35-СОЛАГИИ ИСТИҚЛОЛИ ДАВЛАТӢ. Дар ноҳияи Айнӣ кӯдакистон ва Маркази фарҳангию фароғатӣ бунёд мешавад
ДУШАНБЕ, 05.02.2025 /АМИТ «Ховар»/. Бахшида ба ҷашни 35-солагии Истиқлоли давлатии Ҷумҳурии Тоҷикистон дар деҳаи Сангистони ноҳияи Айнӣ кӯдакистон ва Маркази фарҳангию фароғатӣ бунёд карда мешавад, иттилоъ медиҳад АМИТ «Ховар» бо истинод ба хадамоти матбуоти Раиси вилояти Суғд.
Ин иншоот тибқи дастуру ҳидоятҳои Президенти Ҷумҳурии Тоҷикистон муҳтарам Эмомалӣ Раҳмон, ки дар Паём ба Маҷлиси Олии Ҷумҳурии Тоҷикистон таъкид намуда буданд, бунёд мегарданд. Мувофиқи лоиҳа, бинои кӯдакистон аз ду ошёна ва таҳхона иборат буда, барои фарогирии 120 кӯдак пешбинӣ шудааст. Ҳоло дар он корҳои сохтмонӣ идома доранд.
Маркази фарҳангию фароғатӣ аз як ошёна ва таҳхона иборат буда, фармоишгар Идораи сохтмони асосии вилояти Суғд ва пудратчӣ Ҷамъияти дорои масъулияти маҳдуди «Тоҷик Элитсохтмон» аст.
Тибқи лоиҳа, дар дохили бино тарабхона, коргоҳи дӯзандагӣ, коргоҳи истеҳсоли пойафзол, толори варзишӣ, сартарошхона ва толори ҳусн ҷойгир карда мешаванд. Барои ин имконият ва шароити зарурӣ мавҷуд буда, татбиқи лоиҳа сабаби бо ҷойи кори доимӣ таъмин намудани сокинон мегардад.
Ҳамзамон дар ноҳияи Айнӣ дар доираи Ҳаракати ҷумҳуриявии ниҳолшинонӣ бо иштироки роҳбарияти вилояти Суғд дар шафати роҳи деҳаи Сангистон ниҳолҳои ороишию ҳамешасабз шинонида шуданд. Маъракаи ниҳолшинонӣ дар ноҳияи Айнӣ муташаккилона идома дошта, то имрӯз дар шафати роҳҳо ва заминҳои назди ташкилоту идораҳо беш аз 2 000 бех ниҳол шинонида шудааст.
АКС: Хадамоти матбуоти Раиси вилояти Суғд
Дар Панҷакент иншооти иҷтимоӣ ва хизматрасонӣ ифтитоҳ гардиданд
Президенти Ҷумҳурии Тоҷикистон Эмомалӣ Раҳмон дар ноҳияи Шаҳринав 6 иншооти таъйиноти гуногунро ба таври фосилавӣ ифтитоҳ намуданд
Сарвари давлат Эмомалӣ Раҳмон дар ноҳияи Шаҳринав аз Маркази ҷумҳуриявии таълимию методии Кумитаи ҳолатҳои фавқулода ва мудофиаи гражданӣ боздид намуданд
Дар шаҳри Ҳисор мумфаршкунии беш аз 3,5 километр роҳи автомобилгард оғоз гардид
820 иншооти гуногун ба маблағи беш аз 1 миллиард сомонӣ дар шаҳри Ваҳдат ба истифода дода шуд
Дар шаҳри Конибодом нуқтаҳои истироҳатӣ ва осоишгоҳи солимгардонӣ бунёд карда мешаванд
Дар ноҳияи Шаҳристон ба беҳтар намудани сатҳу сифати таълиму тарбия таваҷҷуҳи хосса дода мешавад
Дар шаҳри Ҳисор бинои мактаб, варзишгоҳ ва коргоҳи дӯзандагӣ ба истифода дода шуд
Дар даврони соҳибистиқлолӣ дар шаҳри Кӯлоб 53 бинои муассисаи таълимӣ ба истифода дода шуд
СОЛИ ОБОДОНИЮ СОЗАНДАГӢ. Дар ноҳияи Ёвон мумфаршкунии роҳҳои маҳаллӣ идома дорад
Дар Исломобод 35-солагии Истиқлоли давлатии Ҷумҳурии Тоҷикистонро таҷлил намуданд
35-СОЛАГИИ ИСТИҚЛОЛИ ДАВЛАТӢ. Дар ин давра дар Бадахшон 300 муассисаи таҳсилоти умумӣ ба истифода дода шуд
