ИСТИФОДАИ СИСТЕМАҲОИ ЗЕҲНӢ. Нақлиёти ҷамъиятӣ «ҳушманд» мешавад
ДУШАНБЕ, 07.01.2025 /АМИТ «Ховар»/. Тибқи қарори Раиси шаҳри Душанбе аз 4 июни соли 2024, ҳама ширкатҳои таксӣ дар пойтахти Тоҷикистон — шаҳри Душанбе бояд то 1 сентябри соли 2025 пурра ба истифодаи мошинҳои барқӣ гузаранд. Дар ин хусус АМИТ «Ховар» бо истинод ба Вазорати нақлиёти Тоҷикистон иттилоъ медиҳад.
Қарор бо мақсади татбиқи «Консепсияи гузариш ба системаи барқии нақлиёти мусофиркашонии пойтахт барои солҳои 2023-2026» ва «Барномаи рушди нақлиёти барқӣ дар Ҷумҳурии Тоҷикистон барои солҳои 2023-2028», ки бо қарори Ҳукумати Ҷумҳурии Тоҷикистон аз 31 октябри соли 2022 тасдиқ шудааст, қабул гардидааст.
Ба шуъбаи нақлиёти дастгоҳи Раиси шаҳри Душанбе дар ҳамкорӣ бо Муассисаи давлатии коммуналии «Душанбенақлиётхадамотрасон», шуъбаи Бозрасии давлатии автомобилии Вазорати корҳои дохилии Ҷумҳурии Тоҷикистон дар шаҳри Душанбе ва Раёсати Хадамоти давлатии назорат ва танзим дар соҳаи нақлиёт дар шаҳри Душанбе супориш дода шудааст, ки ба гузариши пурраи таксиҳо ба системаи нақлиёти барқӣ мусоидат намоянд.
Қаблан 7 майи соли 2019 дар назди Мақомоти иҷроияи ҳокимияти давлатии шаҳри Душанбе Корхонаи воҳиди давлатии «Шаҳри ҳушманд» таъсис шуда буд, ки дар пойтахт ба татбиқи барномаи «Нақлиёти ҷамъиятии ҳушманд», аз ҷумла лоиҳаи «GPS tracker» (дастгоҳе, ки дар мошин устувор карда мешавад ва барои сабти нуқтаҳои хатсайри ҳаракат пешбинӣ шудааст) шуруъ намуд.
Барномаи «Нақлиёти ҷамъиятии ҳушманд» ҷорӣ намудани системаҳои зеҳнии нақлиётро пешбинӣ мекунад. Барои баланд бардоштани нишондиҳандаҳои кори нақлиёти ҷамъиятӣ дар автобусҳо, троллейбусҳо ва таксиҳо gps-трекерҳо, инчунин сенсорҳои (дастгоҳҳои) ченкунии миқдори сӯзишворӣ ва ҷараёни мусофирбарӣ, дар истгоҳҳои шаҳрӣ тоблуҳои электронӣ бо маълумот дар бораи вақти расидан ва шумораи хатсайрҳои нақлиёти ҷамъиятӣ насб карда шуданд.
АКС аз манбаъҳои боз
Дар Душанбе тавсеаи ҳамкории Тоҷикистон бо Иттиҳоди Аврупо дар соҳаи энергетика баррасӣ шуд
Барномаи рақамикунонии соҳаи кишоварзии Ҷумҳурии Тоҷикистон барои солҳои 2025-2030 қабул гардид
Тоҷикистон аъзои Иттиҳоди байналмилалии ҳифзи табиат (IUCN) гардид
Вазорати энергетикаи Тоҷикистон бо ташкилоти байналмилалӣ санадҳои нави ҳамкорӣ ба имзо расонид
КОНФРОНСИ БАЙНАЛМИЛАЛИИ САТҲИ БАЛАНД ОИД БА ҲИФЗИ ПИРЯХҲО. Он самтҳои калидии ҳамкории байналмилалӣ, таҳқиқоти илмӣ ва қарорҳои сиёсиро фаро мегирад
Вобаста ба устувории молиявӣ барои ҳифзи пиряхҳо ва устувории иқтисодӣ дар Тоҷикистон ҳамоиш доир шуд
«АЗ ПИРЯХҲО ТО ХОҶАГИДОРОН». Барои нуҳ давлат барномаи нав таҳия карда мешавад
Масъалаҳои татбиқи лоиҳаҳои муҳими миллӣ вобаста ба тағйирёбии иқлим ва муҳофизати пиряхҳо баррасӣ шуданд
Дар Душанбе доир ба маблағгузорӣ барои мутобиқшавӣ, коҳиш ва ҷуброни талафоти вобаста ба пиряхҳо ҳамоиш доир шуд
Лоиқ Раҳмонзода: «Яке аз хатарноктарин пайомадҳо афзоиши шумораи рахнашавии кӯлҳои пиряхӣ мебошад»
Дар «Dushanbe EXPO Centre» намоишгоҳи саноатии молҳои Тоҷикистон оғоз гардид
Дар доираи Конфронси байналмилалии сатҳи баланд оид ба ҳифзи пиряхҳо дар «Кохи Сомон» зиёда аз 20 гӯша ташкил гардидааст
