Иштироки фаъолонаи ҷавонон дар интихобот нишони камолоти сиёсии онҳо мебошад
ДУШАНБЕ, 09.01.2025 /АМИТ «Ховар»/. Дар доираи омодагӣ ба интихоботи вакилони халқ, ки 2 марти соли 2025 баргузор мегардад, дар шаҳри Хуҷанд таҳти унвони «Иштироки фаъолонаи ҷавонон дар интихобот-нишони камолоти сиёсии онҳо» иқдоми тарғиботӣ баргузор шуд. Дар ин хусус аз Кумитаи иҷроияи Ҳизби Халқии Демократии Тоҷикистон дар шаҳри Хуҷанд ба АМИТ «Ховар» хабар доданд.
Ин ташаббус аз ҷониби филиали Иттифоқи ҷавонони Тоҷикистон дар шаҳри Хуҷанд ва аъзои Ташкилоти ҷамъиятии ҷавонон «Созандагони Ватан»-и назди Кумитаи иҷроияи Ҳизби Халқии Демократии Тоҷикистон дар шаҳри Хуҷанд ташкил шуда, мақсади асосии он тарғиби аҳамияти иштирок дар интихобот байни ҷавонон ва ҷалби онҳо ба раванди фаъоли сиёсӣ буд.
Иштирокдорони иқдом дар ҷойҳои серодам- бозорҳо ва дигар нуқтаҳои ҷамъиятии шаҳри Хуҷанд маводи тарғиботӣ, аз ҷумла варақаҳо ва брошураҳо, ки дар бораи интихобот маълумоти муҳим доштанд, байни шаҳрвандон тақсим намуданд. Бо мардум суҳбатҳо анҷом дода, онҳоро ба истифодаи ҳаққи конститутсионии худ – иштирок дар интихобот даъват намуданд.
Иброз гардид, ки иштироки фаъолонаи ҷавонон дар интихобот на танҳо амали шаҳрвандӣ, балки нишони камолоти сиёсии онҳо ва ҳисси масъулият дар назди ояндаи миллату давлат мебошад.
Ташкилкунандагон иброз намуданд, ки чунин чорабиниҳо минбаъд низ идома меёбанд, то шумораи ҳарчи бештари ҷавонон ба интихобот ҷалб шуда, онҳо нақши худро дар ҳаёти сиёсӣ ва рушди ҷумҳурӣ дарк намоянд.
Иштирок дар интихобот – ин интихоби ояндаи худ, ҷомеа ва давлати миллӣ мебошад. Аз ин рӯ, ҳар ҷавон бояд дар ин раванди муҳим бетараф набошад.
АКС: Кумитаи иҷроияи Ҳизби Халқии Демократии Тоҷикистон дар шаҳри Хуҷанд
Номзади Ҳизби Халқии Демократии Тоҷикистон дар ҳавзаи интихоботии якмандатии Файзобод, №11 маълум гардид
Номзад ба вакилии Маҷлиси намояндагон аз ҳавзаи интихоботии якмандатии Фархор, №34 пешниҳод гардид
Вобаста ба нақши Воситаҳои ахбори омма дар инъикоси интихобот ҳамоиш доир шуд
Номзад ба вакилии Маҷлиси намояндагони Маҷлиси Олии Ҷумҳурии Тоҷикистон аз ҳавзаи якмандатии интихоботии Истаравшан, №23 пешниҳод карда шуд
ҲХДТ дар ҳавзаи якмандатии интихоботии Рӯдакӣ, №9 номзад пешниҳод намуд
Дар ҳавзаи интихоботии якмандатии Кӯлоб, №37 номзад аз ҲХДТ муаррифӣ шуд
Номзад ба вакилии Маҷлиси намояндагони Маҷлиси Олии Ҷумҳурии Тоҷикистон аз ҳавзаи интихоботии якмандатаи Ваҳдат, №10 пешбарӣ гардид
Семинар-машварати аъзои Комиссияи ҳавзаи интихоботии якмандатаи Шоҳмансур №3 доир шуд
Номзад аз Ҳизби аграрии Тоҷикистон аз ҳавзаи интихоботии якмандатии Спитамен, №25 пешбарӣ карда шуд
Номзад ба вакилии Маҷлиси намояндагони Маҷлиси Олӣ аз ҳавзаи якмандатии интихоботии Конибодом №19 пешбарӣ карда шуд
Номзад аз Ҳизби Халқии Демократии Тоҷикистон дар ҳавзаи якмандатаи интихоботии Хоруғ, №41 пешбарӣ гардид
Номзад аз Ҳизби Халқии Демократии Тоҷикистон дар ҳавзаи интихоботии якмандатии Сомонӣ, №8-и ноҳияи Рӯдакӣ пешбарӣ карда шуд
