САДА ОМАД, КИ ТУРО МУЖДА ДИҲАД АЗ НАВРӮЗ. Ин ҷашни ниёгон дар ноҳияи Нуробод пуршукуҳ таҷлил гардид
ДУШАНБЕ, 25.01.2025. /АМИТ «Ховар»/. 24 январ дар назди муҷассамаи Исмоили Сомонии шаҳраки Дарбанди ноҳияи Нуробод ҷашни Сада бо шукуҳу шаҳомати хосса таҷлил гардида, зимни он урфу одатҳои миллӣ, маҳсули дасти деҳқонон, аз қабили сабзавоту меваҳои хушк, тухмии зироат, ниҳолу буттаҳо ва инчунин техникаҳои кишоварзӣ ба намоиш гузошта шуданд. Дар ин хусус ба АМИТ «Ховар» аз Мақомоти иҷроияи ҳокимияти давлатии ноҳияи Нуробод хабар доданд.
Иҷрокунандаи вазифаи Раиси ноҳияи Нуробод Фатҳуддин Солеҳзода бо ифтихор аз дастовардҳои соҳибистиқлолӣ, ки дар партави сиёсати бунёдкоронаи Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба даст омадаанд, изҳор дошт, ки ҷашни Сада чун падидаи фарҳанги асили аҷдодӣ ба ҷузъи ҷудоинопазири худшиносӣ ва ифтихори миллӣ, рушди пешаи кишоварзӣ ва василаи таблиғу ташвиқи корҳои деҳқонию боғдорӣ табдил ёфтааст.
Тазаккур дода шуд, ки бо чунин руҳу илҳом ва иқдому ниятҳои нек сокинони ноҳияи Нуробод бо шукргузорӣ аз фазои сулҳу субот, Истиқлоли давлатӣ, оромии мамлакати азизамон ва пеш аз ҳама, садоқат ба Пешвои миллат онро бо тантана таҷлил менамоянд.
Дар идома сокинони ноҳия ба таблиғи идеяҳои нек, аз қабили садоқат ба Ватан, осоишу ваҳдати инсонҳо, дӯст доштани табиат ва заҳмат ба хотири баракату фаровонӣ, ободу сарсабз гардонидани табиати диёр, гулгашту кӯчаҳо, тозаю озода кардани хонаю кошона ва маҳалли зист, инчунин кишоварзону боғдорон ба мавсими омодагии кишти баҳорӣ ва бештар заҳмат кашидан даъват карда шуданд.
Дар фарҷом барномаи фарҳангӣ пешкаши сокинон гардонида шуд.
АКС: Мақомоти иҷроияи ҳокимияти давлатии ноҳияи Нуробод
Ду озмоишгоҳи Институти химияи Академияи миллии илмҳои Тоҷикистон бо технологияи муосир муҷаҳҳаз карда шуд
Рӯзҳои фарҳанги Ҷумҳурии Тоҷикистон дар Федератсияи Русия идома доранд
Ёдгориҳои ёфтшуда аз шаҳристони Ҳулбук арзиши баланди илмӣ дошта, дар байни таҳқиқоти солҳои охир беназир маҳсуб мешаванд
«Шоҳнома»-и Фирдавсӣ бояд машъалафрӯзи ҳар хонадони тоҷик бошад ва анъанаи неки шоҳномасароӣ барқарор шавад
Вобаста ба таъсири зеҳни сунъӣ ба ҳастии инсоният конференсияи ҷумҳуриявӣ баргузор шуд
«ШОҲНОМА — ОРМОНИ МИЛЛӢ». Он мактаби худшиносӣ ва парчами ифтихори миллии мо аст
Ҳамкории Академияи миллии илмҳои Тоҷикистон бо Маркази пажӯҳишӣ ва машваратии TRENDS густариш меёбад
Иштирокдорони Конфронси байналмилалии сатҳи баланд оид ба ҳифзи пиряхҳо аз Чин бо яке аз маконҳои таърихии Тоҷикистон шинос шуданд
Қобилҷон Хушвахтзода: «Ташаббусҳои Пешвои миллат оид ба масоили об дар ҳалли масъалаҳои истифодаи оқилонаи захираҳои обии сайёра нақши муҳим доранд»
Намоиши ёдгориҳои таърихии Ҷумҳурии Тоҷикистон дар Ҷумҳурии Мардумии Чин баргузор мегардад
Муовини Сарвазири Тоҷикистон Дилрабо Мансурӣ бо ёрдамчии Дабири кулли ЮНЕСКО Лидия Артур Брито мулоқот намуд
КОНФРОНСИ БАЙНАЛМИЛАЛИИ САТҲИ БАЛАНД ОИД БА ҲИФЗИ ПИРЯХҲО. Обшавии босуръати пиряхҳо дар Арктика ва Антарктида боиси ноустувории қабатҳои ях мегардад
