсир расонида, ҳисси шӯрӣ ва шириниро хеле паст менамояд. Пас аз фуруд омадан ба замин истеъмоли хӯрокҳои дар ҳавопаймо пешниҳодгардида нишон медиҳад, ки таъми онҳо комилан муқаррарӣ мебошад.
АКС аз манбаъҳои боз
Дар Душанбе ба муносибати Рӯзи кормандони соҳаи тиб ҳамоиши тантанавӣ баргузор гардид
Дар ноҳияи Восеъ бо иштироки Сарвазири Тоҷикистон иншооти иҷтимоӣ ва роҳҳои нав ба истифода дода шуданд
Эмомалӣ Раҳмон: «Ному осори Абуалӣ ибни Сино боиси сарфарозии тамоми инсоният гардидааст»
Эмомалӣ Раҳмон: «Саломатии аҳолӣ сарвати асосии давлат мебошад»
Бо дастури Пешвои миллат ба оилаи аз офати табиӣ зарардида дар Кӯлоб хонаи нави истиқоматӣ тақдим гардид
«ТАБЛИҒГАРОНИ ИСТИҚЛОЛ». Гурӯҳи тарғиботӣ — ташвиқотӣ дар ноҳияҳои Рӯдакӣ, Файзобод ва Шаҳринав дастовардҳои даврони соҳибистиқлолиро муаррифӣ намуд
Таъсиси Шурои роҳбарони мақомоти иҷрои маҷбурии кишварҳои аъзои ИДМ баррасӣ шуд
10 оилаи аз офати табиӣ зарардидаи деҳаи Баррӯшон соҳиби манзилҳои нав мешаванд
Бахшида ба Рӯзи кормандони хадамоти ҳолатҳои фавқулода ва мудофиаи гражданӣ ҳамоиши тантанавӣ доир шуд
ИМРӮЗ — РӮЗИ КОРМАНДОНИ ХАДАМОТИ ҲОЛАТҲОИ ФАВҚУЛОДА ВА МУДОФИАИ ГРАЖДАНӢ. Ҳифзи аҳолӣ аз ҳолатҳои фавқулода самти асосии фаъолияти ин ниҳод аст
САЙЁҲИИ ЗИЁРАТӢ. Дар 35 соли Истиқлоли давлатӣ Мамнуъгоҳи Султон Увайси Қаранӣ аз нав эҳё гардида, инфрасохтори сайёҳии он рушд намуд
ПУРСИДЕД, ҶАВОБ МЕДИҲЕМ. Дар кадом ҳолат вуруди шаҳрванди хориҷӣ ба Федератсияи Русия манъ карда мешавад?
