ТАҚВИМИ АМИТ «ХОВАР»: имрӯз 12 январ, якшанбе, 12-умин рӯзи соли 2025 аст

Дар ин рӯзи соли 1999 ба нархи тӯби бейсбол рекорд гузошта шуд — он дар музоядаи Ню-Йорк бо арзиши 3 миллиону 54 ҳазор доллари амрикоӣ фурӯхта шуд.

***

12 январи соли  2009 Воситаҳои ахбори омма хабар доданд, ки бино ба маълумоти расмӣ, соли 2008  ба Ҷумҳурии Тоҷикистон 470 ҳазор сайёҳи хориҷӣ омадааст.

***

12 январи соли 2012 Ассотсиатсияи «Клуби иқтисодии олимони Авруосиё» дар сомонаи www.group-global.org шабакаи зеҳниро дар шакли сомонаи муоширатии G-Global фаъол намуд.

***

Соли 2016 дар шаҳри Душанбе дар Қасри миллат зимни мулоқоти Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо Вазири федеролии захираҳои об ва энергетикаи Ҷумҳурии Исломии Покистон Хоҷа Муҳаммад Осиф маҷмуи васеи масоили кунунӣ ва дурнамои муносибатҳои ҳамкории Тоҷикистон ва Покистон баррасӣ шуд.

***

12 январи соли 2016 ҳамлагари аргентинагии дастаи «Барселона»-и Испания Лионел Мессӣ барандаи «Тӯби тиллоӣ»-и Федератсияи байналмилалии футбол гардид. Маросими супоридани ҷоизаи «Беҳтарин футболбози соли 2015» ҳангоми шабнишинии калон дар шаҳри Сюрихи  Швейтсария баргузор гардид.

***

Дар ин рӯзи соли 2019 АМИТ «Ховар» иттилоъ дод, ки дар натиҷаи ковишҳои бостоншиносӣ аз шаҳристони Ҳулбуки ноҳияи Восеъ маҳаллаи ҳунармандӣ бо дӯконҳои он бозёфт гардиданд.

***

12 январи соли 2021 хонандаи синфи 11 Мактаб-интернати миёнаи махсуси санъати ҷумҳуриявии ба номи Миратулло Атоев  Ҷалолиддин Абдуллоев дар Озмуни IX байналмилалии навозандагони ҷавон оид ба мусиқии классикии касбӣ, ки ба тариқи онлайн дар шаҳри Бокуи Ҷумҳурии Озарбойҷон баргузор гардид, соҳиби Дипломи дараҷаи 2 аз сози фортепиано гардид.

 12 ЯНВАР:

Дар Русия — Рӯзи прокуратура.

***

Дар Туркманистон – Рӯзи хотирот.