БА ТАВАҶҶУҲИ ШИРКАТҲОИ НАҚЛИЁТӢ. Дар Русия ва Беларус низоми муҳру муми навигатсионӣ ҳангоми ҳамлу нақли автомобилӣ амалӣ шуд
ДУШАНБЕ, 20.02.2025 /АМИТ «Ховар»/. Ба таваҷҷуҳи ширкатҳои нақлиётие, ки ба боркашонии байналмилалӣ машғуланд, расонида мешавад, ки шуруъ аз охири моҳи январи соли 2025 дар Русия ва Беларус низоми муҳру муми (пломбаҳои) навигатсионӣ ҳангоми ҳамлу нақли категорияҳои муайяни борҳо амалӣ карда шуд, иттилоъ медиҳад Вазорати нақлиёти Тоҷикистон бо истинод ба Вазорати нақлиёти Русия.
Тавре ба АМИТ «Ховар» аз Вазорати нақлиёти Тоҷикистон хабар доданд, низоми нав барои кам кардани хатари қочоқ ва таҷдиди назорати ҳаракати молҳои хатарнок ва сермолиёт амалӣ гардида, ба мубориза бо воридот ва гардиши ғайриқонунии чунин бастабандии молҳо, ба мисли спирт, тамоку, инчунин молҳои саноати сабук ва истеъмоли халқ равона шудааст.
Акнун қабл аз ҳамлу нақли бор, интиқолдиҳанда бояд дар шабакаи иттилоотии оператори миллӣ сабти ном шавад ва ҳаққи хизматрасониҳоро тавассути ҳисоби шахсӣ бо баёни маълумот дар бораи моли интиқолшаванда пардохт намояд. Ҳангоми ворид шудан ба гузаргоҳи гумрукӣ, ӯ бояд пломбаи навигатсиониро фаъол созад, ки дар тамоми масир то нуқтаи таъйинот истифода мешавад.
Ҳамзамон интизор меравад, ки низоми нав ба муҳлати ҳамлу нақли бор таъсир намерасонад ва сарфи маблағи интиқолдиҳандагонро зиёд намекунад. Зеро тавре дар хабар омадааст, «хароҷоти истифодаи пломбаҳо дар муқоиса бо арзиши умумии молҳои интиқолёфта ҳадди ақалл хоҳад буд».
АКС: Вазорати нақлиёти Ҷумҳурии Тоҷикистон
Байни Тоҷикистон ва Чин Ёддошти тафоҳуми ҳамкорӣ дар соҳаи стандартизатсия ба имзо расид
Тоҷикистон ва Арманистон ҳамкориро дар самти ҳифз ва барқарорсозии экосистемаҳо ва мониторинги гуногунии биологӣ тақвият медиҳанд
Байни Тоҷикистон ва Чин Ёддошти тафоҳум оид ба мусоидат ба ҳамкорӣ дар соҳаи инфрасохтор ва сохтмони муҳандисӣ ба имзо расид
Байни мақомоти зиддикоррупсионии Тоҷикистон ва Чин Ёддошти тафоҳум оид ба пешгирӣ ва мубориза бо коррупсия ба имзо расид
Дар Агентии авиатсияи гражданӣ дар мавзуи «Амнияти иттилоотӣ дар шароити таҳдидҳои киберии муосир» ҳамоиш доир шуд
Дар Тоҷикистон беш аз 4 ҳазор коргоҳу корхонаи истеҳсолӣ фаъолият менамояд
Сохтмони роҳи таворавии шаҳри Кӯлоб қадами муҳим дар рушди инфрасохтори нақлиётии Тоҷикистон аст
Дар вилояти Суғд ҳаҷми истеҳсоли маҳсулоти кишоварзӣ ба беш аз 21 миллиард сомонӣ расид
«Барномаи рушди иҷтимоию иқтисодии вилояти Хатлон барои солҳои 2026–2030» 31,2 фоиз иҷро гардид
Дар Тоҷикистон 7136 ҳолати вайронкунии қонунгузории замин бартараф карда шуд
Ҳамкории БАТР бо Тоҷикистон дар соҳаи энергетика тақвият меёбад
Дар Нозироти андози шаҳри Ваҳдат 804 субъекти хоҷагидори амалкунанда сабти ном шудааст
