Вобаста ба нақши занону духтарон дар фаъолияти комиссияҳои интихоботӣ вохӯрӣ доир шуд
ДУШАНБЕ, 11.01.2025. /АМИТ «Ховар»/. 10 январ дар Кумитаи кор бо занон ва оилаи назди Ҳукумати Ҷумҳурии Тоҷикистон вохӯрии Раиси Комиссияи марказии интихобот ва раъйпурсии Ҷумҳурии Тоҷикистон Бахтиёр Худоёрзода бо занони фаъол, роҳбарони сохторҳои маҳаллии кумита ва намояндагони ташкилоти ҷамъиятии занон баргузор гардид. Дар ин хусус ба АМИТ «Ховар» аз Комиссияи марказии интихобот ва раъйпурсии Ҷумҳурии Тоҷикистон хабар доданд.
Иштирокчиён вобаста ба масъалаҳои муҳимми раванди интихобот, нақши интихобот дар таъмини сулҳу субот ва ҳамгироии ҷомеа, иштироки занон дар интихобот, баробарӣ дар татбиқи ҳуқуқи интихоботӣ, нақши занону духтарон дар фаъолияти комиссияҳои интихоботӣ ва дигар мавзуъҳои ба ин масъала дахлдор суҳбат намуданд.
Аз ҷумла таъкид шуд, ки занону духтарон дар раванди интихобот аз ҳуқуқи фаъол ва ҳам ғайрифаъоли интихоботӣ баҳраманд ҳастанд. Пешбарии номзадҳо тавассути рӯйхати ҳизбӣ аз ҷониби ҳизбҳои сиёсӣ ба ҳавзаи ягонаи умумиҷумҳуриявӣ далели он аст, ки ҳизбҳои сиёсӣ ба масъалаи пешбарии занон ба вакилии Маҷлиси намояндагони Маҷлиси Олии Ҷумҳурии Тоҷикистон таваҷҷуҳи бештар зоҳир менамоянд. Ин нишонаи эътирофи мавқеъ ва нақши созандаи занон дар ҷомеа мебошад.
Аъзои Комиссияи марказӣ вобаста ба масъалаи занон ва интихобот ибрози назар карда, аз роҳбарони сохторҳои маҳаллии кумита даъват намуданд, ки дар самти иштироки фаъолонаи занон дар интихобот корҳои иттилоотӣ ва ташвиқотиро тавсеа бахшанд.
Дар фарҷоми вохӯрӣ Раиси Кумитаи кор бо занон ва оилаи назди Ҳукумати Ҷумҳурии Тоҷикистон Бунафша Файзиддинзода иброз дошт, ки занону духтарони мамлакат аҳамияти интихоботро ҳамчун маъракаи сиёсӣ ба хубӣ дарк ва фаъолона дар ин раванд иштирок мекунанд.
АКС аз манбаъҳои боз
Посух ба муроҷиати шаҳрванди Афғонистон Муҳаммад Ҳаким Турсун
«БЕҲТАРИН УСТО ВА ШОГИРД». Дар Душанбе даври ҷамъбастии фестивал-озмуни ҳунармандону косибон баргузор мегардад
КАСБУ ҲУНАР МЕОМӮЗЕМ! Маркази касбомӯзӣ ва хизматрасонӣ дар ноҳияи Восеъ ба хоҳишмандон касбу ҳунарҳои дар бозори меҳнат талабгорро меомӯзад
«ЯК МАТОВУ САД РАНГ». Шаҳри Душанбе бо намоиши либосҳои муосири миллӣ ба гирифтани ҷойи якум сазовор гардид
Дар Ню-Йорк ҳамкории Тоҷикистон бо шарикони байналмилалӣ дар самти муҳоҷират баррасӣ гардид
ОГОҲӢ! 10-12 май дар бештари қаламрави Тоҷикистон бориши бошиддати борони пешгӯӣ мешавад
Намояндагони Тоҷикистон дар дуюмин Форуми байналмилалии баррасии муҳоҷират иштирок намуданд
Муовини Сарвазири Тоҷикистон ба хонадони иштирокчии ҷанг аз шаҳри Ҳисор кумакпулии Пешвои миллатро супорид
Шаҳноза Ахмедова: «Рушди ҳунарҳои мардумӣ омили муҳими муаррифии давлат, миллат ва фарҳанг аст»
ПУРСИДЕД, ҶАВОБ МЕДИҲЕМ. Кадом хатарҳо ҳангоми истифодаи хизматрасониҳои молиявӣ дар Федератсияи Русия вуҷуд доранд?
Шаҳноза Ахмедова соҳиби Шоҳҷоизаи Фестивал-озмуни ҷумҳуриявии «Як матову сад ранг» гардид
Дар Дастгоҳи иҷроияи Президенти Ҷумҳурии Тоҷикистон бахшида ба ҷашни 35-солагии Истиқлоли давлатӣ нишасти илмию назариявӣ баргузор гардид
