«Собиқадорони Вазорати корҳои дохилӣ дар ҳифзи тартиботи ҷамъиятӣ нақши назаррас мегузоранд», — бардошт аз ҳамоиш
ДУШАНБЕ, 24.01.2025. /АМИТ «Ховар»/. Собиқадорони Вазорати корҳои дохилии Ҷумҳурии Тоҷикистон дар қатори дигар кормандони милитсия барои ҳифзи тартиботи ҷамъиятӣ ва пос доштани сулҳу субот нақши назаррас доранд. Онҳо тарбиятгари насли ҷавони милитсия буда, барои вусъат додани донишу малака ва дигар истеъдодҳои кормандони милитсия хизмат менамоянд. Чунин иброз гардид дар ҳамоиши Созмони собиқадорони Вазорати корҳои дохилии Ҷумҳурии Тоҷикистон, хабар медиҳад АМИТ «Ховар» бо истинод ба ин вазорат.
Раиси Созмони собиқадорони Вазорати корҳои дохилӣ, генерал-майори мустаъфии милитсия Саид Ҷурахонзода нақш ва мақоми шуроҳои собиқадоронро дар соли 2024 қаноатманд арзёбӣ намуда, иброз дошт, ки тамоми имкониятро бояд ба боз ҳам беҳтар намудани фаъолияти шуроҳои собиқадорон дар шаҳру ноҳияҳои мамлакат равона созем.
Таҷрибаи бойи собиқадорони Вазорати корҳои дохилӣ дар тарбия ва баланд бардоштани малакаи касбии ҳайати шахсӣ, иҷрои вазифаҳои хизматӣ, баланд бардоштани руҳияи ифтихори миллӣ, ватандӯстӣ, садоқат ба Ватан ва савганди хизматӣ хеле назаррас мебошад.
«Имрӯз Созмони собиқадорон ҷузъи муҳими вазорат ба шумор рафта, ҳар собиқадори ин ниҳод насли ояндаи милитсияро ба хониши аъло, ҷасурӣ, содиқ будан ба халқу Ватан ва пос доштани савганди хизматӣ ҳидоят менамояд. Собиқадорон инчунин барои мустаҳкам намудани тартибот, интизом ва риояи қонунҳо дар байни ҳайати шахсӣ ва баланд бардоштани маҳорати касбии мутахассисони ҷавон талош меварзанд»,- гуфта шуд дар ҷаласа.
Кормандони мақомот, хусусан ҷавонон имрӯз имконият доранд, ки ҳарчи бештар аз таҷрибаи собиқадорон баҳравар гарданд. Ҳамкорӣ ва робитаи наздик бо собиқадорони мақомоти ҳифзи ҳуқуқу тартибот, ки дар минтақаҳои ҷумҳурӣ зиндагӣ мекунанд, ба кори нозирони минтақавӣ низ метавонад таъсири мусбат расонад. Яъне, нозирони минтақавӣ, аз ҷумла кормандони ҷавони милитсия барои самаранок гардидани фаъолияти кориашон аз таҷрибаи солҳо андӯхтаи кормандони куҳансол, хусусан собиқадорони мақомоти корҳои дохилӣ бояд истифода баранд.
Дар даҳсолаи охир барои фаъолияти кории собиқадорони ин соҳа шароити мусоид фароҳам оварда шуда, фаъолият ва низоми шуроҳои собиқадорон, масъалаи ҳифзи иҷтимоии онҳо, нафақахӯрон, ва маъюбон зери ғамхории Роҳбарияти давлату Ҳукумати Ҷумҳурии Тоҷикистон қарор дорад.
АКС: Вазорати корҳои дохилии Ҷумҳурии Тоҷикистон
Барои кормандзанони мақомоти корҳои дохилӣ барномаи идонаи бошукуҳ доир гардид
Дар Душанбе ҷаласаи Комиссияи даъвати ҷумҳуриявӣ баргузор шуд
Котиби Шурои амнияти Ҷумҳурии Тоҷикистон бо Директори Кумитаи иҷроияи Сохтори минтақавии зиддитеррористии СҲШ мулоқот намуд
«БЕҲТАРИН РАСМИ МОДАР ВА ДУХТАР БО ЛИБОСИ МИЛЛӢ». Таҳти ин унвон озмун баргузор мегардад
Сарфармондеҳи Олии Қувваҳои Мусаллаҳ: «Артиши миллии Тоҷикистон ба яке аз рукнҳои муҳимми давлатдории навини тоҷикон мубаддал гардидааст»
ИМРӮЗ — РӮЗИ ТАЪСИСИ ҚУВВАҲОИ МУСАЛЛАҲИ ТОҶИКИСТОН. Давлат бо Артиши миллӣ муқтадиру пойдор мемонад
СИПАҲСОЛОРИИ ПЕШВОИ МИЛЛАТ. Артиши миллӣ — артиши дар ибтидо пароканда ва номукаммале, ки имрӯз ба қувваи бузург ва ифтихори тоҷикон табдил ёфтааст
ҶОННИСОР, ШАБЗИНДАДОР ВА БОИСИ ИФТИХОР! Имрӯз Артиши миллии Ҷумҳурии Тоҷикистон сипари боэътимоди давлат ва миллат аст
ЗАНОНИ НИЗОМИПӮШ. Дар баробари зан-модар будан масъулияти ҳимояи Ватанро низ бар дӯш доранд
Эмомалӣ Раҳмон: «Ҳимояи Ватан ва ҳаёти осоиштаи мардум барои ҳар ҷавонмарди бонангу номус вазифаи муқаддас ва пуршараф ба ҳисоб меравад»
Дар шаҳри Бишкек ҷаласаи муштараки ҳайатҳои ҳукуматии Тоҷикистону Қирғизистон оид ба делимитатсия ва демаркатсияи сарҳади давлатӣ баргузор шуд
Ҳимояи марзу бум вазифаи ҷонии ҳар афсару сарбоз ва сокини ифтихорманди Тоҷикистон мебошад
