НИШАСТИ МАТБУОТӢ. Дар Тоҷикистон шумораи хизматчиёни давлатӣ ба беш аз 18 ҳазор нафар расид
ДУШАНБЕ, 28.01.2025 /АМИТ «Ховар»/. Дар Ҷумҳурии Тоҷикистон соли 2024 шумораи хизматчиёни давлатии амалкунанда 18 ҳазору 801 нафарро ташкил дод, ки синни миёнаи хизматчиёни давлатӣ 36,6 солро ташкил медиҳад. Аз ин шумора 4849 нафар занон мебошанд. Аз шумораи умумии ишғолкунандагони мансабҳои роҳбарикунанда, ки 5955 нафар мебошанд, 1146 нафарро занон ташкил медиҳанд. Дар ин хусус имрӯз зимни нишасти матбуотӣ директори Агентии хизмати давлатии назди Президенти Ҷумҳурии Тоҷикистон Илёс Идрисзода иттилоъ дод.
Илёс Идрисзода иброз намуд, ки дар ҳамкорӣ бо мақомоти давлатӣ оид ба масъалаҳои вазъи ҷалби ҷавонон ва занон ба хизмати давлатӣ, мусоидат ба фарогирии онҳо ба хизмати давлатӣ ва мансабҳои роҳбарикунанда мунтазам тадбирҳо андешида мешаванд. Ҳамзамон оид ба баланд бардоштани дониш ва малакаи кории хизматчиёни давлатӣ гуфта шуд, ки онҳо пайваста кӯшиш менамоянд бо дигар давлатҳо ҳамкорӣ намоянд.
Иттилоъ дода шуд, ки бо мақсади тақвияти ҳамкорӣ бо ҷониби Корея лоиҳаи Ёддошти тафоҳум байни Вазорати идоракунии ҳайати Ҷумҳурии Корея ва Агентии хизмати давлатии назди Президенти Ҷумҳурии Тоҷикистон таҳия шуда, дар ин самт мувофиқаи корҳо идора дорад. Дар мавриди ба имзо расидани ин ёддошт меъёрҳо вобаста ба таҳсили хизматчиёни давлатӣ, ташкили семинарҳо, омӯзишҳо ва дигар самтҳое, ки ба хизмати давлатӣ дахл доранд, ба инобат гирифта мешаванд.
«Мо кӯшиш мекунем, ки шумораи омӯзишҳоро бештар намуда, дар даврҳои омӯзишӣ таҷрибаи дигар давлатҳоро омӯзем. Иштироки хизматчиёни давлатӣ дар ин даврҳо бояд зиёд бошад, зеро омӯзиши таҷрибаи дигар давлатҳо дар дилхоҳ самт ба манфиат ва пешрафти кори мо аст»,-изҳор намуд директори агентӣ.
Шаҳлои САДРИДДИН,
АМИТ «Ховар»
АКС: АМИТ «Ховар»
Оид ба дастовардҳои соҳаи меҳнат, муҳоҷират ва шуғли аҳолӣ дар даврони Истиқлолияти давлатӣ конференсияи илмӣ–амалӣ доир гардид
Самтҳои афзалиятноки рушди таҳсилоти касбӣ бо намояндагони Бонки Осиёии Рушд баррасӣ гардид
ОГОҲӢ! Аз 21 то 24 август дар баъзе минтақаҳои Тоҷикистон омадани сел пешгӯӣ мешавад
Натиҷаҳои амалишавии Лоиҳаи «Беҳтарсозии малакаҳои касбӣ ва имконияти бокортаъминшавӣ» баррасӣ гардид
Дар Тоҷикистон беш аз 5 ҳазор муассисаи тандурустӣ фаъолият мекунад
Умед Бобозода ва Муҳаммад Рошид Ал-Амирӣ масоили ҳифзи ҳуқуқи инсонро баррасӣ намуданд
Бахшида ба ҷашни 35-солагии Истиқлоли давлатӣ дар шаҳри Душанбе барномаи фарҳангӣ доир шуд
Дар Душанбе ба муносибати Рӯзи кормандони соҳаи тиб ҳамоиши тантанавӣ баргузор гардид
Дар ноҳияи Восеъ бо иштироки Сарвазири Тоҷикистон иншооти иҷтимоӣ ва роҳҳои нав ба истифода дода шуданд
Эмомалӣ Раҳмон: «Ному осори Абуалӣ ибни Сино боиси сарфарозии тамоми инсоният гардидааст»
Эмомалӣ Раҳмон: «Саломатии аҳолӣ сарвати асосии давлат мебошад»
Бо дастури Пешвои миллат ба оилаи аз офати табиӣ зарардида дар Кӯлоб хонаи нави истиқоматӣ тақдим гардид
