Ҳамкорӣ байни муассисаҳои олии Тоҷикистон ва Донишкадаи ҷаҳонии савдо баррасӣ гардид

ДУШАНБЕ, 20.02.2025 /АМИТ «Ховар»/. 18 феврал Сафири Фавқулода ва Мухтори Ҷумҳурии Тоҷикистон дар Конфедератсияи Швейтсария, Намояндаи доимии Ҷумҳурии Тоҷикистон дар назди шуъбаи Созмони Милали Муттаҳид ва дигар ташкилоти байналмилалӣ дар Женева  Шараф Шерализода бо Директори роҳбарикунандаи Донишкадаи аврупоӣ  ва ҳуқуқи иқтисоди байналмилалӣ ва Директори Донишкадаи ҷаҳонии савдо профессор Майкл Ҳан мулоқот намуд.

Тавре АМИТ «Ховар» бо истинод ба Сафорати Ҷумҳурии Тоҷикистон дар Конфедератсияи Швейтсария хабар медиҳад, зимни мулоқот масъалаҳои амалигардонии ҳамкорӣ байни муассисаҳои олии Ҷумҳурии Тоҷикистон бо Донишкадаи ҷаҳонии савдо, аз ҷумла ҷалби донишҷӯёни тоҷик ба ин муассисаи таълимӣ, табодули таҷрибаи пешқадам, такмили ихтисос ва ташкили даврҳои омӯзишӣ барои мутахассисон мавриди баррасӣ қарор гирифтанд.

АКС: Сафорати Ҷумҳурии Тоҷикистон дар Конфедератсияи Швейтсария